Рӯзҳои кинои Тоҷикистон дар Узбекистон дар доираи Фестивали XIV байналмилалии кинои Тошканд доир мегарданд

Сентябрь 13, 2022 10:00

ДУШАНБЕ, 13.09.2022 /АМИТ «Ховар»/. Аз 13 то 18 сентябр дар Ҷумҳурии Узбекистон таҳти унвони «Дурдонаҳои роҳи абрешим» Фестивали XIV байналмилалии кинои Тошканд баргузор мегардад, ки дар доираи он Рӯзҳои кинои Тоҷикистон дар Узбекистон доир мешаванд, иттилоъ доданд ба АМИТ «Ховар» дар Муассисаи давлатии «Тоҷикфилм».

Дар Рӯзҳои кинои Тоҷикистон дар Узбекистон филмҳои ҳунарӣ ва мустанади Муассисаи давлатии «Тоҷикфилм», аз қабили «Охирин сайди сайёд» (коргардон Муҳаммадрабии Исмоил), «Роҳ» (коргардон Носир Саидов), «Додараки фариштаҳо» (коргардон Умедшо Мирзоширинов), «Масири ҳамдилӣ-СҲШ» (коргардон Файзулло Файзов) ва «Се рӯзи як баҳор» (коргардон Рустам Шоазимов) барои алоқамандони кино намоиш дода мешаванд.

Ҳамчунин дар доираи Рӯзҳои кинои Тоҷикистон дар Узбекистон бастани Қарордод оид ба шурӯи истеҳсоли филми ҳунарию таърихии муштараки «Дурахши ахтарон: Ҷомӣ ва Навоӣ» дар назар дошта шудааст.

Бояд гуфт, ки бо пешниҳоди Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Узбекистон муҳтарам Шавкат Мирзиёев дар бораи таҳия ва наворбардории филми ҳунарию таърихии муштарак доир ба дӯстии халқҳои тоҷику узбек дар симои абармардони олами ирфон- Мавлоно Абдураҳмони Ҷомӣ ва Мир Алишери Навоӣ мавриди корбарӣ қарор гирифта, дар ин самт консепсияи филм таҳти унвони «Дурахши ахтарон: Ҷомӣ ва Навоӣ» омода карда шуд.

Интизор меравад, ки доир ба таҳия ва наворбардории филми ҳунарии муштараки «Норак» миёни Муассисаи давлатии «Тоҷикфилм» ва Корхонаи воҳиди «Киностудияи миллии «Беларусфилм», инчунин доир ба филми тасвирии муштараки «Бабри барфӣ» бо киностудияи «Лендок» Ёддошти тафоҳуми ҳамкорӣ ба имзо расонида шавад.Дар фестивали мазкур баргузории чорабиниҳо, аз қабили Озмуни байналмилалии «Кино дар муддати панҷ рӯз», Рӯзҳои кинои кишварҳои Созмони ҳамкории Шанхай, Рӯзҳои кинои ҷаҳонӣ, Рӯзҳои кинои мустанад, Рӯзҳои кинои Тоҷикистон, Рӯзи кинои Узбекистон, Шӯрои VI директорони киностудияҳои ИДМ, ҳамоиши синамоии созмони байналмилалии фарҳанги туркӣ (ТЮРКСОЙ) ва муаррифии филмҳои муштарак миёни Муассисаи давлатии «Тоҷикфилм» ва Агентии кинематографияи Ҷумҳурии Узбекистон дар назар аст.

Ҳамчунин барномаҳои маърифатии дарсҳои «Устод ва шогирд», кинофорумҳо, мизҳои мудаввар ва мулоқоти эҷодӣ бо филмсозону коргардонҳо ва ҳунарпешаҳои маъруфи ҷаҳонӣ ҷараён мегиранд.

Интизор меравад, ки дар ин рӯзҳо зиёда аз 20 созишномаю қарордодҳои ҳамкорӣ оид ба таҳия ва наворбардории филмҳои муштарак ба тасвиб расонида шаванд. Инчунин дар филиали Донишкадаи давлатии умумирусиягии кинематографияи шаҳри Тошканд намоишгоҳи мусаввараҳои донишҷӯёни ин даргоҳи ҳунар баргузор мегардад.

Фирӯза ДАВЛАТЗОДА,
АМИТ «Ховар»

АКС: МД «Тоҷикфилм»

Сентябрь 13, 2022 10:00

Хабарҳои дигари ин бахш

ЭЪЛОН: «ВАССОФИ ВАТАН». Барои рӯзноманигорон ва корбарони саҳифаҳои иҷтимоии шабакаҳои интернетӣ фестивал-озмун баргузор мешавад
Тандиси биринҷии чеҳраи Президенти Тоҷикистон ба Осорхонаи миллӣ супорида шуд
АЗ НАВРӮЗ ТО НАВРӮЗ. Дар Донишкадаи давлатии санъати тасвирӣ ва дизайни Тоҷикистон фестивали муд баргузор мегардад
ИМРӮЗ-РӮЗИ ҶАҲОНИИ ТЕАТР. Дар давраи соҳибистиқлолӣ дар Тоҷикистон барои пешрафти санъати касбии театрӣ шароити мусоид фароҳам оварда шуд
«САЙРИ ГУЛИ ЛОЛА». Дар Суғд Фестивали вилоятии гулҳо доир мешавад
КОНИ ЛАЗЗАТ ВА ХОНИ НЕЪМАТ. Хабарнигори АМИТ «Ховар» оид ба таомҳои наврӯзӣ дар Бадахшон маълумот ҷамъоварӣ намуд
НАВРӮЗ-МАҲБУБТАРИН ҶАШНИ МИЛЛИИ ТОҶИКОН. Суратгузориш аз таҷлили бошукуҳи ҷашни Наврӯз дар Академияи миллии илмҳои Тоҷикистон
Байни Китобхонаи миллии Тоҷикистон ва Китобхонаи оммавӣ, илмӣ-техникии шуъбаи Академияи илмҳои Русия дар минтақаи Сибир Созишномаи ҳамкорӣ ба имзо расид
Оши бурида дар Наврӯз ҳамчун рамзи умри дароз ва ҳаёти хушбахтона омода мешавад
НАВРӮЗ — ҶАШНИ ЭҲЁ. Ин ҷашни ҷаҳонӣ бунёди маънавии миллати тоҷик мебошад
МАЗМУНҲОИ НАВРӮЗӢ ДАР АШЪОРИ АҲДИ КЛАССИКИИ ФОРСУ ТОҶИК. Андешаҳои адабиётшинос дар хусус
НАВРӮЗ ДАР ЗАРАФШОН. Он бо «тухмҷангак»-и кӯдакон оғоз мегардад