Тоҷикистон баъди ғалаба бар дастаи мунтахаби Тринидад ва Тобаго ба финали мусобиқаи «King’s Cup 2022» роҳ ёфт
ДУШАНБЕ, 23.09.2022 /АМИТ «Ховар»/. Дирӯз дастаи мунтахаби Тоҷикистон оид ба футбол дар доираи бозии нимниҳоии Мусобиқаи байналмилалии «King’s Cup 2022» бо дастаи мунтахаби Тринидад ва Тобаго рақобат намуд. Вохӯрии дастаҳо дар варзишгоҳи «The 700th Anniversary of Chiang Mai»-и шаҳри Чиангмайи Таиланд ҷолиб баргузор шуда, бо ҳисоби 2 бар 1 ба нафъи дастаи мунтахаби Тоҷикистон анҷом ёфт, хабар медиҳад шореҳи варзиши АМИТ «Ховар» бо истинод ба Федератсияи футболи Тоҷикистон.
Қисми аввали бозӣ бо ҳисоби 1 бар 0 ба нафъи дастаи мунтахаби Тринидад ва Тобаго хотима ёфт. Голро дар ҳайати ин даста Ҷуда Гарсия дар дақиқаи 27-уми бозӣ ба дарвозаи Рустам Ятимов зад. Дар қисми дуюми бозӣ дастпарварони Петр Сегрт бозии дигар нишон доданд. Ҳанӯз дар дақиқаи 47-уми бозӣ Муҳаммадҷон Раҳимов ҳисобро мусовӣ кард. Дар дақиқаи 75-ум бозингари бомаҳорати дастаи мунтахаби Тоҷикистон Эҳсони Панҷшанбе бо зарбаи қавӣ натиҷаро 2 бар 1 ба нафъи дастаи мунтахаби Тоҷикистон кард.
Баъди ин ғалаба дастаи мунтахаби Тоҷикистон ба финали мусобиқаи байналмилалии «King’s Cup 2022» роҳ ёфт.
Ёдовар мешавем, ки дастаи мунтахаби Тоҷикистон дар даври ниҳоӣ бо ғолиби ҷуфти дастаҳои футболи мунтахаби Таиланд ва Малайзия вориди майдони рақобат мешавад. Бозии ниҳоӣ 25 сентябр, соати 18:30 ба вақти Душанбе доир мешавад.
Мусобиқаи 48-уми байналмилалии «King’s Cup 2022» |1/2 ниҳоӣ
Тринидад ва Тобаго 1:2 ТОҶИКИСТОН
Голҳо: Ҷуда Гарсия ’27, Мухаммадҷон Раҳимов ‘47, Эҳсони Панҷшанбе ‘75
Чиангмай, Тайланд, варзишгоҳи «The 700th Anniversary of Chiang Mai»
Акс: ФФТ
КФО-2026/27. Имрӯз «Истиқлол» ва «Регар-ТадАЗ» бозиҳои аввали худро дар марҳилаи гурӯҳӣ анҷом медиҳанд
Дар Тоҷикистон Форуми байналмилалии ҷавонони давлатҳои аъзои Созмони ҳамкории Шанхай баргузор шуд
Шаҳри Кӯлоб мизбони Ҷоми Президенти Ҷумҳурии Тоҷикистон оид ба гӯштини ҷудо мегардад
Дастаи «Сипар»-и Хуҷанд бори дуюм унвони чемпиони Ҷоми Тоҷикистон оид ба футзалро сазовор гардид
Рустами Эмомалӣ дар ноҳияи Дарвоз варзишгоҳи болопӯшидаи «Нури Модар Арена», майдони хурди футбол ва ҳавзи шиновариро мавриди истифода қарор доданд
Президенти Федератсияи футболи Тоҷикистон Рустами Эмомалӣ дар Дарвоз Академияи футболи Вилояти Мухтори Кӯҳистони Бадахшонро ифтитоҳ намуданд
Дар ноҳияи Мир Сайид Алии Ҳамадонӣ Фестивали бозиҳои миллии варзишӣ баргузор гардид
Дар вилояти Суғд ғолибони мусобиқаи вилоятӣ муайян гардиданд
Дастаи мунтахаби духтаронаи Тоҷикистон тими Амороти Муттаҳидаи Арабиро мағлуб намуд
Мусобиқаи байналмилалӣ оид ба камонварӣ ҷамъбаст гардид
Дастаи мунтахаби Тоҷикистон ба садгонаи беҳтаринҳои раддабандии ФИФА ворид шуд
Дастаи мунтахаби футзали Тоҷикистон бо дастаи яккачини Русия бозиҳои дӯстона анҷом медиҳад
