ҶОМИ ТОҶИКИСТОН-2022. Дастаҳои «Истиқлол», «Хатлон», «Эсхата» ва «Кӯктош» бар ҳарифонашон ғолиб омаданд
ДУШАНБЕ, 30.08.2022 /АМИТ «Ховар»/. Дар бозиҳои даври чорякфинали Ҷоми Тоҷикистон-2022 оид ба футбол, ки 27-28 август дар варзишгоҳҳои мамлакат баргузор гардиданд, ҷуфтҳои нимфинал муайян шуданд. Дар ин бора ба шореҳи варзиши АМИТ «Ховар» дар Федератсияи футболи Тоҷикистон хабар доданд.
Дастаҳои футболи «Файзканд»-и ноҳияи Восеъ ва «Кӯктош»-и ноҳияи Рӯдакӣ дар майдони «Нефтяник»-и ноҳияи Рӯдакӣ ба майдон баромаданд. Бозигари дастаи «Файзканд» Обама Арсен аллакай дар дақиқаи 9 ҳисобро боз кард. Дар дақиқаи 34 футболбози дастаи мизбон Худойдод Узоқов ҳисоби бозиро баробар намуд – 1:1. Худойдод дар нимаи дуюми бозӣ, дар дақиқаи 87 боз як гол зада, ғалабаи дастаашро таъмин кард.
Мавриди зикр аст, ки 28 август се бозии дигари даври мазкур сурат гирифтанд. Дастаи футболи «Эсхата»-и шаҳри Хуҷанд бар дастаи КМВА-и шаҳри Душанбе бо ҳисоби 1:0 пирӯз шуд. Дастаҳо дар майдони «Спартак»-и шаҳри Хуҷанд бозӣ карданд. Голи ягонаро Санҷар Рихсибоев дар аввали нимаи дуюми бозӣ ба нишон расонид. Дастаи футболи «Саройкамар»-и наҳояи Панҷ дар бозии хонагӣ аз дастаи «Хатлон»-и шаҳри Бохтар бо ҳисоби 0:1 шикаст хӯрд. Голи ягонаро Тоҳирҷон Тағойзода дар дақиқаи 80-ум зад. Дар бозии охирини даври чорякфинал дастаи футболи «Истиқлол»-и шаҳри Душанбе бар дастаи «Равшан»-и шаҳри Кӯлоб бо ҳисоби 1:0 ғалаба кард. Голро дар дақиқаи 15 Манучеҳр Ҷалилов ба ҳадаф расонд.
Дар нимфинали Ҷоми Тоҷикистон-2022 дастаҳои футболи «Истиқлол»-и шаҳри Душанбе бо «Эсхата»-и шаҳри Хуҷанд ва «Хатлон»-и шаҳри Бохтар бо «Кӯктош»-и ноҳияи Рӯдакӣ рақобат мекунанд.
АКС: Федератсияи футболи Тоҷикистон
ҶОМИ ОСИЁ-2027. Имрӯз дастаи мунтахаби ҷавонони Тоҷикистон бо дастаи Афғонистон бозӣ мекунад
Дастаи мунтахаби Тоҷикистон оид ба футбол моҳҳои сентябр ва октябр дар сафар се бозии дӯстона баргузор мекунад
35-СОЛАГИИ ИСТИҚЛОЛИ ДАВЛАТӢ. Дар шаҳри Турсунзода зиёда аз 31 иншооти варзишӣ ба истифода дода шуд
ФУТБОЛ. 31 август марҳилаи интихобии Ҷоми Осиё-2027 байни мунтахабҳои ҷавонони то 20-сола оғоз мешавад
Сармураббии нави дастаи мунтахаби наврасони Тоҷикистон (U-17) оид ба футбол таъйин гардид
Дастаи мунтахаби ҷавонони Тоҷикистон (U-20) оид ба футбол бозии дуюми санҷиширо бо дастаи Лубнон мусовӣ анҷом дод
Дастаи мунтахаби ҷавонони Тоҷикистон (U-20) дар бозии якуми санҷишӣ бар дастаи Лубнон пирӯз шуд
Ҳайати васеи дастаи мунтахаби Тоҷикистон оид ба футбол барои бозиҳои дӯстонаи моҳҳои сентябр ва октябр эълон гардид
Ҳайати дастаи мунтахаби ҷавонони Тоҷикистон (U-20) оид ба футбол барои марҳилаи интихобии Ҷоми Осиё-2027 муайян шуд
Дастаи мунтахаби ҷавонони Тоҷикистон (U-20) оид ба футбол бо дастаи Лубнон бозии санҷишӣ баргузор мекунад
Самбочиёни Клуби марказии варзиши артиши Вазорати мудофиаи Тоҷикистон дар Москва соҳиби ду медали биринҷӣ шуданд
«ФУТБОЛ ВА РУШДИ ОН ДАР ҶУМҲУРИИ ТОҶИКИСТОН». Таҳти чунин унвон китоби иттилоотӣ-омӯзишӣ нашр гардид
