«KING’S CUP 2022». Имрӯз мунтахабҳои Тоҷикистон ва Малайзия дар финали мусобиқа рақобат мекунанд

ДУШАНБЕ, 25.09.2022 /АМИТ «Ховар»/. Имрӯз, 25 сентябр дар  финали 48-умин мусобиқаи байналмилалии «King’s Cup 2022» дар Таиланд дастаҳои мунтахаби Тоҷикистон ва  Малайзия барои дарёфти ҷом рақобат мекунанд. Дар ин бора ба АМИТ «Ховар» дар Федератсияи футболи Тоҷикистон хабар доданд.

Бозӣ дар шаҳри Чианг Майи Тайланд дар варзишгоҳи «The 700th Anniversary of Chiang Mai» соати 18:30 бо вақти Душанбе доир мегардад.

Ёдовар мешавем, ки дар даври ниманиҳоӣ мунтахаби Тоҷикистон бар Тринидад ва Тобаго бо ҳисоби 2:1 пирӯз шуд ва ба финали мусобиқа роҳ ёфт. Голҳои Муҳаммадҷон Раҳимов ва Эҳсони Панҷшанбе ба дастаи мо пирӯзӣ оварданд.

48-умин мусобиқаи байналмилалии «King’s Cup 2022»

1/2 ниҳоӣ

Тринидад ва Тобаго – ТОҶИКИСТОН – 1:2

Голҳо: Яҳудо Гарсия, 27 (1:0). Муҳаммадҷон Раҳимов, 47 (1:1). Эҳсони Панҷшанбе, 75 (1:2).

Тоҷикистон: Рустам Ятимов, Ваҳдат Ҳанонов, Манучеҳр Сафаров, Табрез Исломов, Зоир Ҷӯрабоев, Аҳтам Назаров (Комрон Турсунов, 73), Амирбек Ҷӯрабоев, Муҳаммадҷон Раҳимов (Далер Имомназаров, 84), Шервонӣ Мабатшоев (Сиёвуш Асроров, 4), Нуриддин Ҳамроқулов (Эҳсони Панҷшанбе, 46), Шаҳром Самиев (Рустам Соиров, 73).

Беҳтарин бозигари бозӣ: Эҳсони Панҷшанбе (Тоҷикистон).

22 сентябр. Чианг Май, Тайланд. Варзишгоҳи «The 700th Anniversary of Chiang Mai». 7288 тамошобин.

Бозӣ барои ҷой сеюм

25 сентябр (якшанбе)

Оғоз — 15:30 бо вақти Душанбе

Таиланд – Тринидад и Тобаго

 Финал

25 сентябр (якшанбе)

Оғоз — 18:30 бо вақти Душанбе

Малайзия – ТОҶИКИСТОН

Акс: ФФТ