Раиси вилояти Хатлон Қурбон Ҳакимзода бо гурӯҳи соҳибкорон аз Шоҳигарии Арабистони Саудӣ ва Амороти Муттаҳидаи Араб мулоқот намуд

Август 27, 2022 09:10

ДУШАНБЕ, 27.08.2022 /АМИТ «Ховар»/. 26 август дар шаҳри Бохтар мулоқоти Раиси вилояти Хатлон Қурбон Ҳакимзода бо гурӯҳи соҳибкорон аз Шоҳигарии Арабистони Саудӣ ва Амороти Муттаҳидаи Араб доир гардид, иттилоъ доданд ба АМИТ «Ховар» дар шуъбаи иттилоотӣ ва таҳлилии дастгоҳи Раиси вилояти Хатлон.

Мулоқот дар доираи ташрифи ҳайатҳои Амороти Муттаҳидаи Араб ва Шоҳигарии Арабистони Саудӣ ба Тоҷикистон ҷиҳати иштирок дар Форуми байналмилалии сармоягузории «Кӯлоб-2022» баргузор гардид.

Дар мулоқот зикр гардид, ки ҳамкорӣ бо кишварҳои арабӣ, махсусан Шоҳигарии Арабистони Саудӣ ва Амороти Муттаҳидаи Араб, дар сиёсати хориҷии Ҷумҳурии Тоҷикистон мақоми хос дошта, таҳлили рушди муносибатҳои дуҷониба аз рушди муттасили равобити тиҷоратию иқтисодӣ шаҳодат медиҳад.

Қурбон Ҳакимзода иброз дошт, ки дар 7 моҳи соли равон аз вилоят ба хориҷи мамлакат наздик ба 80 тонна анвои мухталифи маҳсулоти кишоварзӣ бароварда шудааст.

Роҳбари ҳайати намояндагони Амороти Муттаҳидаи Араб ва Арабистони Саудӣ Марям Ашшиносӣ ҳадафи сафари соҳибкорони арабро пайдо намудани шарикони нави тиҷоратӣ ва таҳкими ҳамкорӣ арзёбӣ кард.

«Мо ният дорем, ки дар муддати 6 моҳи оянда ҳамчунин бонувони тоҷирро аз ҳавзаи кишварҳои арабӣ барои ҳамкорӣ бо ширкатҳо ва соҳибкорони тоҷикистонӣ ҷалб намоем ва сафарҳои омӯзишиву равобити устувори тиҷоратиро ба роҳ монем», — гуфт  Марям Ашшиносӣ.

Намояндаи гурӯҳи соҳибкорони араб Ҳаким Ҳалимӣ иброз дошт, ки дар Арабистони Саудӣ ва Амороти Муттаҳидаи Араб раванди вусъатманди ба кишвари саноатӣ-аграрӣ табдилёбии Тоҷикистонро пайгирӣ мекунанд.

Ба қавли ӯ, ҳайате, ки аз ин ду кишвар ба Хатлонзамин ташриф овардааст, омодаи роҳандозии ҳамкорӣ дар самти бандубаст ва коркарди мева, гӯшт, пиставу меваи хушк, ангишт ва атриёт ҳастанд.

Ёдовар мешавем, ки 26-27 август дар шаҳри Кӯлоби вилояти Хатлон Форуми байналмилалии иқтисодии «Кӯлоб-2022» баргузор мегардад, ки дар он намоишгоҳи молу маҳсулоти истеҳсолкунандагони ватанӣ дар бахши саноат, кишоварзӣ ва хизматрасонии бонкӣ пешкаши меҳмонон мешаванд.

АКС: шуъбаи иттилоотӣ ва таҳлилии дастгоҳи Раиси вилояти Халон

 

Август 27, 2022 09:10

Хабарҳои дигари ин бахш

Дар Эстония Хонаи савдои Тоҷикистон таъсис дода мешавад
Намояндагони Тоҷикистон дар «Аirspace world 2024» дар Женева иштирок намуданд
Роҳбари хоҷагии деҳқонии «Бобои Носир»: «Истифодаи оқилонаи 7,5 гектар замин ва даромад аз он дар баланд гардидани сатҳи зиндагии 5 оила мусоидат намуд»
Деҳқонони ноҳияи Мастчоҳ имсол дар майдони зиёда аз 23 ҳазор гектар кишту парвариши зироати кишоварзиро ба нақша гирифтаанд
Дар шаҳри Хуҷанд Намоишгоҳи X байналмилалии савдо «Суғд-2024» доир мегардад
«РОҲ БА СӮИ ТИЁНШОН». Душанбе охири моҳи май мизбони конфронси байналмилалӣ мегардад
Соли 2023 ба буҷети шаҳри Гулистон аз ҳисоби хизматрасонии сайёҳӣ ва табобатӣ зиёда аз 40 миллион сомонӣ ворид шуд
Ҳоҷагидорони Кооперативи истеҳсолии «Сомон-Бохтар»-и ноҳияи Кӯшониён майдони парвариши лимӯро васеъ менамоянд
Сардхонаи муосири деҳоти «Файзи Истиқлол»-и ноҳияи Кӯшониён ба аҳолӣ хизмат мерасонад
«ТОҶИКИСТОН-2024». Дар Душанбе Намоишгоҳи байналмилалии универсалӣ доир мешавад
120 гектар замини канори деҳаи Ғӯсари шаҳри Панҷакент бо оби полезӣ таъмин мегардад
Масъалаи тезонидани корҳо оид ба тармим ва навсозии нақби «Истиқлол» дар Душанбе баррасӣ гардид