Дар шаҳри Бӯстон ярмарка-фурӯши маҳсулоти кишоварзӣ ташкил карда шуд
СУҒД, 05.09.2022 /АМИТ «Ховар»/. Ба истиқболи сазовори 31-солагии Истиқлолияти давлатии Ҷумҳурии Тоҷикистон 3 сентябр дар маҳаллаи Ғалабаи шаҳри Бӯстон ярмарка-фурӯши маҳсулоти мавриди ниёзи аввали мардум ва кишоварзӣ баргузор шуд, хабар доданд ба мухбири минтақавии АМИТ «Ховар» Саъдулло МАҲКАМОВ дар маркази матбуоти Раиси шаҳри Бӯстон.
Ярмарка-фурӯши маҳсулоти кишоварзӣ бо мақсади фаровонии бозори истеъмолӣ ва ғанигардонии дастурхони сокинони шаҳр, инчунин пешгирии болоравии нархи маводи мавриди ниёзи аввал ташкил гардид.
Дар ин рӯз аз ҷониби корхонаи истеҳсоли орди ҶДММ «Хубҷамъинвест» ба миқдори 3 тонна орд, аз ҷониби корхонаи истеҳсоли гӯшти ҶДММ «Суғдсаноатпаранда» 500 кг гӯшти мурғ ва аз ҷониби корхонаҳои Ҷамоати шаҳраки Палос ба миқдори 3 ҳазор дона тухм бо нархҳои дастрас пешкаши сокинони шаҳр гардонида шуданд.
Дар ярмарка кишоварзону соҳибкорони шаҳру ноҳияҳои Истаравшан, Исфара, Бӯстон, Деваштич, Конибодом ва Бобоҷон Ғафуров маҳсулоти кишоварзӣ ва озуқаворӣ, аз қабили картошка, сабзӣ, пиёз, помидор, бодиринг, тарбуз, харбуза, гӯшт ва дигар маҳсулотро пешниҳоди сокинону меҳмонони шаҳри Бӯстон гардониданд.
АКС: маркази матбуоти Раиси шаҳри Бӯстон
Суханронии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар варзишгоҳи шаҳри Хуҷанд ба ифтихори ҷашни 35–солагии Истиқлоли давлатӣ
Дар Суғд яке аз нахустин лоиҳаҳои бузурги «энергетикаи сабз» – бунёди неругоҳи офтобӣ дар ноҳияи Ашт ба анҷом расонида шуд
Пешвои миллат: «Ба истиқболи ҷашни 35-солагии Истиқлоли давлатӣ дар вилояти Суғд 15 ҳазору 400 иншоот бунёд ва навсозӣ гардид»
Президенти Тоҷикистон: «Шумораи корхонаҳои саноатӣ дар Суғд дар солҳои соҳибистиқлолӣ 11 баробар афзоиш ёфт»
Суханронии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар мулоқот бо роҳбарону фаъолони вилояти Суғд ба ифтихори ҷашни 35-солагии истиқлоли давлатии Ҷумҳурии Тоҷикистон
Пешвои миллат Эмомалӣ Раҳмон бо роҳбарону фаъолони вилояти Суғд мулоқот намуданд
Ба ифтихори 35-солагии Истиқлоли давлатӣ дар Ёвон 649 иншооти гуногун ба истифода дода шуд
Дар Ҳамбурги Олмон 35-солагии Истиқлоли давлатии Тоҷикистон таҷлил гардид
«ИСТИҚЛОЛ — ГАНҶИ МИЛЛАТ, БАҚОИ ДАВЛАТ». Бо чунин унвон дар шаҳри Хуҷанд ҳамоиши ҷумҳуриявӣ доир шуд
Дар иншооти ҷашнии ноҳияи Ашт корҳои ободониву созандагӣ идома доранд
Намояндагони баландпояи Бонки ҷаҳонӣ бо мукофотҳои давлатии Ҷумҳурии Тоҷикистон сарфароз гардиданд
