Ҳайати БОР аз иншооти гумрукии Тоҷикистон боздид намуд
ДУШАНБЕ, 14.10.2022 /АМИТ «Ховар»/. Бо мақсади татбиқи лоиҳаҳои ҷорӣ ва кумаки техникӣ, инчунин лоиҳаҳои эҳтимолӣ дар Хадамоти гумруки назди Ҳукумати Ҷумҳурии Тоҷикистон бо иштироки Сардори Хадамоти гумрук Хуршед Каримзода, Роҳбари департаменти нақлиёт ва коммуникатсияи Бонки Осиёии Рушд (БОР) Хидеаки Ивасаки ва сармутахассис оид ба нақлиёти БОР Олег Самухин машварат баргузор гардид.
Тавре ба АМИТ «Ховар» дар Хадамоти гумруки назди Ҳукумати Ҷумҳурии Тоҷикистон иттилоъ доданд, Хуршед Каримзода зикр намуд, ки БОР яке аз шарикони асосии рушд дар Ҷумҳурии Тоҷикистон буда, маҷмӯи умумии сармоягузории он беш аз 2,2 миллиард доллари амрикоиро ташкил медиҳад.
Ҳамчунин дар вохурӣ лоиҳаҳое, ки бо маблағгузории БОР дар соҳаи гумрук амалӣ гардидаанд, мавриди муҳокима қарор гирифтанд. Яке аз лоиҳаҳои муҳим- ин Лоиҳаи «Ҳамкории иқтисодии минтақавии Осиёи Марказӣ оид ба беҳтар намудани хадамоти наздисарҳадӣ» мебошад, ки соли 2021 анҷом ёфт.
Дар натиҷаи татбиқи лоиҳа таҷдиди Дидбонгоҳи гумрукии «Гулистон» дар шаҳри Исфара ва таъсиси «Равзанаи ягонаи барасмиятдарории амалиёти содиротӣ, воридотӣ ва транзитӣ» ба роҳ монда шуд, ки барои Тоҷикистон ислоҳоти муҳим арзёбӣ мегардад.
Аз ҷониби Хадамоти гумрук тариқи рӯнамо маълумот оид ба соҳаҳои афзалиятноки гумрук ҷиҳати ҷалби сармоя ва навсозии ин мақомот ба ҳозирин пешниҳод гардид.
Хидеаки Ивасаки гуфт, ки БОР барои дастгирии Ҳукумати Ҷумҳурии Тоҷикистон дар фаъолияти гумрукӣ омодагӣ мебинад. Инчунин ҳайати БОР аз Дидбонгоҳи гумрукии «Дӯстӣ»-и Раёсати минтақавии гумрукӣ дар шаҳри Турсунзода ва КВД «Маркази Равзанаи ягона»-и назди Хадамоти гумрук боздид намуд. Зимни вохӯрӣ роҳбари ҳайат таассуроти мусбаи худро аз ин иншооти гумрукӣ, бахусус фаъолияти самараноки равзанаи ягонаи миллӣ сарфи назар аз мураккабии татбиқи ин низом иброз дошт. Дар ҷамъбаст Хидеаки Ивасаки лоиҳаҳоеро, ки дар соҳаи гумрук амалӣ шудаанд, баҳри рушди тиҷорат ва дар маҷмӯъ иқтисодиёти кишвар муҳим арзёбӣ намуд.
Дар анҷоми вохӯрӣ Хуршед Каримзода ба намояндагони БОР барои сармоягузории он дар рушди мақомоти гумрук миннатдорӣ баён карда, ҷиҳати тақвияти ҳамкории мутақобилан судманд дар татбиқи лоиҳаҳои муштараки минбаъда изҳори итминон намуд.
АКС: Хадамоти гумруки назди Ҳукумати Ҷумҳурии Тоҷикистон
Ҳаҷми истеҳсоли маҳсулоти кишоварзӣ дар Тоҷикистон беш аз 23 миллиард сомониро ташкил дод
Маконҳои таърихӣ, фарҳангӣ ва сайёҳии Тоҷикистонро беш аз 760 ҳазор сайёҳи хориҷӣ тамошо намуданд
Логистика ба бахши ҷудонопазир ва муҳаррики муҳими иқтисод табдил меёбад
Ҷаласаи Кумитаи тадорукот оид ба омодагӣ ва баргузории Форуми байналмилалии сармоягузории «Душанбе Инвест-2025» доир шуд
Дар Форуми иқтисодӣ, сармоягузорӣ ва сайёҳӣ зиёда аз 100 ширкати Тоҷикистон ва Амороти Муттаҳидаи Араб иштирок намуданд
Байни Ҳукумати Ҷумҳурии Тоҷикистон ва Ҳукумати Амороти Муттаҳидаи Араб Созишномаи ҳамкорӣ оид ба алоқаи ҳавоӣ ба имзо расид
Форуми иқтисодӣ, сармоягузорӣ ва сайёҳии Ҷумҳурии Тоҷикистон ва Амороти Муттаҳидаи Араб доир гардид
Ҳаҷми истеҳсоли маҳсулоти саноатӣ дар вилояти Суғд ба 18,1 миллиард сомонӣ расид
Вохӯрии маҷозии Шурои тиҷоратии Тоҷикистону Амрико дар мавзуи технологияҳои рақамӣ баргузор гардид
Тоҷикистон ва Амороти Муттаҳидаи Араб ҳамкориро дар бахшҳои саноат ва иқтисод баррасӣ намуданд
Иншооти аср — Неругоҳи барқи обии «Роғун» таҳти роҳнамоии Президенти Тоҷикистон бунёд мегардад
Чаро дар Тоҷикистон нархи картошка гарон аст? Маҳдуд кардани дахолати миёнаравҳо имкон медиҳад, ки кишоварзон маҳсулоти худро бевосита ба бозор бароранд
