Мизбони Ҷоми Осиё-2024 оид ба футбол миёни дастаҳои олимпӣ эълон шуд
ДУШАНБЕ, 02.10.2022 /АМИТ «Ховар»/. Кумитаи мусобиқоти Конфедератсияи футболи Осиё (AFC) дар ҷаласаи панҷуми худ, ки 30 сентябр дар Куала-Лумпури Малайзия баргузор шуд, Қатарро ба ҳайси мизбони Ҷоми Осиё-2024 миёни ҷавонони то 23-сола тавсия дод. Дар ин бора АМИТ «Ховар» бо истинод ба Кумитаи миллии олимпии Тоҷикистон хабар медиҳад.
Пас аз раванди ҳамаҷонибаи арзёбии дархостҳо Қатар, ки моҳи ноябри соли равон мизбони Ҷоми ҷаҳон оид ба футбол-2022 хоҳад буд, аз байни панҷ довталаб — Эрон, Арабистони Саудӣ, Аморати Муттаҳидаи Араб ва Узбекистон мизбони Ҷоми Осиё-2024 интихоб гардид. Дар Ҷоми Осиё-2024 се дастаи беҳтарин ба Бозиҳои олимпии Париж-2024 роҳхат мегиранд. Инчунин як дастаи дигар барои роҳхати чорум дар бозии байниқитъавӣ талош мекунад.
Бо дарназардошти коҳиш ёфтани таъсири пандемия дар саросари Осиё Кумитаи мусобиқот ба Кумитаи иҷроияи AFC тавсия дод, ки амали Қоидаҳои махсуси марбут ба мусобиқаҳои AFC дар давраи пандемияи Ковид-19-ро аз соли 2023 қатъ кунад.
Барои эътибор пайдо кардани тавсияҳо қарорҳо бояд аз ҷониби Кумитаи иҷроияи AFC тасдиқ карда шаванд.
АКС: КМО Тоҷикистон
Дар ноҳияи Шаҳринав Маркази рушди бокс ва майдони варзишӣ ба истифода дода шуд
Дар деҳаи Себистони ноҳияи Данғара майдончаи варзишӣ ба истифода дода шуд
Дастаи мунтахаби Тоҷикистон оид ба футбол дар раддабандии нави ФИФА мақоми 101-умро соҳиб гардид
Дар Бадахшон лигаи волейбол байни мардон оғоз гардид
Дастаи мунтахаби Тоҷикистон оид ба футбол дар бозии дӯстона тими миллии Ҳиндустонро мағлуб кард
Варзишгар аз Тоҷикистон Абдулмаҷид Кудиев дар Узбекистон медали тиллоро сазовор шуд
ФУТБОЛ. Дастаи олимпии Тоҷикистон (U-23) бо ҳамсолони худ аз Чин бозиҳои дӯстона баргузор мекунад
Ғолибони Чемпионати Осиё оид ба бокс қадрдонӣ карда шуданд
Ҳайати дастаи мунтахаби Тоҷикистон оид ба футбол барои бозиҳои дӯстона бо тими мунтахаби Ҳиндустон муайян гардид
ФУТБОЛ. Дастаи мунтахаби Тоҷикистон бо тими мунтахаби Ҳиндустон бозиҳои дӯстона анҷом медиҳад
Дар Ёвон гулгашти фарҳангию фароғатӣ бо муҷассамаи «Рамзи футбол» ба истифода дода шуд
Дар деҳаи ба номи Иброҳим Бозорови шаҳри Турсунзода бахшида ба Рӯзи ҷаҳонии футбол майдони варзишии «Ҳумо Арена» ифтитоҳ ёфт
