Парвозҳои мустақим миёни Қазон ва Душанбе барқарор мешаванд

ДУШАНБЕ, 02.08.2022 /АМИТ «Ховар»/. Парвозҳои мустақим миёни Қазон ва Душанбе аз 4 август шурӯъ мешаванд. Парвозҳо бо ҳавопаймоҳои «Boeing 737-800» анҷом дода мешаванд. Тавре АМИТ «Ховар» бо истинод ба ТАСС хабар медиҳад, дар ин бора рӯзи душанбе, 1 август маркази матбуоти Фурудгоҳи байналмилалии Қазон хабар додааст.

«4 августи соли 2022 ширкати ҳавопаймоии «Сомон Эйр» парвозҳоро аз фурудгоҳи Қазон ба Душанбе барқарор мекунад. Парвозҳо дар ҳавопаймоҳои «Boeing 737-800» бо 189 ҷойи нишаст рӯзҳои панҷшанбе сурат мегиранд», — омадааст дар иттилоия.

Гуфта мешавад, ки парвоз аз пойтахти Тотористон соати 21:00 ва расидан ба Душанбе соати 02:45-и рӯзи дигар дар назар аст. Парвози бозгашт аз пойтахти Тоҷикистон соати 18:00, расидан ба Қазон соати 19:30 мебошад.

Давомнокии парвоз тақрибан сеюним соат хоҳад буд.

АКС: kazan.aero