ОМОДАГӢ БА ДАЪВАТИ ТИРАМОҲӢ. Дар Мастчоҳ ҷаласаи ситоди ҷалби ҷавонон ба хидмати ҳарбӣ доир гардид
ДУШАНБЕ, 23.08.2022 /АМИТ «Ховар»/. Дар Мақомоти иҷроияи ҳокимияти давлатии ноҳияи Мастчоҳ бо иштироки муовини Раиси вилояти Суғд Даврон Зоҳидзода, комиссари ҳарбии вилоят Давлатшоҳ Мирзозода ва муовини якуми Раиси ноҳия Муллосоқӣ Атовуллозода ҷаласаи сайёри ситоди даъвати тирамоҳии ҷавонон ба хидмати ҳарбӣ баргузор гардид, ки дар он комиссари ҳарбии ноҳия, раисони ҷамоатҳои шаҳраку деҳот, масъулини мизҳои ҳарбии ҷамоатҳо, раисони маҳаллаҳо ва ҳайати шахсии комиссариати ҳарбии ноҳия ҳузур доштанд.
Тавре ба АМИТ «Ховар» дар маркази матбуоти Раиси ноҳияи Мастчоҳ хабар доданд, комиссари ҳарбии ноҳия Аҳад Аҳмадзода оид ба корҳои анҷомёфта дар мавриди омодагиҳо ба даъвати тирамоҳии ҷавонон, ҷараёни иҷрои қарори Раиси вилояти Суғд ва қарори Раиси ноҳияи Мастчоҳ доир ба гузаронидани корҳои омӯзишии пеш аз даъват маълумот дод.
Муовини Раиси вилояти Суғд Даврон Зоҳидзода зимни баррасии масъалаи мазкур ва натиҷагирӣ аз даъвати баҳорӣ аз масъулини дахлдор оид ба иҷрои қарори Раиси вилоят «Дар бораи гузаронидани омӯзиши пеш аз даъватӣ ва омода намудани шаҳрвандони солҳои таваллудашон 1995-2004 ба хизмати ҳарбӣ дар даъвати тирамоҳии соли 2022» пурсон шуда, масъулинро вазифадор намуд, ки дар маъракаи даъвати тирамоҳӣ нақшаи даъвати ҷавонон ба хизмати ҳарбиро сари вақт иҷро намоянд.
Зикр шуд, ки масъулинро зарур аст бо истифода аз имконияти мавҷудаи ноҳия барои сари вақт ва босифат иҷро кардани нақшаи даъвати наваскарон тадбирҳои зарурӣ андешанд.
Дастур дода шуд, ки раисони ҷамоатҳои шаҳраку деҳот ҷиҳати муташаккилона гузаронидани чорабиниҳои маъракаи даъват дар ҳудуди ҷамоатҳо ва пеш аз муҳлат ба иҷро расонидани нақшаи даъват миёни аҳолӣ кор баранд.
Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, Сарфармондеҳи Олии Қувваҳои Мусаллаҳи Ҷумҳурии Тоҷикистон муҳтарам Эмомалӣ Раҳмон бамаврид таъкид менамоянд, ки «тайи солҳои сипаришуда даҳҳо ҳазор нафар ҷавонони бонангу номуси Ватан аз тарбияи ин мактаби далериву шуҷоат, яъне хизмат дар сафи Қувваҳои Мусаллаҳ гузашта, қарзи муқаддаси фарзандӣ ва рисолати мардонагии худро адо намуда, борҳо собит сохтаанд, ки барои ҳимояи манфиатҳои миллӣ, муқаддасоти давлати соҳибистиқлол ва таъмини амнияти давлат ва ҷомеа сарбаландона хизмат карда метавонанд».
АКС: маркази матбуоти Раиси ноҳияи Мастчоҳ
Дар Тоҷикистон пешгирӣ аз истеъмоли моддаҳои психотропӣ тақвият дода мешавад
Давоми шаш моҳи соли 2026 дар Душанбе 47 ҳолати монеъ шудан ба таҳсилоти ҳатмии ноболиғон ошкор карда шуд
Дар Душанбе беш аз 90 ҳолати ба фолбинӣ машғул шудани шаҳрвандон ошкор гардид
Ҷаласаи Шурои ҳамоҳангсозӣ оид ба пешгирии суиистеъмоли маводи нашъадор баргузор гардид
ТАҲДИДҲОИ МУОСИРИ КИБЕРӢ ВА РОҲҲОИ МУҚОВИМАТ БА ОНҲО. Мулоҳизаҳо дар ин маврид
Дар маҷлиси ҳайати мушовараи Прокуратураи генералӣ татбиқи дурусти Қонуни Ҷумҳурии Тоҷикистон «Дар бораи авф» баррасӣ шуд
Прокурори шаҳри Ҳисор: «Сулҳ масъулият аст ва ташаббуси навбатии байналмилалии Тоҷикистон ҷомеаи ҷаҳониро ба андеша водор месозад»
Дар беш аз 150 аттраксиони боғҳои фарҳангӣ–фароғатии Тоҷикистон камбудиҳои техникӣ ошкор карда шуд
НИШАСТИ МАТБУОТӢ. Қариб 23 ҳазор дона тухми паранда ҳамчун маҳсулоти бесифат ва хавфнок нобуд карда шуд
Дар Хадамоти назорати давлатии бехатарии корҳо дар саноат ва соҳаи кӯҳкорӣ Феҳристи ягонаи электронии субъектҳо таҳия карда мешавад
Ҳайати Тоҷикистон дар амалиёти зерминтақавии зиддимухадиротии СААД дар вилояти Калинингради Русия иштирок намуд
