ФУТБОЛ. Дастаи мунтахаби Тоҷикистон бо Тринидад ва Тобаго дар Мусобиқаи байналмилалии «King’s Cup 2022» бозӣ мекунад
ДУШАНБЕ, 22.09.2022 /АМИТ «Ховар»/. Имрӯз дастаи мунтахаби Тоҷикистон дар доираи бозии нимниҳоии Мусобиқаи байналмилалии «King’s Cup 2022» оид ба футбол бо дастаи мунтахаби Тринидад ва Тобаго дар шаҳри Чиангмайи Таиланд рақобат мекунад. Вохӯрии дастаҳо дар варзишгоҳи «The 700th Anniversary of Chiang Mai»-и шаҳри Чиангмай баргузор шуда, соати 17:30 (15:30 ба вақти Душанбе) оғоз мешавад, хабар медиҳад шореҳи варзиши АМИТ «Ховар» бо истинод ба Федератсияи футболи Тоҷикистон.
Дастаи мунтахаби Тоҷикистон таҳти роҳбарии мутахассиси хорватӣ Петр Сегрт омодагиро ба бозии нимниҳоии Мусобиқаи байналмилалии «King’s Cup 2022» дар шаҳри Чиангмайи Таиланд давоми чанд рӯз омодагӣ дид. Ҳамчунин ба ҳайати дастаи мунтахаб ҳамлагари бошгоҳи «Ислоч»-и Беларус Шаҳром Самиев ва ҳамлагари дастаи «Левадия»-и Эстония Рустам Соиров шомил шуданд.
Бозингарони дастаи мунтахаби ҷавонони то 20-солаи Тоҷикистон Амадонӣ Камолов ва Меҳрубон Каримов ҳамроҳ бо нимҳимоятгар Эҳсони Панҷшанбе бо баъзе сабабҳои шахсӣ субҳи имрӯз ба ҳайати дастаи миллӣ пайвастанд ва имрӯз ба майдон мебароянд.
Ёдовар мешавем, ки дар вохӯрии дигари нимниҳоӣ дар ҳамин рӯз дастаҳои мунтахаби Таиланд ва Малайзия бо ҳам қувва месанҷанд. Ғолибони даври нимниҳоӣ 25 сентябр дар бозии ниҳоӣ ва дастаҳои мағлубшуда барои медалҳои биринҷӣ миёни ҳам рақобат мекунанд.
Акс: ФФТ
Дар Душанбе таҳти унвони «Зебоӣ, доноӣ ва тавоноӣ аз варзиш аст» машқи пагоҳирӯзӣ баргузор гардид
«Истиқлол» барои роҳхат ёфтан ба плей-оффи Лигаи даъватии КФО-2026/27 бо дастаи «Ҳомс Ал-Фида»-и Сурия бозӣ мекунад
Дастаи мунтахаби наврасони Тоҷикистон (U-17) бо дастаи Қатар бозиҳои дӯстона анҷом медиҳад
ФУТБОЛ. Дастаи мунтахаби наврасони Тоҷикистон (U-15) дар Ҷоми ҷаҳон-2026 иштирок менамояд
Шоҳрух Назаров якумин медали нуқраи Тоҷикистонро дар таърихи Бозиҳои параосиёии тобистона соҳиб шуд
«Истиқлол» дар бозиҳои даври дуюми марҳилаи гурӯҳии Лигаи даъватии КФО-2026/27 бар ҳарифаш ғолиб омад
Дар шаҳри Хуҷанд Академияи бокс бунёд карда мешавад
Ғолибони Мусобиқаи ҷумҳуриявӣ оид ба гӯштини ҷудо барои дарёфти Ҷоми Президенти Ҷумҳурии Тоҷикистон дар шаҳри Кӯлоб муайян шуданд
Дастаи футболи «Хуҷанд» бори шашум барандаи Ҷоми Тоҷикистон гардид
КФО-2026/27. Имрӯз «Истиқлол» ва «Регар-ТадАЗ» бозиҳои аввали худро дар марҳилаи гурӯҳӣ анҷом медиҳанд
Дар Тоҷикистон Форуми байналмилалии ҷавонони давлатҳои аъзои Созмони ҳамкории Шанхай баргузор шуд
Шаҳри Кӯлоб мизбони Ҷоми Президенти Ҷумҳурии Тоҷикистон оид ба гӯштини ҷудо мегардад
