ЧЕМПИОНАТИ ҶАҲОН ОИД БА ГӮШТИНИ ДЗЮДО. Ҳарифони паҳлавонони тоҷик муайян шуданд
ДУШАНБЕ, 06.10.2022 /АМИТ «Ховар»/. Имрӯз дар шаҳри Тошканди Ҷумҳурии Узбекистон Чемпионати ҷаҳон оид ба гӯштини дзюдо оғоз мегардад. Дар ин бора шореҳи варзиши АМИТ «Ховар» бо истинод ба Федератсияи дзюдои Тоҷикистон хабар додааст.
Чемпионати ҷаҳон оид ба гӯштини дзюдо аз рӯи 14 вазн (7 вазн миёни мардҳо ва 7 вазн миёни бонувон) доир мегардад. Дар чемпионати ҷаҳон 563 варзишгар (305 мард, 258 зан) аз 85 кишвари ҷаҳон ширкат меварзанд.
Ҷумҳурии Тоҷикистонро дар Чемпионати ҷаҳон оид ба гӯштини дзюдо дар шаҳри Тошканд 9 паҳлавони шинохта намояндагӣ мекунанд. Дар вазни то 66 кг — Эмомалии Нуралӣ Тоҷикистонро намояндагӣ мекунад. Эмомалӣ дар даври аввал озод буда, дар даври 2-юм бо варзишгари кубагӣ – Орландо Поланко қувва месанҷад.
Дар вазни то 73 кг 51 варзишгар барои ба даст овардани медалҳои фахрӣ миёни ҳам мубориза мебаранд. Тоҷикистонро дар ин вазн Муҳаммадраҳим Сарахонов ва Беҳрӯз Хоҷазода намояндагӣ мекунанд. Муҳаммадраҳим Сарахонов шомили зергӯри «А» буда, дар даври аввал бо Нилс Стумп аз кишвари Швейтсария рӯи татамӣ мубориза мебарад. Беҳрӯз Хоҷазода бо варзишгари фаронсавӣ Аксус Бенҷамин дар даври аввал вомехӯрад.
47 дзюдочӣ дар вазни то 81 кг номнавис шудаанд. Дар ин вазн Шодмон Ризоев ва Сомон Маҳмадбеков шарафи Тоҷикистонро ҳимоя мекунанд. Шодмон дар даври аввад озод буда, дар даври дуюм бо Ашраф Моутил аз кишвари Марокаш қувва месанҷад. Сомон дар даври аввал бо Франкойс Гаузейр аз Канада рӯ ба рӯ мешавад.
Дар вазни то 90 кг 49 варзишгар ширкат меварзанд. Дар ин вазн Комроншоҳи Устопириён ва Ҷаҳонгир Маҷидов аз Тоҷикистон ширкат меварзанд. Комроншоҳ дар даври аввал бо варзишгари булғорӣ Ивайло Иванов рақобат мекунад. Ҷаҳонгир дар даври аввал озод буда, дар даври дуюм бо ғолиби ҷуфти Станислав Гунченко аз Украина ва Милан Рандл аз Словекия сабқат мекунад.
Дар вазни то 100 кг кишвари моро Абубакри Акобир муаррифӣ мекунад. Абубакр дар даври аввал озод буда, дар даври дуюм бо варзишгари номвари испанӣ Николоз Шеразадашвили қувваозмоӣ мекунад.
Миёни сангинвазнҳо (+100 кг) паҳлавони бомаҳорати тоҷик Темур Раҳимов ягона намоянда аз кишварамон аст. Темур дар даври аввал озод буда, дар даври дуюм бо ғолиби ҷуфти Мариус Физел аз Словекия ва Кристиан Коновал аз ИМА вомехӯрад.
Ёдовар мешавем, ки аз 6 то 13 октябр шаҳри Тошканди Ҷумҳурии Узбекистон мизбони Чемпионати ҷаҳон оид ба гӯштини дзюдо миёни калонсолон мегардад.
АКС: Федератсияи дзюдои Тоҷикистон
Ғолибони Мусобиқаи ҷумҳуриявӣ оид ба гӯштини ҷудо барои дарёфти Ҷоми Президенти Ҷумҳурии Тоҷикистон дар шаҳри Кӯлоб муайян шуданд
Дастаи футболи «Хуҷанд» бори шашум барандаи Ҷоми Тоҷикистон гардид
КФО-2026/27. Имрӯз «Истиқлол» ва «Регар-ТадАЗ» бозиҳои аввали худро дар марҳилаи гурӯҳӣ анҷом медиҳанд
Дар Тоҷикистон Форуми байналмилалии ҷавонони давлатҳои аъзои Созмони ҳамкории Шанхай баргузор шуд
Шаҳри Кӯлоб мизбони Ҷоми Президенти Ҷумҳурии Тоҷикистон оид ба гӯштини ҷудо мегардад
Дастаи «Сипар»-и Хуҷанд бори дуюм унвони чемпиони Ҷоми Тоҷикистон оид ба футзалро сазовор гардид
Рустами Эмомалӣ дар ноҳияи Дарвоз варзишгоҳи болопӯшидаи «Нури Модар Арена», майдони хурди футбол ва ҳавзи шиновариро мавриди истифода қарор доданд
Президенти Федератсияи футболи Тоҷикистон Рустами Эмомалӣ дар Дарвоз Академияи футболи Вилояти Мухтори Кӯҳистони Бадахшонро ифтитоҳ намуданд
Дар ноҳияи Мир Сайид Алии Ҳамадонӣ Фестивали бозиҳои миллии варзишӣ баргузор гардид
Дар вилояти Суғд ғолибони мусобиқаи вилоятӣ муайян гардиданд
Дастаи мунтахаби духтаронаи Тоҷикистон тими Амороти Муттаҳидаи Арабиро мағлуб намуд
Мусобиқаи байналмилалӣ оид ба камонварӣ ҷамъбаст гардид
