Дар Хоруғ пешгирии зӯровариро дар оила муҳокима карданд
ДУШАНБЕ, 24.09.2022 /АМИТ «Ховар»/. Дар шаҳри Хоруғи Вилояти Мухтори Кӯҳистони Бадахшон ҷиҳати иҷрои Қонуни Ҷумҳурии Тоҷикистон «Дар бораи пешгирии зӯроварӣ дар оила» ҳамоиш баргузор гардид, хабар медиҳад АМИТ «Ховар» бо истинод ба мақомоти иҷроияи ҳокимияти давлатии шаҳр.
Дар ҳамоиш муовини Раиси шаҳри Хоруғ Парӣ Ғуломайдарзода, намояндагони Ташкилоти ҷамъиятии «Мадина», «Занон барои адолат», роҳбарони идораву муассисаҳои мақомоти иҷроия ва раисони шӯроҳои занони шаҳр ширкат варзиданд.
Парӣ Ғуломайдарзода оид зӯроварӣ дар оила, сабабҳои ҷудошавии оилаҳои ҷавон ва дур аз волидон ба воя расидани фарзандон сухан гуфт.
Мудири шуъбаи кор бо занон ва оилаи мақомоти иҷроияи ҳокимияти давлатии шаҳри Хоруғ Гулшод Гулбекова зикр намуд, ки «воқеан ҳам ҷудошавии оилаҳои ҷавон имрӯз масъалаи мубрами рӯз гардида, дар шаҳри Хоруғ бо дастгирии мақомоти иҷроияи ҳокимияти давлатии шаҳр миёни сокинон оид ба ин масъала суҳбату мулоқоти пайваста гузаронида мешаванд».
Мудири бахши Сабти асноди ҳолати шаҳрвандии шаҳри Хоруғ Камила Мусавирзода оид ба ин масъала иброз дошт, ки сабабҳои кам гардидани ақди никоҳ- ин вазнин будани шароити зиндагӣ, афзоиши омилҳои иқтисодӣ ва дар муҳоҷирати меҳнатӣ қарор доштани ҷавонон мебошанд.
«Ҷавоне, ки имконияти таъмин намудани оиларо надорад, ӯ албатта, зуд оила барпо намудан намехоҳад, зеро оила масъулияти баланд талаб мекунад», — гуфт ӯ.
Ҳамзамон нозири калон оид ба пешгирии зӯроварӣ дар оилаи назди ШВКД дар шаҳри Хоруғ Сабзина Азичаева иброз дошт, ки «мубориза бар зидди ҷинояткорӣ, бахусус омилҳои зӯроварӣ дар оила, бақайдгирии ҷиноятҳо, огоҳкунии инфиродӣ оид ба масъалаҳои роҳ надодан ба ҳаракатҳои зиддиҷамъиятӣ, кирдорҳои ношоиста ва рафторҳои бадахлоқона дар оила, таъмини ҳифзи иҷтимоӣ ва ҳуқуқии шаҳрвандон вазифаи аввалиндараҷаи ҷамъиятӣ ба шумор рафта, моро зарур аст, ки дар ҳамдастӣ ин корҳоро ба сомон расонем».
АКС: Мақомоти иҷроияи ҳокимияти давлатии шаҳри Хоруғ
Дар Душанбе ба муносибати Рӯзи Модар барномаи бошукуҳи фарҳангӣ доир гардид
Занон дар рушди иқтисодиёти Тоҷикистон саҳми назаррас доранд
«ТУҲФА БА МОДАР». Сарбозон бо дастовез ба назди модарон мераванд
РӮЗИ МОДАР — ИСФАНДОРҶАШНИ НИЁГОН. Тоҷикон аз замонҳои қадим арзишҳои фарҳангиро ҳифз намуда, аз насл ба насл интиқол додаанд
МОДАР — АВВАЛИН УСТОД. Дар аллаи ӯ як ҷаҳон меҳру муҳаббат ва орзую ормон нуҳуфтааст
«ҲИКМАТИ МОДАР». Бо иштироки зиёда аз 700 нафар фаъолзанон барномаи бошукуҳи идона доир гардид
МАНЗАЛАТИ ЗАН ДАР ТОҶИКИСТОН БАЛАНД АСТ. Андешаҳо оид ба нақши занон дар таҳкими Истиқлолияти давлатӣ
Дар ноҳияи Ҷалолиддини Балхӣ ҷойгоҳи зан дар ҷомеа ва нақши оила дар таҳкими арзишҳои иҷтимоӣ баррасӣ гардид
ЗИНДАГӢ АЗ МОДАР САРЧАШМА МЕГИРАД. Дар ноҳияи Фирдавсӣ чорабинии сиёсӣ — фарҳангӣ доир гардид
«ҲИКМАТИ МОДАР». Бо мақсади арҷгузорӣ ба мақому манзалати Зан – Модар иқдоми ҷумҳуриявӣ оғоз гардид
Дар Душанбе ҳамоиши «Занону модарони тоҷик- нигини пурҷилои тоҷи миллат» баргузор гардид
Дар Тоҷикистон ҳавои моҳи аввали фасли баҳор чӣ гуна мешавад?
