Дар Суғд истеҳсоли пойафзол ба 290,6 ҳазор ҷуфт расидааст, ки нисбат ба ҳамин давраи соли сипаригашта 21,2 фоиз зиёд аст
ДУШАНБЕ, 12.10.2022. /АМИТ «Ховар»/. Соли равон дар вилояти Суғд дар самти бунёди корхонаву коргоҳҳои дӯзандагӣ ва истеҳсоли пойафзол тадбирҳои муассир андешида шуд. Аз ҷумла, давоми 9 моҳи соли равон дар вилоят 12 корхонаю коргоҳи нави дӯзандагӣ бо 269 ҷойи нави корӣ ва 3 коргоҳи истеҳсоли пойафзол бо 46 ҷойи корӣ таъсис дода шуданд. Дар ин бора зимни баргузории маҷлиси фаъолони вилоят оид ба ҷамъбасти натиҷаҳои рушди иқтисодиву иҷтимоии вилоят дар нӯҳ моҳи соли 2022, ки 11 октябр дар мақомоти иҷроияи ҳокимияти давлатии вилоят таҳти раёсати Раиси вилояти Суғд Раҷаббой Аҳмадзода баргузор гардид, иттилоъ дода шуд.
Дар маҷлис гуфта шуд, ки тибқи нақша дар соли 2022 ба истифода додани 145 корхонаву коргоҳи нави саноатӣ бо 2904 ҷойи нави корӣ пешбинӣ гардида, давоми 9 моҳи соли 2022 дар миқёси вилоят 130 корхонаву коргоҳи нав бо 2685 ҷойи нави корӣ ба фаъолият шурӯъ намуданд.
Тазаккур дода шуд, ки дар корхонаҳои дӯзандагии вилоят дар ин давра ба маблағи 220,9 млн. сомонӣ маҳсулот истеҳсол шудааст, ки нисбат ба ҳамин давраи соли қаблӣ ба маблағи 27,0 млн. сомонӣ зиёд аст.
Зикр гардид, ки дар вилояти Суғд фаъолияти 10 корхонаю коргоҳи пойафзолдӯзӣ ба роҳ монда шуда, дар моҳҳои январ-сентябри соли равон истеҳсоли пойафзол ба 290,6 ҳазор ҷуфт расидааст, ки нисбат ба ҳамин давраи соли сипаригашта 50,9 ҳазор ҷуфт ё 21,2 фоиз зиёд аст.
Акс: мақомоти иҷроияи ҳокимияти давлатии вилояти Суғд
Дар шаҳри Бохтар лоиҳаи «Шаҳри бехатар» амалӣ мегардад
«ПОМИРИНВЕСТ-2026». Байни Мақомоти иҷроияи ҳокимияти давлатии шаҳри Хоруғ ва соҳибкорон 22 созишномаи ҳамкорӣ ба имзо расид
Ширкати «China Gezhouba Group» ба бунёди неругоҳҳои «Айнӣ» ва «Ёвон» дар ҳавзаи дарёи Зарафшон таваҷҷуҳ зоҳир намуд
Арзиши байналмилалии металлургияи миллӣ ва рушди истеҳсоли металлҳои сиёҳ дар Тоҷикистон
25 ИЮЛ — РӮЗИ КОРМАНДОНИ НАҚЛИЁТИ АВТОМОБИЛӢ. Дар Тоҷикистон ин нақлиёт дар самти боркашонӣ ва интиқоли мусофирон нақши калидӣ дорад
«ПОМИРИНВЕСТ-2026». Дар Форуми байналмилалии сармоягузорӣ 57 тафоҳумнома ба маблағи беш аз 6,5 миллиард сомонӣ ба имзо расид
Дар «Помиринвест-2026» иқтидори истеҳсолию саноатии Бадахшон муаррифӣ гардид
Ширкати ҳавопаймоии «Shohin Airlines» чор ҳавопаймои Airbus A320neo дастрас менамояд
Дар Душанбе ҷаласаи гурӯҳи кории техникӣ оид ба татбиқи Стратегияи рушди соҳаи алоқа доир шуд
«Стратегияи идоракунии партовҳои сахти маишӣ дар Ҷумҳурии Тоҷикистон барои давраи то соли 2040» ва «Маркази минтақавии идоракунии партовҳо дар шаҳри Душанбе» муаррифӣ гардид
Дар шаш моҳ ба Тоҷикистон дар ҳаҷми беш аз 5 миллиард доллар молу маҳсулот ворид гардидааст
Ҳаҷми умумии даромади буҷети давлатии Тоҷикистон 114,3 фоиз иҷро гардидааст
