Имрӯз дар Душанбе Чемпионати CAFA-2022 миёни дастаҳои ҷавонон (U-19) оғоз мегардад
ДУШАНБЕ, 05.08.2022 /АМИТ «Ховар»/. Имрӯз, 5 август дар Душанбе Чемпионати сеюми Ассотсиатсияи футболи Осиёи Марказӣ (CAFA) миёни дастаҳои ҷавонони то 19-сола шурӯъ мешавад, хабар медиҳад АМИТ «Ховар» бо истинод ба Федератсияи футболи Тоҷикистон.
Ин навбат панҷ даста – тимҳои ҷавонони Тоҷикистон, Эрон, Узбекистон, Қирғизистон ва Афғонистон барои медалҳо мубориза мебаранд.
Дар остонаи баргузории чемпионати CAFA-2022 4 август дар меҳмонхонаи «Румӣ»-и шаҳри Душанбе ҷаласа баргузор гардид. Дар он масъалаҳои ташкили мусобиқа ва муҳимтарин нуктаҳои низомнома мавриди баррасӣ қарор гирифта, рангҳои либоси дастаҳои ширкаткунанда тасдиқ гардиданд.
Дар мусобиқа, ки аз 5 то 12 август дар Душанбе баргузор мешавад, Азизҷон Достиев (Тоҷикистон) ва Михаил Толкачев (Қирғизистон) нақши комиссарро иҷро мекунанд. Бозиҳои чемпионати CAFA-2022 миёни дастаҳои ҷавонони то 19-соларо ҳайати доварон аз панҷ кишвар ҳакамӣ мекунанд. Ҷумҳурии моро довари ФИФА Сайёдҷон Зайниддинов ва ёвари довари ФИФА Фарҳод Куралов намояндагӣ мекунанд.
Дар маҷмӯъ дар доираи чемпионати CAFA-2022 миёни ҷавонон даҳ бозӣ баргузор мешавад. Ҳама вохӯриҳо дар Варзишгоҳи марказии Душанбе сурат мегиранд.
Тибқи низомномаи мусобиқот, ҳар даста якборӣ дар як марҳила бо ҳам бозӣ мекунад. Ғолиб аз рӯйи шумораи бештари холҳо муайян карда мешавад.
Бояд гуфт, ки қаблан Чемпионати CAFA миёни ҷавонон (U-19) ду маротиба баргузор шуда буд. Дар Тошканд соли 2016 дастаи мунтахаби Узбекистон барандаи мусобиқот гашта, соли 2019 футболбозони эронӣ дар Душанбе пирӯз шуда буданд.
Чемпионати CAFA-2022 миёни дастаҳои ҷавонони то 19-сола
Иштирокчиён: ТОҶИКИСТОН, Эрон, Узбекистон, Афғонистон, Қирғизистон.
Даври 1
5 август (ҷумъа)
18:00 – Узбекистон – Эрон
21:00 – Қирғизистон – Афғонистон
Даври 2
6 август (шанбе)
18:00 – Қирғизистон – Узбекистон
21:00 – Афғонистон – ТОҶИКИСТОН
Даври 3
8 август (душанбе)
18:00 – Эрон – Афғонистон
21:00 – ТОҶИКИСТОН – Қирғизистон
Даври 4
10 август (чоршанбе)
18:00 – Эрон – Қирғизистон
21:00 – Узбекистон – ТОҶИКИСТОН
Даври 5
12 август (ҷумъа)
18:00 – Афғонистон – Узбекистон
21:00 – ТОҶИКИСТОН – Эрон
Акс: ФФТ
Дастаи мунтахаби наврасони Тоҷикистон дар Дубай се бозии дӯстона анҷом медиҳад
БАРНОМАИ РУШДИ ФУТБОЛ ДАР ТОҶИКИСТОН. Беш аз 15 ҳазор наврасон ба тамрини футбол фаро гирифта шуданд
Шурои мураббиёни ФФТ натиҷаи фаъолияти дастаҳоро ҷамъбаст ва нақшаҳои соли 2027-ро баррасӣ намуд
Варзишгари тоҷик Фатҳулло Одинаев дар марафони байналмилалии Ню-Йорк иштирок намуд
Ҳафт паҳлавони тоҷик дар Чемпионати ҷаҳон оид ба гӯштини кураш дар Қазоқистон иштирок менамоянд
Дастаи миллии Тоҷикистон оид ба футзал бо дастаи мунтахаби Узбекистон бозиҳои дӯстона анҷом медиҳад
Дар ноҳияи Абдураҳмони Ҷомӣ Мусобиқаи кушод оид ба гӯштини тарзи озод байни наврасон оғоз гардид
Наврасони Тоҷикистон баъди ғалаба дар дивизиони «D» дар Боку ба Ватан баргаштанд
Президенти Кумитаи паралимпии Осиё ба натиҷаи иштироки дастаи мунтахаби Тоҷикистон дар Бозиҳои паралимпии Осиё баҳои баланд дод
Дар деҳаи Варзоб — Қалъаи ноҳияи Варзоб майдончаи варзишӣ ба истифода дода шуд
Дастаи мунтахаби наврасони Тоҷикистон (U-17) бозии дуюми дӯстонаро бо Қатар мусовӣ анҷом дод
Дастаи мунтахаби наврасони Тоҷикистон (U-15) дар Чемпионати ҷаҳон-2026 оид ба футбол бар тимҳои Бермуд ва Филиппин пирӯз шуд
