ДАР НАЗДИ САФОРАТИ РУСИЯ ДАР КОБУЛ ҲАМЛАИ ТЕРРОРИСТӢ РУХ ДОД. Беш аз 20 нафар кушта ва захмӣ шуданд, миёни қурбониён ду дипломати рус низ ҳастанд

Сентябрь 5, 2022 16:47

ДУШАНБЕ, 05.09.2022 /АМИТ «Ховар»/. Субҳи имрӯз дар назди Сафорати Русия дар Кобул ҳамлаи террористӣ рух дод. Дар натиҷаи ҳамлаи террористи маргталаб на кам аз 25 нафар кушта ва захмӣ шуданд, хабар медиҳад «Al Jazeera».

Тавре ТАСС бо истинод ба иттилоияи Вазорати корҳои хориҷии Русия хабар медиҳад, миёни қурбониён ду корманди сафорати Русия низ ҳастанд.

«5 сентябр, соати 10:50 ба вақти Кобул, дар наздикии даромадгоҳи шуъбаи консулгарии сафорати Русия дар Кобул ҷангҷӯи номаълум маводи тарканда ба кор даровард. Бар асари ҳамла ду корманди намояндагии дипломатӣ кушта шуданд ва миёни қурбониён шаҳрвандони Афғонистон низ ҳастанд», — хабар доданд дар Вазорати корҳои хориҷии Русия.

«Бешубҳа, сухан дар бораи амали террористӣ меравад, — гуфт котиби матбуоти президенти Русия Дмитрий Песков ба хабарнигорон. — Мо чунин амали террористиро шадидан маҳкум мекунем».

Вазорати корҳои хориҷии Русия афзуд, ки Сафорати Русия бо хадамоти махсуси Афғонистон дар иртиботи зич қарор дорад ва дар робита ба ин ҳодиса онҳо таҳқиқ мебаранд.

Тавре «Al Arabiya» гузориш дод, ба иттилои Мавлавӣ Собир, сардори полиси минтақае, ки ин ҳодиса ба амал омад, «неруҳои амниятӣ ҷангии маргталабро қабл аз расидан ба ҳадафаш муайян ва безарар карданд».

Шабакаи телевизионии Қатар «Al Jazeera» бо истинод ба манбаъ дар мақомоти ҳифзи ҳуқуқи Афғонистон хабар дод, ки на кам аз 8 нафар кушта ва дастикам 15 каси дигар захмӣ шудаанд.

АКС аз манбаъҳои боз

Сентябрь 5, 2022 16:47

Хабарҳои дигари ин бахш

Маркази матбуоти Қӯшунҳои сарҳадии Кумитаи давлатии амнияти миллии Ҷумҳурии Тоҷикистон хабар медиҳад
Дар Остона нахустин вохӯрии котибони шуроҳои амнияти давлатҳои Осиёи Марказӣ баргузор гардид
Дар Душанбе ҷаласаи 5-уми прокурорҳои генералии давлатҳои аъзои Созмони ҳамкории иқтисодӣ баргузор шуд
Даъвати баҳории шаҳрвандон ба сафи Қувваҳои Мусаллаҳи Тоҷикистон то охири моҳи май идома меёбад
Байни Прокуратураи генералии Тоҷикистон ва Прокуратураи генералии Суди Олии аппелятсионии Туркия Ёддошти тафоҳум оид ба ҳамкорӣ ба имзо расид
САВГАНДИ САДОҚАТ БА ВАТАН. Дар ҷузъу томҳои Артиши миллии Тоҷикистон маросими савгандёдкунии наваскарон оғоз шуд
Дар Хатлон нақшаи даъват ба хизмати Ватан бори аввал пеш аз муҳлат пурра иҷро гардид
ДАЪВАТИ БАҲОРӢ: Дар Хатлон ин чорабинии муҳими сиёсӣ дар марҳилаи анҷомёбӣ қарор дорад
Дар шаҳри Бӯстон мулоқоти гурӯҳҳои кории ҳайатҳои ҳукуматии Тоҷикистон ва Қирғизистон баргузор гардид
«МУШКИЛОТИ МУБОРИЗА БО ҶИНОЯТКОРӢ ДАР ФАЗОИ АВРУОСИЁ». Таҳти чунин унвон дар Душанбе конфронси байналмилалӣ доир шуд
Байни Тоҷикистон ва Иёлоти Муттаҳидаи Амрико Ёддошти тафоҳум оид ба ҳамкорӣ дар бораи татбиқи Низоми ҳифзшудаи муқоисавӣ ба имзо расид
Байни Ҳукумати Ҷумҳурии Тоҷикистон ва Ҳукумати Малайзия Шартнома дар бораи ёрии мутақобилаи ҳуқуқӣ оид ба парвандаҳои ҷиноятӣ ба имзо расид