Тоҷикистон дар Мусобиқаи 48-уми байналмилалии «King’s Cup 2022» соҳиби ҷом ва медали тилло шуд
ДУШАНБЕ, 26.09.2022 /АМИТ «Ховар»/. Шоми дирӯз дар даври ниҳоии Мусобиқаи 48-уми байналмилалии «King’s Cup 2022» дар Таиланд дастаҳои мунтахаби футболи Тоҷикистон ва Малайзия барои дарёфти ҷом миёни ҳам рақобат карданд. Футболбозони тоҷик зери роҳнамоии мутахассиси хорватӣ Петр Сегрт тавонистанд, ки дар аввалин иштирок дар Мусобиқаи 48-уми байналмилалии «King’s Cup-2022» соҳиби ҷому медалҳои тиллоӣ гарданд, хабар медиҳад шореҳи варзиши АМИТ «Ховар» бо истинод ба Федератсияи футболи Тоҷикистон.
Бозии дастаҳо дар шаҳри Чианг Майи Таиланд дар варзишгоҳи «The 700th Anniversary of Chiang Mai» хеле ҷолиб доир гардида, бар нафъи дастаи мунтахаби Тоҷикистон хотима ёфт.
Дар бозии ниҳоӣ дастаи мунтахаби Тоҷикистон бо дастаи мунтахаби Малайзия рақобат кард. Вақти асосии вохӯрӣ мусовӣ – 0:0 анҷом ёфт. Дар силсилазарбаҳои пеналти футболбозони мо маҳорати баланд нишон дода, бо ҳисоби 3:0 пирӯз шуданд. Дарвозабони мо Рустам Ятимов ду пеналтиро баргардонд.
Мусобиқаи 48-уми байналмилалии «King’s Cup 2022»
Финал
Малайзия – ТОҶИКИСТОН – 0:0. Аз рӯйи силсилаи пеналти – 0:3
Беҳтарин бозингари бозӣ: Рустам Ятимов (Тоҷикистон).
25 сентябр. Чиангмай, Тайланд. Варзишгоҳи «The 700th Anniversary of Chiang Mai».
Ёдовар мешавем, ки дар даври нимниҳоӣ дастаи мунтахаби Тоҷикистон бар дастаи мунтахаби Тринидад ва Тобаго бо ҳисоби 2:1 пирӯз шуда буд. Голҳои Муҳаммадҷон Раҳимов ва Эҳсони Панҷшанбе ба дастаи мо пирӯзӣ оварданд.
Мусобиқаи 48-уми байналмилалии «King’s Cup 2022»
1/2 ниҳоӣ
Тринидад ва Тобаго – ТОҶИКИСТОН – 1:2
Голҳо: Яҳудо Гарсия, 27 (1:0). Муҳаммадҷон Раҳимов, 47 (1:1). Эҳсони Панҷшанбе, 75 (1:2).
Акс: ФФТ
Дастаи мунтахаби Тоҷикистон оид ба футбол дар бозии дӯстона тими миллии Ҳиндустонро мағлуб кард
Варзишгар аз Тоҷикистон Абдулмаҷид Кудиев дар Узбекистон медали тиллоро сазовор шуд
ФУТБОЛ. Дастаи олимпии Тоҷикистон (U-23) бо ҳамсолони худ аз Чин бозиҳои дӯстона баргузор мекунад
Ғолибони Чемпионати Осиё оид ба бокс қадрдонӣ карда шуданд
Ҳайати дастаи мунтахаби Тоҷикистон оид ба футбол барои бозиҳои дӯстона бо тими мунтахаби Ҳиндустон муайян гардид
ФУТБОЛ. Дастаи мунтахаби Тоҷикистон бо тими мунтахаби Ҳиндустон бозиҳои дӯстона анҷом медиҳад
Дар Ёвон гулгашти фарҳангию фароғатӣ бо муҷассамаи «Рамзи футбол» ба истифода дода шуд
Дар деҳаи ба номи Иброҳим Бозорови шаҳри Турсунзода бахшида ба Рӯзи ҷаҳонии футбол майдони варзишии «Ҳумо Арена» ифтитоҳ ёфт
Бахшида ба Рӯзи ҷаҳонии футбол Фестивали бошукуҳи футбол баргузор гардид
Дар Душанбе Варзишгоҳи миллӣ ба истифода дода мешавад
Хислатҳои неки роҳбарии Рустами Эмомалӣ -ҳадафмандӣ, таваҷҷуҳ ба таҷрибаҳои беназир, эҳтиром ба одамон ва муоширати сатҳи баланд
Эмомалӣ Раҳмон: «Футбол имрӯз на танҳо як намуди варзиш, балки омили муҳими таҳкими дӯстӣ, ҳамдигарфаҳмӣ ва ҳамбастагии халқҳо гардидааст»
