Кишварҳои СҲШ аз таҳияи феҳристи ягонаи созмонҳои террористӣ ҷонибдорӣ карданд
ДУШАНБЕ, 19.08.2022. /АМИТ «Ховар»/. Ба кишварҳои СҲШ тавсия дода мешавад, ки феҳристи ягонаи созмонҳои террористиро таъсис диҳанд. Дар ин бора муовини директори Сохтори минтақавии зиддитеррористии Созмони ҳамкории Шанхай Артур Голованов дар ҷаласаи XVII раисони судҳои олии созмон дар Душанбе сухан гуфт, менависад агентии иттилоотии «Sputnik»-и Русия.
«Сухан дар бораи ба мақсад мувофиқ будани феҳристи ягонаи созмонҳои террористӣ барои кишварҳои узви СҲШ меравад», — гуфт Голованов.
Ӯ ба унвони мисол аз фаъолияти Ҳизби наҳзати исломӣ (ТТЭ ҲНИ)* ёдовар шуд, ки дар ниҳоят сабаби ҳамла ба як анбори аслиҳа дар Душанбе ва кӯшиши табаддулоти давлатӣ дар соли 2015 гардид.
Он замон дар натиҷаи ин ҳодисаҳо одамон ҳалок гардиданд ва ҳизб террористӣ эътироф карда шуд.
Ёдовар мешавем, ки ҷаласаи XVII раисони судҳои олии кишварҳои узви СҲШ 17-18 август дар шаҳри Душанбе баргузор гардид. Дар ҷаласа раисони судҳои олии Русия, Тоҷикистон, Чин, Қазоқистон, Қирғизистон ва Узбекистон ширкат варзиданд.
Зимни суханронӣ дар ҷаласа раиси Суди олии Федератсияи Русия Вячеслав Лебедев ба масъалаи мубориза бо таҳдидҳои ҷаҳонӣ таваҷҷуҳ кард.
Бино ба гуфтаи ӯ, муколамаи намояндагони кишварҳои узви СҲШ дар низоми судӣ баланд ва бештар аз ҳарвақта мавриди таваҷҷуҳ аст.
МАЪЛУМОТНОМАИ АМИТ «ХОВАР»
Голованов Артур Қодирович, 3 феврали соли 1978 таваллуд шуда, шаҳрванди Ҷумҳурии Тоҷикистон мебошад. Маълумоташ олӣ, Донишгоҳи миллии Тоҷикистон (ДМТ)-ро бо ихтисоси ҳуқуқшинос бо дипломи аъло хатм кардааст.
Дар мақомоти амнияти миллии Ҷумҳурии Тоҷикистон аз январи соли 1999 мебошад. Аз соли 2015 дар Кумитаи иҷроияи Сохтори минтақавии зиддитеррористии СҲШ кор мекунад.
Аз моҳи марти соли 2022 вазифаи муовини Директори Кумитаи иҷроияи Сохтори минтақавии зиддитеррористии СҲШро бар уҳда дошта, сарпарасти Раёсати фаъолияти маъмурӣ, молиявӣ ва иқтисодӣ мебошад.
Ӯ дорои унвони ҳарбии полковник, доктори илмҳои ҳуқуқ буда, забонҳои русӣ, тоҷикӣ ва англисиро хуб медонад. Оиладор, соҳиби се фарзанд мебошад.
_____________
* ТТЭ ҲНИ дар Тоҷикистон ташкилоти террористию экстремистӣ эътироф шудааст.
АКСИ иллюстратсионӣ аз newsru.cgtn.com
Бо мақсади пешгирии садамаҳои нақлиётӣ бо иштироки мошинҳои боркаш Гурӯҳи кории байниидоравӣ таъсис дода шуд
ИМРӮЗ-РӮЗИ КОРМАНДОНИ МАҚОМОТИ СУДӢ. Дар Суди Олӣ Конфронси Созмони судяҳои Ҷумҳурии Тоҷикистон баргузор гардид
Оид ба такмили қонунгузорӣ дар самти муқовимат ба савдои одамон конференсия доир шуд
Дар шаҳри Ваҳдат ва ноҳияи Файзобод нақшаи даъвати ҷавонон ба хизмати ҳарбӣ пурра иҷро гардид
Дар шаҳри Панҷакент нақшаи даъвати тирамоҳии ҷавонон ба хизмати ҳарбӣ иҷро шуд
Дар Ҳисор нақшаи даъвати тирамоҳии ҷавонон ба сафи Артиши миллӣ пурра иҷро гардид
Прокурори генералии Тоҷикистон бо Сафири Давлати Кувайт дар Ҷумҳурии Тоҷикистон мулоқот намуд
Дар Қирғизистон ҷаласаи Шурои вазирони мудофиаи кишварҳои аъзои Иттиҳоди Давлатҳои Мустақил доир шуд
«БА ВАТАН СОДИҚОНА ХИЗМАТ МЕКУНЕМ!». Дар Донишкадаи тарбияи ҷисмонии Тоҷикистон ҳамоиш доир шуд
Дар Душанбе нақшаи даъвати тирамоҳии ҷавонон ба сафи Қувваҳои Мусаллаҳи Ҷумҳурии Тоҷикистон пурра иҷро гардид
Байни Суди Олии Тоҷикистон ва Созмони умумиҷаҳонии моликияти зеҳнӣ Ёддошти тафоҳум оид ба ҳамкорӣ ба имзо расид
Дар Тоҷикистон нақшаи даъвати тирамоҳӣ ба сафи Қувваҳои Мусаллаҳ 84 фоиз иҷро шуд
