ФУТБОЛ. Имрӯз бо бозии «Эсхата» ва «Регар-ТадАЗ» даври чордаҳуми Чемпионати Тоҷикистон миёни дастаҳои Лигаи олӣ оғоз мешавад
ДУШАНБЕ, 02.08.2022 /АМИТ «Ховар»/. Имрӯз бозиҳои даври чордаҳуми Чемпионати Тоҷикистон оид ба футбол миёни дастаҳои Лигаи олӣ оғоз ёфта, то 4 сентябр дар варзишгоҳҳои мамлакат баргузор мешаванд. Дар даври навбатӣ- 2 сентябр дастаҳои футболи «Эсхата»-и шаҳри Хуҷанд бо «Регар-ТадАЗ»-и шаҳри Турсунзода, 3 сентябр- дастаҳои футболи «Истаравшан»-и шаҳри Истравшан бо «Равшан»-и ноҳияи Зафаробод ва «Равшан»-и шаҳри Кӯлоб бо КМВА-и шаҳри Душанбе, 4 сентябр- дастаҳои футболи «Хуҷанд»-и шаҳри Хуҷанд бо «Хатлон»-и шаҳри Бохтар, «Файзканд»-и ноҳияи Восеъ бо «Истиқлол»-и шаҳри Душанбе миёни ҳам вомехӯранд. Дар ин бора ба шореҳи варзиши АМИТ «Ховар» дар Федератсияи футболи Тоҷикистон хабар доданд.
Аз ин пеш дар Варзишгоҳи марказии ҷумҳуриявии шаҳри Душанбе бозии мавқуфмондаи даври сеюми Чемпионати Тоҷикистон оид ба футбол миёни дастаҳои футболи «Истиқлол»-и шаҳри Душанбе ва «Истаравшан»-и шаҳри Истаравшан дар сатҳи баланд баргузор шуд. Вохӯрии дастаҳо хеле ҷолиб сурат гирифта, бо ҳисоби 3 бар 0 ба нафъи мизбонон анҷом ёфт. Ҳар се голи дастаи футболи «Истиқлол»-и шаҳри Душанберо Шервонӣ Мабатшоев дар дақиқаҳои 48-ум, 72-юм ва 90+4-ум ба нишон расонида, дар анҷоми бозӣ беҳтарин бозингар эътироф шуд.
Мавриди зикр аст, ки дар даври навбатии Чемпионати Тоҷикистон дастаи футболи «Истиқлол»-и шаҳри Душанбе дар сафар бо дастаи «Файзканд»-и ноҳияи Восеъ вориди рақобат мегардад. Вохӯрии дастаҳо 4 сентябр дар варзишгоҳи «Нефтяник»-и ноҳияи Рудакӣ доир мегардад. Дар ҷадвали мусобиқа дастаи «Истиқлол»-и шаҳри Душанбе бо 11 бозии анҷомдода 24 имтиёз ба даст оварда, садрнишини ҷадвали Чемпионати Тоҷикистон оид ба футбол миёни дастаҳои Лигаи олӣ мебошад. Дар зинаи дуюм дастаи футболи «Хатлон»-и шаҳри Бохтар бо 22 имтиёз дар 12 бозии анҷомдода ҷо гирифтааст.
Натиҷаи дастаҳо дар ҷадвали Чемпионати Тоҷикистон оид ба футбол миёни дастаҳои Лигаи олӣ
| Б | Ғ | М | Б | Т-Т | Х | ||
| 1 | «Истиқлол» (Душанбе) | 11 | 7 | 3 | 1 | 25-6 | 24 |
| 2 | «Хатлон» (Бохтар) | 12 | 6 | 4 | 2 | 13-6 | 22 |
| 3 | «Файзканд» (Восеъ) | 12 | 6 | 3 | 3 | 15-16 | 21 |
| 4 | «Равшан» (Кӯлоб) | 13 | 5 | 5 | 3 | 14-12 | 20 |
| 5 | «Хуҷанд» (Хуҷанд) | 12 | 5 | 4 | 3 | 14-8 | 19 |
| 6 | КМВА (Душанбе) | 12 | 5 | 2 | 5 | 16-19 | 17 |
| 7 | «Истаравшан» (Истаравшан) | 13 | 4 | 2 | 7 | 16-13 | 14 |
| 8 | «Эсхата» (Хуҷанд) | 12 | 3 | 2 | 7 | 16-24 | 11 |
| 9 | «Регар-ТадАЗ» (Турсунзода) | 12 | 3 | 1 | 8 | 10-18 | 10 |
| 10 | «Равшан» (Зафарабад) | 13 | 2 | 4 | 7 | 11-28 | 10 |
АКС: Федератсияи футболи Тоҷикистон
Дастаи мунтахаби Тоҷикистон ба садгонаи беҳтаринҳои раддабандии ФИФА ворид шуд
Дастаи мунтахаби футзали Тоҷикистон бо дастаи яккачини Русия бозиҳои дӯстона анҷом медиҳад
Маросими гусели ҳайати дастаи мунтахаби паралимпии мамлакат ба Бозиҳои V Параосиёӣ баргузор гардид
Иштирокдорони Бозиҳои 20-уми Осиёӣ—2026-ро дар Фурудгоҳи байналмилалии Душанбе истиқбол гирифтанд
Дастаи мунтахаби Тоҷикистон дар бозии дӯстона бар тими миллии Чин пирӯз шуд
Имрӯз дастаи мунтахаби Тоҷикистон оид ба футбол бо дастаи мунтахаби Чин бозии дӯстона анҷом медиҳад
ҶОМИ ОСИЁ-2027. Дастаи мунтахаби духтаронаи Тоҷикистон (U-17) бо тими Урдун мусовӣ бозӣ кард
Дар Сафорати Тоҷикистон дар Салтанати Умон бо дастаи мунтахаби олимпии футболи Тоҷикистон вохӯрӣ доир шуд
Дар Ҷамоати деҳоти Роҳатии ноҳияи Рӯдакӣ иншооти нави таълимию варзишӣ ба истифода дода шуданд
Дар вилояти Хатлон беш аз 40 мактаби варзишӣ фаъолият дорад
Дастаи мунтахаби наврасони Тоҷикистон (U-17) бо дастаи Русия бозии дӯстона анҷом медиҳад
ФУТБОЛ. Дастаи мунтахаби Тоҷикистон омодагиро ба бозӣ бо мунтахаби Чин оғоз намуд
