БА ИСТИҚБОЛИ 31-СОЛАГИИ ИСТИҚЛОЛИЯТИ ДАВЛАТӢ. Дар деҳаи Хайрободи шаҳри Турсунзода коргоҳи хурди дӯзандагӣ ба истифода дода шуд
ТУРСУНЗОДА, 03.09.2022. /АМИТ «Ховар»/. Бахшида ба ҷашни 31-солагии Истиқлолияти давлатӣ бо ташаббуси мақомоти иҷроияи ҳокимияти давлатии шаҳри Турсунзода ҷиҳати рушди ҳунарҳои мардумӣ дар деҳот, ҷалби занону бонувони хонашин ба касбу ҳунаромӯзӣ ва дӯхти либосҳои миллӣ дар деҳаи Хайрободи Ҷамоати деҳоти Работи шаҳри Турсунзода коргоҳи хурди дӯзандагӣ мавриди баҳрабардорӣ қарор дода шуд.
Роҳбари коргоҳи дӯзандагӣ Зарина Холиқова ба мухбири минтақавии АМИТ «Ховар» Субҳониддини МАҲМУД гуфт, ки «дар коргоҳ 6 дастгоҳи муосири дӯзандагӣ насб гардида, дар баробари занону бонувони ҳунарманд, инчунин бонувони хоҳишманди хонанишин низ ҷиҳати омӯзиши дӯхти либосҳои миллӣ ва зардӯзиву кашидадӯзӣ ҷалб карда мешаванд».
Зимни ифтитоҳи коргоҳ муовини Раиси шаҳри Турсунзода Мусулмон Эҳсонзода изҳор намуд, ки «бунёди коргоҳу корхонаҳои дӯзандагӣ дар асоси сиёсати Пешвои миллат муҳтарам Эмомалӣ Раҳмон ба роҳ монда шудааст, ки албатта, ин иқдом ба ҳарчи бештару беҳтар омӯхтани ихтисосҳои муосир, ба касбҳои дӯзандагӣ ҷалб намудани занону духтарони деҳот ва дар ин замина таъмин намудани бозори меҳнат бо либосҳои миллӣ ва маҳсули дасти ҳунармандон мусоид мебошад».
Тибқи иттилои масъулини шаҳри Турсунзода, дар арафаи ҷашни 31-солагии Истиқлолияти давлатӣ дар ҳудуди шаҳр аз ҳисоби соҳибкорону сокинону Мақомоти иҷроияи ҳокимияти давлатии шаҳр 21 иншооти гуногун ба истифода дода мешаванд. Аз ҷумла, дар деҳаҳои Заркамар ва Янгибоғу Т.Туйчиеви Ҷамоати деҳоти Ҷӯра Раҳмон 2 адад коргоҳи истеҳсоли қуттӣ ва 3 адад сардхона бо ғунҷоиши 1420 тонна маҳсулоти кишоварзӣ ва бинои иловагии муассисаи таълимии №114 бо 11 синфхона мавриди баҳрабардорӣ қарор дода мешаванд.
Инчунин дар доираи ин ҷашни таърихӣ 2 бинои истиқоматии баландошёна, гармхона дар масоҳати 0,25 га, кӯли моҳипарварӣ, бунгоҳи тиббӣ, китобхона, 5 пули одамгузар, 3 истгоҳи трансформаторӣ, озмоишгоҳ ва марказҳои хизматрасонӣ ба истифода дода мешаванд.
АКС: Мақомоти иҷроияи ҳокимияти давлатии шаҳри Турсунзода
Дар ҳудуди шаҳри Гулистон сохтмони меҳмонхона ва осоишгоҳу марказҳои солимгардонӣ идома доранд
Қитъаи муҳими роҳи Душанбе – Хоруғ – Қалъаихумб бо пулу нақб мавриди истифода қарор гирифт
Пешвои миллат Эмомалӣ Раҳмон пас аз анҷоми сафари корӣ дар Вилояти Мухтори Кӯҳистони Бадахшон ба шаҳри Душанбе баргаштанд
Дар ВМКБ беш аз 1000 иншоот ба истиқболи 35-солагии Истиқлоли давлатӣ мавриди истифода қарор гирифт
Президенти Ҷумҳурии Тоҷикистон Эмомалӣ Раҳмон бо роҳбарон ва фаъолони Вилояти Мухтори Кӯҳистони Бадахшон мулоқот намуданд
Президенти Ҷумҳурии Тоҷикистон Эмомалӣ Раҳмон дар шаҳри Хоруғ дар тантанаҳои идона ба ифтихори 28-солагии Рӯзи ваҳдати миллӣ иштирок намуданд
Сарвари давлат Эмомалӣ Раҳмон дар шаҳри Хоруғ бинои нави истиқоматии 5-ошёна барои хизматчиёни давлатиро мавриди истифода қарор доданд
Пешвои миллат Эмомалӣ Раҳмон дар ҳудуди Парки технологии шаҳри Хоруғ коргоҳҳои истеҳсолии маҳсулоти гӯштӣ ва обҳои табиии ташнашиканро ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар шаҳри Хоруғ бо лоиҳаҳои биноҳои истиқоматӣ бо маркази хизматрасонию тиҷоратӣ, таваққуфгоҳи нақлиётӣ, меҳмонхона ва майдончаи варзишии кӯдакон шинос шуданд
Сарвари давлат Эмомалӣ Раҳмон дар шаҳри Хоруғ китобхонаи кӯдаконаи вилоятӣ, китобхонаи шаҳрии ба номи Ҳофизи Шерозӣ ва Маркази рушди зеҳни сунъиро ифтитоҳ намуданд
Пешвои миллат Эмомалӣ Раҳмон дар шаҳри Хоруғ Маркази фарҳангӣ, савдо ва Шурои иттифоқҳои касабаи вилоятро ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар шаҳри Хоруғ чойхонаи Хатлонро ба истифода доданд
