ФОҶИАИ ДАҲШАТНОК ДАР ИНДОНЕЗИЯ. Қариб 180 нафар зимни танба дар бозии футбол ба ҳалокат расиданд

Октябрь 3, 2022 10:50

ДУШАНБЕ, 03.10.2022 /АМИТ «Ховар»/. Теъдоди мухлисони фавтидаи футбол дар варзишгоҳи Индонезия то ба 174 нафар расид, хабар медиҳад АМИТ «Ховар» бо истинод ба хабаргузории Reuters.

Қаблан хабар расида буд, ки 127 нафар, аз ҷумла  2 афсари пулис фавтида, 180 мухлиси футбол ҷароҳат бардоштаанд. Ба гуфтаи таҳлилгарон, ин яке аз фоҷиаҳои даҳшатнокест, ки дар майдонҳои футбол рух додаанд.

Фоҷиа баъд аз бозӣ миёни дастаҳои “Арема” ва “Персебой”, ки дар варзишгоҳи Канҷурухон дар Маланг баргузор шуд,  ба вуқуъ омадааст.

Бозӣ бо ғалабаи меҳмонон бо ҳисоби 3:2 анҷом ёфт. Пас аз садои ҳуштаки ниҳоӣ хадамоти амният футболбозони “Персебой”-ро аз майдон берун кард. Мухлисони мизбонон ба майдон баромаданд, миёни онҳо ва полис задухӯрд ба амал омад. Мухлисон ба сӯйи намояндагони хадамоти амният ашё партофтанд, онҳо бо калтакҳо ва норинҷакҳои дорои гази ашковар ҷавоб гардонданд.

Ин ҳодиса дар минбар ва майдон воҳима ба амал оварда, мухлисон ба гурехтан сар карданд, ки он сабаби танба гардид. Бисёре аз мухлисон афтода, зери пои тӯда монданд. Аз сабаби истифодаи гази ашковар аз ҷониби полис нафаскашии шумораи зиёди тамошобинон мушкил  шуд.

Президенти Индонезия Ҷоко Видодо дастур додааст, ки то анҷоми тафтишот ҳамаи бозиҳои футбол дар мамлакат лағв карда шаванд.

Ассотсиатсияи футболи Индонезия (PSSI) низ гуфтааст, ки тафтиши худро оғоз карда ва афзудааст, ки ин ҳодиса «чеҳраи футболи Индонезияро доғдор намуд».

                                        Акс: AFP

Октябрь 3, 2022 10:50

Хабарҳои дигари ин бахш

Масъалаи таъмини ҳифзи ҳуқуқи инсон дар Тоҷикистон дар партави стандартҳои аврупоӣ ва байналмилалӣ баррасӣ шуд
ҲАМЛА БА ПЕШРАФТ ВА ТАМАДДУН. Дар мактабе дар шимоли Афғонистон таркиш ба амал омада, 35 нафар кушта шуданд
Пентагон хабарро дар бораи нобуд кардани роҳбари ДИ* дар Сурия тасдиқ кард
Маъракаи даъвати тирамоҳии шаҳрвандони Тоҷикистон ба хизмати ҳатмии ҳарбӣ ба анҷом расид
НУҚТАИ САЙЁРИ МИЛИТСИЯ. Дар Суғд барои рушди ҳамкории милитсия ва ҷомеа чунин навгонӣ ба роҳ монда шуд
Дар Остона 32 шаҳрванди Тоҷикистонро дар шоҳроҳ наҷот доданд
МУШКИЛОТ ВА ТАҲДИДҲОЕ, КИ АЗ АФҒОНИСТОН САР МЕЗАНАНД. Дар Душанбе бори аввал даври даҳуми «Муколамаи амнияти Ҳирот» доир мегардад
Ҳайати Тоҷикистон дар иҷлосияи 25-уми Ассамблеяи генералии Созмони байналмилалии мудофиаи гражданӣ иштирок намуд
ЭҲТИЁТ-НИМИ ҲАЁТ! Мошини тамғаи «Киа Рио» бо сабаби суръати баланд аз баландии 6,35 метр сарозер шуд
АМАЛҲОИ МУШТАРАК БАР ЗИДДИ ТАҲДИДҲОИ ҶАҲОНӢ. Ҳайати Тоҷикистон дар конференсияи Фаронса иштирок дорад
Тоҷикистон ва Узбекистон нақшаи чорабиниҳоро ҷиҳати мубориза бо ҷиноятҳои иқтисодӣ ва коррупсия барои солҳои 2023-2024 ба имзо расониданд
Раёсати Бозрасии давлатии автомобилӣ амалиёти «Пиёдагард» роҳандозӣ намудааст