Дастаи «Ориёнбонк» ғолиби Ҷоми Федератсияи футболи Тоҷикистон оид ба футзал гардид
ДУШАНБЕ, 02.08.2022 /АМИТ «Ховар»/. Дар шаҳри Душанбе мусобиқаи футзал барои дарёфти Ҷоми Федератсияи футболи Тоҷикистон ва бахшида ба Рӯзи Истиқлолияти давлатии Ҷумҳурии Тоҷикистон ба анҷом расид. Дар ин бора ба шореҳи варзиши АМИТ «Ховар» Меҳрони Қурбон дар Федератсияи футболи Тоҷикистон хабар доданд.
Дар мусобиқаи мазкур 12 даста ширкат карданд, ки дар марҳилаи муқаддамотӣ ба се гурӯҳ тақсим шуданд. Дар марҳилаи аввал дастаҳо аз рӯи системаи даврӣ дар як марҳила бозӣ карданд. Сипас ҳашт даста ба чорякфинал роҳ ёфт. Дар марҳилаи плей-офф бозиҳо аз рӯи системаи олимпӣ сурат гирифтанд.
Дар бозӣ барои ҷойи сеюм дастаҳои футзали «Вавилон» ва «Соро компания-2» бо ҳам вохӯрданд. Вақти асосии вохӯрӣ мусовӣ- 3:3 анҷом ёфт. Дар силсилазарбаҳои пеналтӣ бахт ба рӯйи футзалбозони дастаи «Соро компания-2» хандид ва бо ҳисоби 4:2 ғолиб омад.
Дар бозии ниҳоии Ҷоми ФФТ футзалбозони «Ориёнбонк» ва «Рахш-Такси» бо ҳам вохӯрданд. Дар ин рақобат кормандони бонк бо ҳисоби калони 5:1 ғалаба карданд.
Дар маросими ҷамъбасти мусобиқа ноиби президенти Федератсияи футболи Тоҷикистон Дилшод Ҷӯразода, муовини аввали Раиси ҶСК «Ориёнбонк» Шуҳрат Исматуллоев ва Директори Лигаи футзали Тоҷикистон Бахтовар Меликов иштирок намуданд.
Аз рӯи натиҷагирии мусобиқаи Ҷоми ФФТ Сироҷиддин Ҳусейнов («Ориёнбонк») беҳтарин дарвозабон дониста шуд. Ибод Назиров («Ориёнбонк») беҳтарин нишонзани мусобиқа гардид. Беҳтарин бозингар дар ҳайати дастаи «Рахш-Такси» Орзу Додхудоев эътироф шуд.
АКС: Федератсияи футболи Тоҷикистон
ҶОМИ ОСИЁ ОИД БА ҶУДО БАЙНИ НАВРАСОН ВА ҶАВОНОН-2025. Варзишгарони тоҷик дар рӯзи якум 3 медали тилло ба даст оварданд
«ҶАВОНОН ВА ВАРЗИШГАРОН -САДОҚАТ БА ПЕШВОИ МИЛЛАТ ВА ПАРЧАМИ ДАВЛАТӢ». Бо чунин унвон «Дав барои хушҳолӣ» баргузор гардид
Дар ноҳияи Ёвон варзишгарони ҷавон барои дастовардҳои назаррас қадрдонӣ шуданд
Парчами давлатии Тоҷикистон давоми нуҳ моҳ ба шарафи варзишгарони тоҷик зиёда аз 320 маротиба баланд бардошта шуд
Душанбе мизбони мусобиқаҳои бонуфузи қитъавӣ – Ҷоми Осиё оид ба ҷудо байни наврасон ва ҷавонон-2025 мегардад
Дастаи мунтахаби Тоҷикистон дар бозии даври панҷуми марҳилаи интихобии Ҷоми Осиё-2027 дастаи Тимори Шарқиро мағлуб намуд
Дастаи наврасони Тоҷикистон (U-15) дар бозии санҷишӣ дастаи мунтахаби Русияро мағлуб кард
Горан Стеванович: «Мо ба шаҳри Дарвин барои ба даст овардани се имтиёз омадаем»
Варзишгари тоҷик Шаҳром Маҳмуродов дар Чемпионати ҷаҳон оид ба ҷиу-ҷитсу соҳиби медали тилло гардид
Донишҷӯи тоҷик дар мусобиқаи варзишӣ дар Донишгоҳи Кувайт сазовори ҷойи якум гардид
ҶОМИ ОСИЁ-2027. Дастаи мунтахаби Тоҷикистон дар бозӣ бо Тимори Шарқӣ бо либосҳои сафед ба майдон мебарояд
Бахшида ба Рӯзи Президент дар деҳаи Андарбаки ноҳияи Ванҷ толори муосири варзишӣ ба истифода дода шуд
