Ҳайати Тоҷикистон дар ҷаласаи Ассамблеяи 41-уми генералии Шӯрои олимпии Осиё дар Камбоҷа иштирок намуд

Октябрь 6, 2022 08:36

ДУШАНБЕ, 06.10.2022 /АМИТ «Ховар»/. 4 октябр дар шаҳри Пном Пени Камбоҷа ҷаласаи Ассамблеяи 41-уми генералии Шӯрои олимпии Осиё (ОСА) баргузор шуд, ки дар он ҳайати Кумитаи миллии олимпии Тоҷикистон бо шумули  ноиби Президент Дилшод Назаров ва котиби генералӣ Абдуллозода Муҳаммадшо ширкат карданд. Дар ин бора ба АМИТ «Ховар» дар КМО Тоҷикистон хабар доданд.

Иҷрокунандаи вазифаи президенти Шӯрои олимпии Осиё Раҷа Рандхир Сингҳ 400 нафар вакилони Ассамблеяи генералии ОСА-ро истиқбол кард.

Раҷа Рандхир гуфт, ки дидани шумораи зиёди намояндагони кумитаҳои миллии олимпӣ ва дигар ҷонибҳои манфиатдори олимпӣ дар Ассамблеяи генералӣ пас аз ду соли пандемия «хушнудии бузург» аст.

Иҷрокунандаи вазифаи президенти OCA бо ишора ба санаи як сол ба таъхир афтодани Бозиҳои Осиё дар Ҳангжоу аз 23 сентябр то 8 октябри соли 2023 гуфт, ки «мо интизори ҳаяҷон ва ваҳдате ҳастем, ки Бозиҳои Осиё дар қора ва дар саросари ҷаҳон эҷод мекунанд».

Раҷа Рандхир гуфт, ки ҷунбиши варзишии Осиё аз пандемия қавитар шудааст ва минбаъд низ варзишгаронро дар омодагӣ ба бозиҳои маҷмӯии варзишӣ, бахусус Бозиҳои осиёӣ дар ҷои аввал мегузорад. Вай инчунин Кумитаи тадорукоти Бозиҳои Осиё дар Ҳангжоу ва Кумитаи олимпии Чинро барои талошҳои пайвастаашон тайи солҳои пандемия табрик гуфта, илова кард, ки 54 макони мусобиқаҳо барои Бозиҳои 19-уми Осиё омодаанд.

Президенти Кумитаи байналмилалии олимпӣ Томас Бах дар Ассамблеяи 41-уми генералии Шӯрои олимпии Осиё тавассути паёми видеоӣ гуфт, ки Осиё таърихи олимпӣ ва варзишро эҷод кардааст.

Вай ба вакилони Ассамблеяи генералӣ гуфт: «Бо давраи бесобиқаи осиёии се нашри пайдарпайи Бозиҳои олимпӣ, ки ҳоло дар паси мо қарор дорад, ҷомеаи олимпии тамоми Осиё метавонад ба қафо бо ифтихори бузург нигоҳ кунад. Аз Бозиҳои зимистонаи олимпии Пйонгчан-2018 сар карда, то Бозиҳои олимпии мавқуфгузоштаи Токио-2020 ва Бозиҳои зимистонаи олимпии Пекин-2022 шумо воқеан гуфта метавонед, ки Осиё таърихи варзишро навишт, Осиё таърихи олимпиро навишт. Бинобар ин ман мехоҳам барои саҳми бузургатон дар муваффақияти ин давраи барҷастаи олимпии Осиё изҳори сипос кунам”.

Томас Бах ҳамчунин аз аҳамияти варзиш дар ташаккули ҷомеа, бахусус дар ҷаҳони пас аз пандемия сухан гуфт.

«Новобаста ба он ки мо бо кадом монеаҳо рӯ ба рӯ шавем, мо метавонем танҳо тезтар пеш равем, баландтар ҳадаф гирем ва қавитар шавем, агар дар ҳва ҷангҳо мо ба қудрати муттаҳидкунандаи варзиш ниёз дорем, то арзишҳои олимпии сулҳ ва ҳамбастагиро беш аз пеш тарғиб кунад”.

Дар ҷаласа ҳамчунин дигар масъалаҳои ҳаракати олимпии қораи Осиё баррасӣ шуданд.

АКС: КМО Тоҷикистон

Октябрь 6, 2022 08:36

Хабарҳои дигари ин бахш

Мусобиқаи 15-уми байналмилалӣ оид ба теннис дар Душанбе идома дорад
Мусобиқаи байналмилалӣ оид ба теннис барои дарёфти Ҷоми Президенти Ҷумҳурии Тоҷикистон оғоз меёбад
«Регар-ТадАЗ» бори ҳаштум барандаи Ҷоми Тоҷикистон-2025 оид ба футбол шуд
Имрӯз бозии ниҳоии Ҷоми Тоҷикистон-2025 оид ба футбол баргузор мегардад
«Мактаб-интернати таҳсилоти умумии ҷумҳуриявии тамоюли варзишӣ ба номи Иброҳим Ҳасанов» баъд аз таъмири куллӣ ба истифода дода шуд
Пагоҳ бозии ниҳоии Ҷоми Тоҷикистон-2025 оид ба футбол баргузор мегардад
Ҷудочии тоҷик Рошид Неъматов дар Чемпионати Осиё байни наврасон медали тилло ба даст овард
Шамшербозони навраси тоҷик нахустин маротиба дар Ҷоми Осиё соҳиби медали биринҷӣ шуданд
Варзишгари тоҷик Мадина Қурбонзода дар Чемпионати Осиё соҳиби медали тилло гардид
ҶОМИ ОСИЁ-2026. Дастаи мунтахаби олимпии Тоҷикистон (U-23) бо тими олимпии Филиппин бозӣ менамояд
ҶОМИ ОСИЁ-2026. Дастаи мунтахаби олимпии Тоҷикистон (U-23) марҳилаи интихобиро бо пирӯзӣ бар Непал оғоз кард
«CAFA Nations Cup 2025». Имрӯз дастаи мунтахаби Тоҷикистон бо тими Эрон бозӣ мекунад