Варзишгарони тоҷик дар Чемпионати кушоди Осиёи Марказӣ оид ба варзиши сабук дар Узбекистон иштирок мекунанд

Сентябрь 22, 2022 09:05

ДУШАНБЕ, 22.09.2022 /АМИТ «Ховар»/. Аз 23 то 25 сентябр дар шаҳри Самарқанди Ҷумҳурии Узбекистон Чемпионати кушоди Осиёи Марказӣ оид ба варзиши сабук баргузор мешавад, ки дастаи мунтахаби Тоҷикистон оид ба варзиши сабук иборат аз 17 нафар бо роҳбарии сармураббӣ Ғайрат Неъматов ба ин давлат сафарбар гардид, хабар доданд ба шореҳи варзиши АМИТ «Ховар» дар  Кумитаи миллии олимпии Тоҷикистон.

Дар мусобиқаи байналмилалӣ иштироки варзишгарон аз 9 давлат: Тоҷикистон, Афғонистон, Қазоқистон, Қирғизистон, Туркманистон, Узбекистон, инчунин Филиппин, Таиланд ва Малайзия  дар назар аст.

Ба иттилои сомонаи расмии Федератсияи варзиши сабуки Узбекистон, сабқатҳо дар маҷмааи варзишии «Афросиёб Арена» доир мегарданд. Варзишгарон дар сабқатҳои дав ва майдонӣ ё техникӣ – ҷаҳиш ба баландӣ, ҷаҳиш бо ходачӯб, ҷаҳиш ба дарозӣ, ҷаҳиши секарата, партоби диск, найза, гулӯла, гурз миёни ҳам  қувва месанҷанд.

Мавриди зикр аст, ки дар рӯзи сеюми мусобиқа марҳилаи навбатии дави байналмилалии хайриявӣ «Save Aral 2022» доир хоҳад шуд. Беш аз 2000 иштирокчӣ бо мақсади ҷалби таваҷҷуҳи ҷомеа ба буҳрони экологӣ дар атрофи баҳри Арал медаванд.

Дастаи мунтахаби Тоҷикистон ҷиҳати иштирок дар Чемпионати 4-уми кушоди Осиёи Марказӣ оид ба варзиши сабук дар шаҳри Самарқанди Ҷумҳурии Узбекистон:

Бонувон
Кристина Пронженко (400м; 800м)
Раҷабмо Абдуллоева (5000м; 10000м)
Мавлуда Асламова (партоби гулӯла, партоби найза)
Муштарӣ Бодоқулова (партоби диск)

Мардҳо
Александр Пронженко (100м; 200м)
Абубакр Носиров (100м; 400м)
Фаворис Музрапов (100м; 200м)
Илдар Аҳмадиев (200м)
Ленид Пронженко (110м/монеа; 400м/монеа)
Муҳаммадризо Мирзозода (400м; 400м/монеа)
Ҳасан Кулов (800м; 1500м)
Меҳрубон Шамсиддинов (5000м; 10000м)
Зуҳуршоҳи Наҷмиддин (5000м; 3000м/монеа)
Меҳробҷон Одинаев (10000м; 3000м/монеа)
Ҳусниддин Зарипов (ҷаҳиш ба бадандӣ)
Абдурауф Мусоев (партоби гулӯла ва гурз)
Зикрило Турахонов (партоби найза)

АКС: КМО Тоҷикистон

Сентябрь 22, 2022 09:05

Хабарҳои дигари ин бахш

Дар Кӯлоб Мусобиқаи кушоди ҷумҳуриявӣ оид ба бокс доир шуд
Бо гузашти 15 сол дастаи мунтахаби футзали Тоҷикистон ба даври чорякниҳоии Ҷоми Осиё баромад
Ҳафтаи оянда дар Душанбе марҳилаи интихобии Ҷоми Осиё-2023 миёни дастаҳои наврасони то 17-сола доир мешавад
Мизбони Ҷоми Осиё-2024 оид ба футбол миёни дастаҳои олимпӣ эълон шуд
ҶОМИ ОСИЁ ОИД БА ФУТЗАЛ. Дастаҳои мунтахаби Тоҷикистон ва Узбекистон бо ҳам рақобат карданд
Дастаи мунтахаби Тоҷикистон оид ба футбол бо Ҷоми Шоҳи Таиланд ба Душанбе баргашт
ҶОМИ ОСИЁ ОИД БА ФУТЗАЛ. Имрӯз дастаҳои мунтахаби Тоҷикистон ва Узбекистон бозӣ мекунанд
ҶОМИ ПРЕЗИДЕНТИ ТОҶИКИСТОН ОИД БА БОКС. Варзишгарони тоҷик сазовори ёздаҳ медали тилло гардиданд
Дастаи «Хадамоти гумрук» бозии аввали Ҷоми «Истиқлол»-2022-ро бо ғалаба оғоз намуд
Дастаи мунтахаби футзали Тоҷикистон Ҷоми Осиё-2022-ро бо пирӯзӣ оғоз кард
ҶОМИ ОСИЁ ОИД БА ФУТЗАЛ. Имрӯз дастаҳои мунтахаби Тоҷикистон ва Баҳрайн бозӣ мекунанд
Дар Чемпионати ҷаҳон оид ба дзюдо дар Тошканд 9 паҳлавони тоҷик иштирок менамоянд