Раиси ВМКБ Алишер Мирзонабот бо мақсади шиносоӣ бо рушди инфрасохтор ба водии Бартанги Рӯшон сафари корӣ намуд

Август 8, 2022 13:49

ДУШАНБЕ, 08.08.2022 /АМИТ «Ховар»/. Бо мақсади иҷрои дастуру супоришҳои Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, шиносоӣ бо вазъи соҳаҳои гуногуни хоҷагии халқ, натиҷаҳои рушди иқтисодию иҷтимоӣ ва расидан ба мушкилоти мардум Раиси Вилояти Мухтори Кӯҳистони Бадахшон Алишер Мирзонабот ба водии Бартанги ноҳияи Рӯшон сафари корӣ анҷом дод, хабар медиҳад АМИТ «Ховар» бо истинод ба Мақомоти иҷроияи ҳокимияти давлатии ВМКБ.

Раиси вилоятро дар ин сафар сардори Раёсати Вазорати корҳои дохилӣ дар вилоят Шариф Назарзода, сардори Раёсати Кумитаи давлатии амниятии миллӣ дар ВМКБ Абдусамад Салимзода, роҳбарони раёсатҳои маориф, тандурустӣ, кор бо ҷавонон, кишоварзӣ ва ҳолатҳои фавқулода ва мудофиаи гражданӣ дар вилоят ҳамроҳӣ намуда, бо сокинони водӣ мулоқот доир намуданд.

Хусусан дар Ҷамоати деҳоти Басид Раиси вилоят аз дастгириҳои Ҳукумати мамлакат, бахусус Пешвои миллат муҳтарам Эмомалӣ Раҳмон бобати ба эътидол овардани вазъи сиёсӣ дар ВМКБ, таъмину таҳкими тартиботи ҷамъиятӣ, оғози нави марҳилаи созандагиҳо, бунёди иншооти таъйиноти гуногуни иқтисодию иҷтимоӣ, ҳифзи арзишҳои волои миллӣ, рушд ва тараққиёти водии Бартанг, таърих ва гузаштаи пурғановати ин минтақа ёдрас гардида, дар ин замина таъкид дошт, ки водии Бартанг яке аз мавзеъҳои беҳтарин барои саёҳат ба шумор рафта, бо муҳайё сохтани инфрасохтори замонавӣ, ин соҳа метавонад ба манбаи асосии даромади сокинони он табдил ёбад.

Гуфта шуд, ки дар давраи соҳибистиқлолии мамлакат дар ин мавзеъ соҳибкорӣ рушд намуда, коргоҳҳои дуредгарӣ, дӯзандагию бофандагӣ, коркарди чӯбу пашм ва ғайра ба фаъолият оғоз намуданд ва инфрасохтори соҳаи иҷтимоӣ низ бамаротиб тараққӣ кард. Аз ҷумла, қариб 90 фоизи муассисаҳои таълимии ҷамоатҳои деҳоти водӣ бунёду таҷдид гардида, беморхонаи нав ва бунгоҳҳои тиббӣ сохта ва муассисаҳои дигари соҳа аз таъмири асосӣ бароварда шуданд.

Дар панҷ соли охир барои пешрафти тамоми соҳаҳои хоҷагии халқ ва таҷдиди инфрасохтори гуногуни минтақа, аз ҷумла Ҷамоати деҳоти Басид 6 миллиону 163,6 ҳазор сомонӣ ихтисос дода шуд, ки ба боло рафтани сатҳи некӯаҳолии сокинони он мусоидат намуд.

Зикр шуд, ки бо ҷалби мутахассисони варзидаи роҳсозӣ лоиҳаи камхарҷу самарабахш таҳия ва дар баъзе мавзеъҳо имкон аст роҳро қад-қади дарёи Бартанг сохта, аз ин ҳисоб роҳ бехатар, соҳил мустаҳкам гардида, заминҳои нав ба вуҷуд оварда шаванд. Ҳоло дар ин водӣ бунёди неругоҳҳои нави обии барқӣ дар назар дошта шудааст, зеро ҳаҷми оби рӯдхонаҳои водӣ дар ҳамаи фаслҳои сол ба ин кор имконият медиҳад. Дар баробари ин Бартанг дорои табиати бой буда, дар он ашёи хом барои масолеҳи сохтмонӣ, сангҳои қиматбаҳо ва ороишӣ, мармару санги хорои рангоранг хеле зиёданд ва барои коркарди саноатии онҳо тадбирҳо андешида мешаванд.

Алишер Мирзонабот бобати ба гардиши кишоварзӣ даровардани заминҳои бекорхобида, бунёди канлҳои нав, рушди сабзавоткорӣ ва чорводорӣ, соҳаҳои парандапарварӣ ва занбӯриасалпарварӣ, беҳбуди ҳаёти иҷтимоӣ изҳори андеша карда, сокинони диёрро барои дар роҳи созандагиву бунёдкорӣ боз ҳам беҳтар заҳмат кашидан даъват намуд.

Акс: МИҲД ВМКБ

Август 8, 2022 13:49

Хабарҳои дигари ин бахш

МАСЛИҲАТИ МУТАХАССИС. Истеъмоли зардолу камхуниро бартараф месозад
То Истиқлолияти давлатӣ дар Тоҷикистон ҳамагӣ 17 масҷид фаъолият дошта, шумораи онҳо имрӯз ба беш аз 4 ҳазор расидааст
Сарвари давлат: «То имрӯз беш аз 255 ҳазор шаҳрванди Тоҷикистон ҳаҷи фарзӣ ва зиёда аз 400 ҳазор умраро ба ҷо овардаанд»
Гурӯҳи кории шаҳри Душанбе бо сокинони ноҳияи Варзоб вохӯрии судманд баргузор намуд
Дар Душанбе ҷаласаи 3-юми аъзои Гурӯҳи кории бисёрҷониба барои баррасии Харитаи роҳ доир гардид
САЛОМ, ТОБИСТОН! Лагери истироҳативу омӯзишии «Рангинкамон» ба фаъолият оғоз намуд
Пешвои миллат: «Қурбонӣ кардан танҳо ба шахсоне воҷиб аст, ки имконияти мусоиди молиявӣ доранд»
«ШОЯД ДАР ҚАТРАИ ХУНИ ШУМО НАҶОТИ КАСЕ БОШАД». Бахшида ба Рӯзи ҷаҳонии донорҳои хун аксияи ҷумҳуриявӣ доир шуд
Дар Душанбе вазъи хизматрасонии тиббӣ ба аҳолӣ баррасӣ гардид
Сел ба баъзе ноҳияҳои вилояти Суғд хисорот расонидааст
Дар Женева Конфронси ҷаҳонӣ оид ба бакорҷалбкунии байналмилалӣ доир гардид
ЗАНОН-НЕРУИ СОЗАНДА, ТАРБИЯТГАР ВА ТАҲКИМБАХШИ ВАҲДАТИ МИЛЛӢ. Таҳти ин унвон дар Душанбе ҳамоиш баргузор шуд