Ваколатдор оид ба ҳуқуқи инсон дар Тоҷикистон ба Ваколатдор оид ба ҳуқуқи инсон дар Русия муроҷиат намуд
ДУШАНБЕ, 01.09.2022 /АМИТ «Ховар»/. Ваколатдор оид ба ҳуқуқи инсон дар Ҷумҳурии Тоҷикистон Умед Бобозода вобаста ба муроҷиати як гурӯҳ муҳоҷирони тоҷик, ки дар боздоштгоҳи муваққатии «Красное Село» -и шаҳри Санкт-Петербурги Федератсияи Русия қарор доранд, ба Ваколатдор оид ба ҳуқуқи инсон дар Федератсияи Русия Татяна Москалкова ҷиҳати гузаронидани санҷиши шароити буду боши шаҳрвандони тоҷик дар боздоштгоҳи мазкур нома фиристод. Дар ин бора ба АМИТ «Ховар» дар шуъбаи ҳифзи давлатии ҳуқуқҳои иқтисодӣ, иҷтимоӣ ва фарҳангии Ваколатдор оид ба ҳуқуқи инсон дар Тоҷикистон иттилоъ доданд.
Тавре маълум гардид, 29 августи имсол як гурӯҳ муҳоҷирони тоҷик дар шабакаҳои иҷтимоӣ аз он шикоят кардаанд, ки дар боздоштгоҳи муваққатии «Красное Село»-и шаҳри Санкт-Петербурги Федератсияи Русия дар шароити номуносиб қарор доранд.
Дар муроҷиати мазкур муҳоҷирони тоҷик зикр намудаанд, ки дар боздоштгоҳи муваққатӣ тақрибан 50 нафар буда, миёни онҳо калонсолон ва беморон низ ҳастанд. Онҳо гуфтаанд, ки сабаби дастгиршавиашон надоштани сабти ном (бақайдгирӣ) мебошад ва изҳор доштаанд, ки шароити хурду хӯрок, ҷои хоб номуносиб буда, ба онҳо ёрии тиббии дуруст расонида намешавад. Онҳо аз Ҳукумати кишвар хоҳиш кардаанд, ки ба онҳо ҳарчи зудтар кумак расонанд.
Ваколатдор оид ба ҳуқуқи инсон дар Тоҷикистон аз ҳамтои худ хоҳиш кардааст, ки муроҷиати мазкурро зери назорат гирифта, аз натиҷаи он ба ӯ хабар расонад.
Ҳамзамон Ваколатдор оид ба ҳуқуқи инсон дар Ҷумҳурии Тоҷикистон бо намояндагии Созмони байналмилалии муҳоҷират дар Ҷумҳурии Тоҷикистон мулоқот намуда, дархости пайгирии қазияро намуд, ки зимнан корманди созмони мазкур бо намояндагии Салиби Сурх дар Федератсияи Русия дар тамос шуд.
Пас аз тамос намояндагии Салиби Сурхи Федератсияи Русия маълумот дод, ки онҳо айни ҳол дар минтақаи мазкур мониторинги муассисаҳои пӯшидаро анҷом дода, дар ин раванд аз аҳволи муҳоҷирони тоҷике, ки дар боздоштгоҳи муваққатиянд, хабар гирифта, ба онҳо кумаки зарурӣ мерасонанд.
АКС: АМИТ «Ховар»
Дар Вилояти Мухтори Кӯҳистони Бадахшон кормандони соҳаҳои гуногун бо мукофотҳои давлатӣ қадрдонӣ шуданд
Соли 2026 дар Федератсияи Русия барои бо ҷойи кор таъмин намудани шаҳрвандони Тоҷикистон беш аз 40 вохӯрӣ доир шуд
Доир ба саҳми барандагони Ҷоизаи Исмоили Сомонӣ дар рушди Тоҷикистони муосир конференсия баргузор шуд
Пешвои миллат: «Вилояти Хатлон дар таърихи давлатдории тоҷикон ҷойгоҳи махсус дорад»
ИСТИҚЛОЛИЯТИ ДАВЛАТИИ ТОҶИКИСТОН ТО АБАД УСТУВОРУ ПОЯНДА БОШАД! Тавсифҳои истиқлолият аз суханҳои пурарзиши Президенти Тоҷикистон
«РУШДИ ҲУҚУҚИ ИНСОН ДАР 35 СОЛИ СОҲИБИСТИҚЛОЛИИ ТОҶИКИСТОН». Таҳти ин унвон конференсияи байналмилалӣ доир шуд
Дар солҳои соҳибистиқлолии Тоҷикистон андозаи нафақаҳо беш аз 20 маротиба индексатсия карда шуд
35 СОЛИ ИСТИҚЛОЛ: АЗ ОЗМОИШҲОИ ТАЪРИХ ТО БУНЁДИ ПОЯҲОИ ОЯНДАИ ДУРАХШОН. Андешаҳо дар ин маврид
Аз 1 сентябр маоши вазифавии кормандони соҳаҳои маориф, илм, фарҳанг, варзиш, тандурустӣ ва муассисаҳои соҳаи ҳифзи иҷтимоӣ зиёд карда мешавад
35-СОЛАГИИ ИСТИҚЛОЛИ ДАВЛАТӢ. Дар деҳаи Руҳафзои ноҳияи Темурмалик 9 иншооти таъйиноти гуногун ифтитоҳ гардид
Дар Тоҷикистон ҳавои моҳи якуми фасли тирамоҳ то 1 дараҷа гарм пешгӯӣ мешавад
Бо иштироки Сарвазири Тоҷикистон маросими супоридани мукофот ва ҷоизаҳои давлатӣ ба намояндагони касбу кори гуногун баргузор шуд
