Ба сокинони шаҳри Истаравшан клиникаи сайёр хизмат мерасонад

Октябрь 30, 2022 09:09

СУҒД, 30.10.2022 /АМИТ «Ховар»/. Раиси шаҳри Истаравшан Адҳам Маъмурзода бо фаъолияти клиникаи сайёр шинос гардид, хабар доданд ба АМИТ «Ховар» дар маркази матбуоти Раиси шаҳри мазкур.

Аз ҷониби филиали ширкати «Нормека Интернешнл AС» дар Ҷумҳурии Тоҷикистон дар асоси Барномаи «Фаёл Хайр» вобаста ба маҷмӯи клиникаҳои тиббии сайёр дар Ҷумҳурии Тоҷикистон ба аҳолии шаҳру ноҳияҳои дурдасти ҷумҳурӣ фаъолияти хизматрасониҳои тиббии ройгон ба роҳ монда шудааст.

Филиали ширкати «Нормека Интернешнл AС» дар Ҷумҳурии Тоҷикистон ширкати шоҳигарии Норвегия буда, ҳамчун пудратчӣ аз тарафи Бонки исломии рушд интихоб гардидааст.

Филиали Ширкати «Нормека Интернешнл АС» дар Ҷумҳурии Тоҷикистон дар шаҳри Истаравшан ба муддати се моҳ хизматрасонии ройгон ба роҳ монда, тибқи лоиҳа, муддати панҷ соли оянда дар ҳудуди Ҷумҳурии Тоҷикистон бо Барномаи «Фаёл Хайр» вобаста ба маҷмӯи клиникаҳои тиббии сайёр фаъолият менамояд.

Тибқи иттилои масъулин, ҳамарӯза аз 80 то 100 нафар сокинони шаҳри Истаравшан аз хизматрасонии клиникаи сайёр истифода карда истодаанд. Хизматрасонӣ тавассути роҳхати Муассисаи давлатии «Кумаки аввалияи тиббию санитарӣ» ва муроҷиати бевоситаи шаҳрвандон амалӣ шуда, хизматрасонию таъминот бо доруворӣ пурра ройгон мебошад.

Клиникаи сайёр дар ҳудуди автовокзали шаҳри Истаравшан, дар деҳоти Зарҳалол ҷойгир шуда, ҳамарӯза фаъолият дорад.

АКС: Дафтари матбуоти Раиси шаҳри Истаравшан

 

Октябрь 30, 2022 09:09

Хабарҳои дигари ин бахш

Дар Душанбе ҷаласаи Шурои роҳбарони мақомоти муҳоҷирати давлатҳои иштирокдори ИДМ доир мешавад
ҲУШДОР! 10-12 май тағйирёбии вазъи ҳаво ва офатҳои табиии эҳтимолӣ дар назар аст
Ба иштирокчиён ва маъюбони ҷанги солҳои 1941-1945 кумакпулии яквақта расонида шуд
Дар минтақаи Кӯлоб оид ба ҳифзи арзишҳои миллӣ ва пешгирии хурофотпарастӣ ҷаласа доир гардид
«ИСТИҚБОЛИ САРБОЗИ ВАТАН ШАРАФ АСТ». Кумитаи кор бо ҷавонон ва варзиш сарбозони аз қисмҳои ҳарбӣ баргаштаро пешвоз мегирад
Дар якчанд шаҳру ноҳияҳои Тоҷикистон бар асари бориши шадид сел ба амал омад
МАСИРИ МУҲОҶИРАТИ МЕҲНАТӢ. Андешаҳои Абдураҳим Шоҳиён дар робита ба ин мавзуъ
«ВАТАН-ШУКУҲАТ ПОБАРҶО». Дар Тоҷикистон озмуни қироати шеър ва маҳорати суханварӣ бо забонҳои хориҷӣ баргузор мегардад
Дар Душанбе масъалаи амалишавии гранти Хазинаи глобалӣ баррасӣ гардид
Барои интихоб ва ҷобаҷогузории кадрҳои роҳбарикунанда занону духтарони болаёқат ба забономӯзӣ ҷалб гардидаанд
Дар се моҳи соли 2024 дар ноҳияи Балҷувон 87 нафар ба нафақа баромаданд
«Сомон Эйр» дар масири Хуҷанд-Урумчӣ-Хуҷанд парвозҳои мустақим анҷом медиҳад