Дар ноҳияи Бобоҷон Ғафуров ва шаҳри Хуҷанд афсарону сарбозон аёдат карда шуданд

Сентябрь 26, 2022 13:46

ДУШАНБЕ, 26.09.2022 /АМИТ «Ховар»/. Вазири корҳои дохилии Ҷумҳурии Тоҷикистон Рамазон Раҳимзода, Раиси Кумитаи давлатии амнияти миллии Ҷумҳурии Тоҷикистон Саймумин Ятимов ва Раиси вилояти Суғд Раҷаббой Аҳмадзода сарбозону афсаронеро, ки дар муноқишаҳои ахири марзӣ захм бардошта буданд, аёдат намуданд. Дар ин бора ба АМИТ «Ховар» дар Хадамоти матбуоти Раиси вилояти Суғд хабар доданд.

Нахуст дар Беморхонаи марказии ноҳияи Бобоҷон Ғафуров сарбозону афсарони қисмҳои низомӣ аёдат карда шуда, зимни суҳбат бо онҳо иброз гардид, ки қаҳрамониву ҷоннисориҳои чунин фарзандони шуҷои Ватан аст, ки амнияти давлату миллат таъмин аст. Ҳифзи марзу буми Тоҷикистони соҳибистиқлол вазифаи ҷонии ҳар ҷавонмард буда, талошу пайкор ва заҳмату азхудгузаштагиҳои афсарону сарбозони далер моро итминон мебахшад, ки ба сӯи фардои дурахшон қадамҳои устувор гузорем.

Вазири корҳои дохилии Ҷумҳурии Тоҷикистон Рамазон Раҳимзода, Раиси Кумитаи давлатии амнияти миллии Ҷумҳурии Тоҷикистон Саймумин Ятимов ва Раиси вилояти Суғд Раҷаббой Аҳмадзода дар Беморхонаи клиникавии шаҳрии рақами 1-и шаҳри Хуҷанд низ сарбозону афсаронро аёдат намуданд.


Зимни аёдат иттилоъ дода шуд, ки тибқи супориши Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба табобати захмбардоштагон кормандони беҳтарини соҳаи тиб ҷалб гардида, онҳо бо доруворию хӯрокворӣ ва маводи зарурӣ пурра таъмин мебошанд.

Зимни аёдат афсарону сарбозон изҳор доштанд, ки ҳамеша барои муҳофизати марзу буми Тоҷикистони соҳибистиқлол омода буда, ҳеҷ гоҳ намегузоранд, ки пойи нохалафе ба сарзамини мо бирасад.

АКС: Хадамоти матбуоти Раиси вилояти Суғд

Сентябрь 26, 2022 13:46

Хабарҳои дигари ин бахш

Имрӯз дар Москва нишасти вазирони мудофиаи кишварҳои СҲШ ва ИДМ баргузор мешавад
Дар машқгоҳи «Фахробод» тамринҳои махсуси баталионӣ-тактикӣ доир гардиданд
Тоҷикистон ва Дафтари барномаҳои САҲА ҳамкориро дар соҳаи назорати маводи нашъаовар густариш медиҳанд
Дар Афғонистон нахустин бор баъди ба қудрат расидани толибон як нафар ба қатл расонида шуд
Ҳайати Тоҷикистон дар аввалин ҷаласаи котибони Шӯрои амнияти кишварҳои Осиёи Марказӣ ва Ҳиндустон иштирок намуд
Тоҷикистон ва Арабистони Саудӣ бо қочоқ ва муомилоти ғайриқонунии воситаҳои нашъадор муборизаи муштарак мебаранд
Дар қисмҳои ҳарбии Тоҷикистон наваскарон савганди садоқат ба Ватан ёд карданд
«Иштироки фаъолона дар дарсҳои тайёрии ҳарбӣ барои омода шудан ба хизмат мусоидат менамояд»,- маслиҳати сарбозон ба ҷавонони Дӯстӣ
АП СААД оид ба роҳ надодан ба таҳияи силоҳи биологӣ изҳорот қабул намуд
Масъалаи таъмини ҳифзи ҳуқуқи инсон дар Тоҷикистон дар партави стандартҳои аврупоӣ ва байналмилалӣ баррасӣ шуд
ҲАМЛА БА ПЕШРАФТ ВА ТАМАДДУН. Дар мактабе дар шимоли Афғонистон таркиш ба амал омада, 35 нафар кушта шуданд
Пентагон хабарро дар бораи нобуд кардани роҳбари ДИ* дар Сурия тасдиқ кард

Маводҳои таҳлилӣ