«ПОЙГАИ ҚАҲРАМОНОН». Дар Хатлон мусобиқаи ҳарбӣ доир шуд
ДУШАНБЕ, 12.08.2022 /АМИТ «Ховар»/. Дар машқгоҳи саҳроии Фахрободи гарнизони Хатлон бо иштироки ҳайати шахсии ҷузъу томи Вазорати мудофиаи Тоҷикистон, мақомоти ҳифзи ҳуқуқ ва сохторҳои қудратии мамлакат таҳти унвони «Пойгаи қаҳрамонон» мусобиқаи ҳарбӣ-варзишӣ доир гардид.
Тавре аз вазорати мазкур ба АМИТ «Ховар» хабар доданд, мусобиқа бо ташаббуси Вазорати мудофиаи ҷумҳурӣ дар асоси нақшаи чорабиниҳои тайёрии ҷангии Қувваҳои Мусаллаҳи Ҷумҳурии Тоҷикистон барои соли 2022 ва ҷиҳати сазовор пешвоз гирифтани солгарди 31-уми Истиқлолияти давлатӣ ба роҳ монда шуда, дар он беш аз 100 нафар хизматчиёни ҳарбӣ ва кормандони мақомоти ҳифзи ҳуқуқу сохторҳои қудратии мамлакат ширкат доштанд.
Дар ҷамъомад аз ҷониби сарбозони яке аз қисмҳои ҳарбии Бригадаи ҳамлаовари десантии Қӯшунҳои зудамали Қувваҳои Мусаллаҳ машқҳои ҳимоя аз задухӯрдҳои тан ба тан намоиш дода шуданд. Дар ҷамъбасти машқҳо ҳайати иштирокчиёни мусобиқаи ҳарбӣ-варзишӣ дар назди минбар гузашти низомӣ доир намуданд.
Дар ҷамъомад зикр шуд, ки мақсад аз ташкилу баргузории мусобиқаи мазкур, пеш аз ҳама, баланд бардоштани сатҳи тайёрии ҷангӣ, дониш ва маҳорату малакаи касбии ҳайати шахсӣ, инкишофи ҳаматарафаи онҳо барои иҷрои вазифаҳои хизматию ҷангӣ ва муайян намудани беҳтарин тирандозҳо аз намудҳои гуногуни силоҳҳои оташфишон миёни ҳайати шахсии сохторҳои қудратии мамлакат мебошад.
Зимни ҷамъбасту натиҷагирии мусобиқаи навбатии ҳарбӣ-варзишии «Пойгаи қаҳрамонон-2022» аз рӯйи ҳисоби даставӣ ғолибон ва беҳтарин нишонгирону тирандозон муайян карда шуда, бо ҷоми мусобиқа ва дигар туҳфаҳои хотиравӣ қадрдонӣ гардиданд.
АКС: Вазорати мудофиаи ҶТ
ФАРЗАНДОНИ ХУДРО БЕНАЗОРАТ НАГУЗОРЕД! Ҳангоми шиноварӣ қоидаҳои бехатариро бояд риоя намуд
Ҳайати Тоҷикистон дар ҷаласаи вазирони корҳои дохилии давлатҳои аъзои СҲШ дар Бишкек иштирок намуд
Тоҷикистон ва Эрон ҳамкориро дар самти мубориза бар зидди ҷиноятҳои муташаккили фаромиллӣ тақвият мебахшанд
Эмомалӣ Собирзода дар ҷаласаи Шурои вазирони мудофиаи кишварҳои аъзои Созмони Аҳдномаи амнияти дастҷамъӣ иштирок кард
РӮЗИ КОРМАНДОНИ МАҚОМОТИ НАЗОРАТИ МАВОДИ НАШЪАОВАР. Ба ин муносибат ҷаласаи тантанавӣ баргузор гардид
Таҳти унвони «Нақши зеҳни сунъӣ дар рушди Қувваҳои Мусаллаҳ» конференсияи ҷумҳуриявии илмӣ-ҳарбӣ доир шуд
Раёсати ВКД дар вилояти Хатлон: «Таътили тобистона бояд ба давраи тарбия, донишандӯзӣ ва истироҳати солим табдил ёбад»
Юсуф Раҳмон дар Форуми байналмилалии амният ва Вохӯрии байналмилалии намояндагони воломақом иштирок намуд
РӮЗИ ҚӮШУНҲОИ САРҲАДӢ. Афсарону сарбозони ин ниҳод рисолати фарзандии худро дар назди Ватан – Модар ва халқу давлат бо сарбаландӣ адо менамоянд
Котиби Шурои амнияти Тоҷикистон дар Вохӯрии котибони шуроҳои амният дар қолаби «Осиёи Марказӣ – Русия» иштирок намуд
Юсуф Раҳмон дар ҷаласаи Кумитаи котибони шуроҳои амнияти Созмони Аҳдномаи амнияти дастҷамъӣ иштирок намуд
Дар Тоҷикистон нақшаи даъвати баҳорӣ ба сафи Қувваҳои Мусаллаҳ 100 фоиз иҷро шуд
