Сарвазири Тоҷикистон бо Дабири кулли Шӯрои ҳамкории кишварҳои арабии Халиҷ мулоқот намуд

Август 2, 2022 11:03

ДУШАНБЕ, 02.08.2022 /АМИТ «Ховар»/. Имрӯз Сарвазири Ҷумҳурии Тоҷикистон Қоҳир Расулзода бо Дабири кулли Шӯрои ҳамкории кишварҳои арабии Халиҷ доктор Нойиф Фаллоҳ Муборак ал-Ҳаҷраф мулоқот намуд, хабар медиҳад АМИТ «Ховар».

Нақши Шӯрои ҳамкории кишварҳои арабии Халиҷ дар таҳкиму тавсеаи ҳамкории гуногунҷанбаи Тоҷикистон ва кишварҳои ҳавзаи Халиҷ, роҳандозии муколамаи стратегӣ миёни Шӯрои ҳамкорӣ ва кишварҳои Осиёи Марказӣ ва эҷоди қолаби нави ҳамкории бисёрҷониба бо кишварҳои арабии Халиҷ, ҳамкории иқтисодию тиҷоратӣ, сармоягузорӣ, энергетика, истихроҷи маъдан, саноат, кишоварзӣ, бонкдорӣ, сайёҳӣ, роҳу нақлиёт, авҷ гирифтани зуҳуроти номатлуби аср, аз қабили терроризм, ифротгароӣ ва афзоиши қочоқи силоҳу маводи мухаддир аз масъалаҳое буданд, ки зимни мулоқот ҷонибҳо мавриди таҳлилу баррасӣ қарор дода, ба вусъат бахшидани ҳамгироӣ дар самтҳои мавриди таваҷҷуҳ ҳавасмандӣ зоҳир карданд.

Таъкид шуд, ки Тоҷикистон муносибати неки фарогири ҳамаи самтҳоро бо кишварҳои арабии ҳавзаи Халиҷ ба роҳ монда, дар ҳамкорӣ бо ниҳодҳои молиявӣ ба татбиқи лоиҳаҳо низ вусъат мебахшад.

Дар мулоқот имзои Ёддошти тафоҳуми ҳамкорӣ миёни Вазорати корҳои хориҷии Ҷумҳурии Тоҷикистон ва Дабирхонаи кулли Шӯрои ҳамкории кишварҳои арабии Халиҷ дар раванди таҳкими ҳамкории дуҷонибаи  Тоҷикистон бо кишварҳои арабии Халиҷ муҳим арзёбӣ карда шуд.

АКС: АМИТ «Ховар»

Август 2, 2022 11:03

Хабарҳои дигари ин бахш

Шараф Шерализода бо муовини котиби давлатии Котиботи давлатии Швейтсария оид ба молияи байналмилалӣ мулоқот намуд
Намояндаи Тоҷикистон дар чорабинӣ оид ба маблағгузории миллӣ барои расидан ба Ҳадафҳои Рушди Устувор иштирок намуд
Ҷонибек Ҳикмат дар чорабинӣ бахшида ба Рӯзи байналмилалии «ҷаҳони бе партов» иштирок намуд
Дар қароргоҳи Созмони Милали Муттаҳид бахшида ба таҷлили ҷашни Наврӯзи байналмилалӣ ҳамоиши тантанавӣ доир гашт
Деннис Фрэнсис саҳми Тоҷикистонро дар пешбарии масъалаҳои марбут ба об баланд арзёбӣ намуд
Дар Ню-Йорк аҳаммияти фаъолияти Раванди оби Душанбе баррасӣ гардид
Дар шаҳри Остона ҷашни байналмилалии Наврӯз таҷлил гардид
Вазири корҳои хориҷии Тоҷикистон дар Конфронс ба муносибати Рӯзи ҷаҳонии об иштирок намуд
Тоҷикистон ва Туркия муносибатҳои дуҷонибаро дар самтҳои сиёсӣ, иқтисодӣ ва сармоягузорӣ баррасӣ намуданд
Дар шаҳри Москва Наврӯзи байналмилалиро таҷлил намуданд
Ҷашни байналмилалии Наврӯзро дар Ашқобод бошукуҳ таҷлил намуданд
Дар Берлин ҷашни байналмилалии Наврӯзро таҷлил намуданд