ФУТБОЛ. «Истиқлол» ва «Кӯктош» пас аз ғалаба ба финали Ҷоми Тоҷикистон -2022 роҳхат гирифтанд
ДУШАНБЕ, 17.10.2022 /АМИТ «Ховар»/. Бозиҳои ҷавобии марҳилаи нимниҳоии Ҷоми Тоҷикистон 2022 оид ба футбол дар сатҳи баланд баргузор шуданд. Дар ин бозиҳо дастаҳои футболи «Эсхата»-и шаҳри Хуҷанд бо «Истиқлол»-и шаҳри Душанбе дар шаҳри Хуҷанд ва «Кӯктош»-и ноҳияи Рӯдакӣ бо «Хатлон»-и шаҳри Бохтар дар ноҳияи Рӯдакӣ рақобат карданд, хабар медиҳад шореҳи варзиши АМИТ «Ховар» бо истинод ба Федератсияи футболи Тоҷикистон.
Дар варзишгоҳи «Спартак»-и шаҳри Хуҷанд миёни дастаҳои футболи «Эсхата»-и шаҳри Хуҷанд ва «Истиқлол»-и шаҳри Душанбе бозӣ хеле ҷолиб доир шуд. Вохӯрии ин ду даста бо натиҷаи мусовии 1 бар 1 хотима ёфт.
Ёдовар мешавем, ки бозии аввали даври нимниҳоии Ҷоми Тоҷикистон-2022 як моҳ пеш — 15 сентябр миёни дастаҳои футболи «Истиқлол»-и шаҳри Душанбе ва «Эсхата»-и шаҳри Хуҷанд бо ҳисоби 1 бар 0 ба нафъи дастаи «Истиқлол» дар Варзишгоҳи марказии шаҳри Ҳисор анҷом ёфта буд. Бинобар натиҷаи 2 бозӣ футболбозони дастаи футболи «Истиқлол»-и шаҳри Душанбе ба финали Ҷоми Тоҷикистон роҳ ёфтанд.
Бозии дигар дар варзишгоҳи «Нефтяник»-и ноҳияи Рӯдакӣ миёни дастаҳои футболи «Кӯктош»-и ноҳияи Рӯдакӣ ва «Хатлон»-и шаҳри Бохтар сурат гирифт. Дар ин вохӯрӣ соҳибони майдон бо ҳисоби 2 бар 1 зафар ёфтанд. Бозии аввали ин ду даста бидуни гол хотима ёфта буд.
Ҳамин тавр, дар финал дастаҳои футболи «Истиқлол»-и шаҳри Душанбе ва «Кӯктош»-и ноҳияи Рӯдакӣ барои ба даст овардани Ҷоми Тоҷикистон 2022 миёни ҳам мубориза мебаранд. Вохӯрии ниҳоӣ 29 октябр дар варзишгоҳи «Пахтакор»-и шаҳри Бохтар доир мегардад.
Ҷоми Тоҷикистон-2022
1/2 ниҳоӣ. Бозиҳои ҷавобӣ
15 октябр (шанбе)
«Эсхата» 1:1 «Истиқлол» (бозии аввал: 0:1)
Голҳо: Олимҷон Каримов, 55 худгол (0:1). Дилшод Бозоров, 77 (1:1).
Хуҷанд, варзишгоҳи «Спартак», 1500 тамошобин
«Кӯктош» 2:1«Хатлон» (бозии аввал: 0:0)
Голҳо: Сорбон Ғиёсов, 5 (1:0). Жан Гатен НД, 8 (1:1). Муҳаммад Гулаев, 37 (2:1).
Рӯдакӣ, варзишгоҳи «Нефтяник», 5 000 тамошобин
АКС: Федератсияи футболи Тоҷикистон
ҶОМИ ОСИЁ-2027. Дастаи мунтахаби духтаронаи Тоҷикистон (U-17) бо тими Урдун мусовӣ бозӣ кард
Дар Сафорати Тоҷикистон дар Салтанати Умон бо дастаи мунтахаби олимпии футболи Тоҷикистон вохӯрӣ доир шуд
Дар Ҷамоати деҳоти Роҳатии ноҳияи Рӯдакӣ иншооти нави таълимию варзишӣ ба истифода дода шуданд
Дар вилояти Хатлон беш аз 40 мактаби варзишӣ фаъолият дорад
Дастаи мунтахаби наврасони Тоҷикистон (U-17) бо дастаи Русия бозии дӯстона анҷом медиҳад
ФУТБОЛ. Дастаи мунтахаби Тоҷикистон омодагиро ба бозӣ бо мунтахаби Чин оғоз намуд
ФУТБОЛ. Дастаи мунтахаби олимпии Тоҷикистон (U-23) бо ҳамсолони худ аз Умон ду бозии дӯстона анҷом медиҳад
Дар ноҳияи Мурғоб майдончаҳои нави варзишӣ ба истифода дода шуданд
«ФУТБОЛ — ОМИЛИ ВАҲДАТ ВА ҲАМДИЛИИ ҶАВОНОН». Байни устодону кормандони Донишгоҳи миллии Тоҷикистон мусобиқаи футболи хурд доир гардид
Ҷудокорони тоҷик ҳангоми ба даст овардани медалҳои Бозиҳои Осиёӣ бо ҷоизаҳои пулӣ қадрдонӣ мешаванд
Ба ғолибону ҷоизадорони Бозиҳои Осиёӣ-2026 Ҷоизаи Президенти Ҷумҳурии Тоҷикистон дода мешавад
Имрӯз дастаи мунтахаби Тоҷикистон оид ба футбол бо дастаи мунтахаби Озарбойҷон бозии дӯстона доир менамояд
