Раиси Маҷлиси намояндагон Маҳмадтоир Зокирзода бо сокинони Истаравшан, Шаҳристон ва Деваштич мулоқот намуд
СУҒД, 04.08.2022 /АМИТ «Ховар»/. 1 август дар доираи сафари корӣ ба вилояти Суғд Раиси Маҷлиси намояндагони Маҷлиси Олии Ҷумҳурии Тоҷикистон Маҳмадтоир Зокирзода дар мақомоти иҷроияи ҳокимияти давлатии шаҳри Истаравшан бо фаъолону сокинони шаҳри Истаравшан ва ноҳияҳои Шаҳристону Деваштич мулоқот намуд, хабар доданд ба АМИТ «Ховар» дар дафтари матбуоти раиси шаҳри Истаравшан.
Раиси Маҷлиси намояндагони Маҷлиси Олии Ҷумҳурии Тоҷикистон Маҳмадтоир Зокирзода зимни мулоқот бо фаъолону сокинони шаҳри Истаравшан ва ноҳияҳои Шаҳристону Деваштич аз дастгириҳои рӯзафзуни Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ёдоварӣ намуда, ваҳдати сартосарӣ ва рушди Тоҷикистонро аз баракати истиқлол ва файзи он арзёбӣ намуд.
Дар мулоқот муовини Раиси вилояти Суғд Даврон Зоҳидзода, Раиси шаҳри Истаравшан Адҳам Маъмурзода, муовинон ва роҳбарони дастгоҳи раисони шаҳру ноҳияҳои Шаҳристону Деваштич, роҳбарони мақомоти ҳифзи ҳуқуқи шаҳр, воҳидҳои сохторӣ, зиёиён ва намояндагони воситаҳои ахбори омма иштирок намуданд.
Раиси Маҷлиси намояндагони Маҷлиси Олии Ҷумҳурии Тоҷикистон Маҳмадтоир Зокирзода иброз дошт, ки «вазъи тағйирёбанда ва пешгӯинашавандаи ҷомеаи ҷаҳонӣ, баландии бесобиқаи ҳарорати ҳаво ва ба миён омадани камобӣ моро водор месозад, ки аз ҳарвақта дида бештар фаъолият намуда, саҳми арзандаи худро дар бартарафсозии оқибатҳои вазнини он гузорем. Сулҳу ваҳдат, истиқлолу озодӣ ва рукнҳои беҳтарини давлатдорию ватандориро ҳифз намоем. Дар пешрафт ва сарсабзии диёр саҳм гузорем».
Дар мулоқот фаъолони шаҳр ва ноҳияҳо доир ба мавзӯъҳои мубрами рӯз, таҳкими пояҳои давлатдорӣ, дастгирӣ ва ба касбомӯзӣ фаро гирифтани ҷавонон, инчунин хамаҷониба дастгирӣ намудани дастуру хидоятҳои Сарвари мамлакат оид ба истифодаи дурусти ҳар ваҷаб замин, захираи дусолаи хӯрокворӣ ва пешгирии исрофкорӣ ибрози назар намуданд.
Дар фарҷоми мулоқот Раиси шаҳри Истаравшан Адҳам Маъмурзода бо таъкид аз дастуру ҳидоятҳои Сарвари давлат фаъолони шаҳру ноҳияҳо ва роҳбарони сохторҳоро даъват намуд, ки ҷиҳати самаранок ва оқилона истифода бурдани замин, бахшида ба 31-солагии Истиқлолияти давлатӣ ва 30-солагии Иҷлосияи тақдирсози Шӯрои Олӣ бо сифати баланд анҷом додани корҳои сохтмонӣ дар иншооти сохташаванда ва дар сатҳи баланд баргузор намудани чорабиниҳои муҳими сиёсии дарпешистода содиқона меҳнат намоянд.
АКС: дафтари матбуоти раиси шаҳри Истаравшан
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор шуд
Дар кумитаи Маҷлиси миллӣ оид ба иқтисодиёт ва коммуникатсия се қонун мавриди баррасӣ қарор гирифт
Аъзои Кумитаи Маҷлиси миллӣ оид ба масъалаҳои аграрӣ, шуғли аҳолӣ ва экология ду қонунро ба Шурои Маҷлиси миллӣ пешниҳод намуданд
Доир ба заминаҳои қонунгузории гузариш ба иқтисоди рақамӣ ҳамоиш баргузор гардид
Владимир Путин бо раисони парламентҳои давлатҳои аъзои Созмони Аҳдномаи амнияти дастҷамъӣ мулоқот намуд
Мактаби сиёсии Пешвои миллат дар заминаи фаъолияти Ҳизби Халқии Демократии Тоҷикистон
Файзалӣ Идизода дар ҷаласаи муштараки Шуро ва ҷаласаи ҳаждаҳуми пленарии Ассамблеяи парламентии СААД иштирок намуд
Ҷаласаи Комиссияи Маҷлиси миллии Маҷлиси Олии Ҷумҳурии Тоҷикистон оид ба назорати Дастур баргузор гардид
Ҷаласаи кумитаи Маҷлиси миллӣ оид ба таъмини асосҳои конститутсионӣ, ҳуқуқу озодиҳои инсон, шаҳрванд ва қонуният доир гардид
Дар ҷаласаи кумитаи Маҷлиси миллӣ Қонуни Ҷумҳурии Тоҷикистон «Дар бораи мақоми омӯзгор» баррасӣ шуд
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Масъалаи Қонуни Ҷумҳурии Тоҷикистон «Оид ба ворид намудани иловаҳо ба Қонун «Дар бораи хизмати дипломатӣ» баррасӣ гардид
