Пешвои миллат Эмомалӣ Раҳмон дар шаҳри Турсунзода бинои нави Муассисаи таҳсилоти миёнаи умумии №92-ро мавриди баҳрабардорӣ қарор доданд

Октябрь 3, 2022 11:12

ДУШАНБЕ, 03.10.2022 /АМИТ «Ховар»/. 3 октябр Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар деҳоти Ҷӯра Раҳмонови шаҳри Турсунзода бинои нави Муассисаи таҳсилоти миёнаи умумии рақами 92 ба номи Камолиддин Мадумаровро ба истифода доданд.

Бинои нави таълимӣ бо ҷонибдорӣ аз сиёсати бунёдкорона ва маорифпарваронаи роҳбарияти олии сиёсии Ҳукумати Ҷумҳурии Тоҷикистон бо тарҳи муосир барои 1300 нафар хонанда дар ду баст бунёд ёфтааст.

Лоиҳаи бинои мактаб аз ҷониби Ҷамъияти дорои масъулияти маҳдуди “Арк Лоиҳа” таҳия гардида, корҳои сохтмониро мутахассисони маҳаллӣ дар муҳлати муайянгардида бо сифати баланд анҷом додаанд.

Масоҳати умумии замини иншоот 37 садякро дар бар мегирад ва худи бинои таълимӣ дар майдони 765 метри мураббаъ қомат афрохтааст.

Иншооти нави таълимӣ аз ду ошёна иборат буда, дорои 24 синфхона, аз ҷумла синфхонаҳои муҷаҳҳази фани химия, физикаю биология бо озмоишгоҳҳо, математика, технологияи иттилоотӣ ва таълими меҳнат мебошад.

Ҳамчунин дар бинои нави таълимӣ барои роҳбарият ва омӯзгорон ҳуҷраҳои корӣ бо тамоми шароити зарурӣ таъсис дода шудаанд.

Барои таълиму тарбияи хонандагон дар рӯҳияи ватандӯстиву хештаншиносӣ 38 нафар омӯзгори ботаҷриба ба кор ҷалб гардидаанд.

Даргоҳи нави маърифат ҳамчунин дорои майдончаи варзишии тобистона, толори барҳавои варзишӣ бо 250 ҷойи нишаст ва ошхона барои хонандагону омӯзгорон мебошад.

Бинои муассисаи таълимӣ бо ҷонибдорӣ аз сиёсати созандаи Ҳукумати мамлакат дар доираи тадбирҳои ободонӣ ба истиқболи ҷашни 35-солагии Истиқлолияти давлатии Ҷумҳурии Тоҷикистон аз ҷониби соҳибкори маҳаллӣ, роҳбари Хоҷагии деҳқонии “Боғи Сомон” Муҳаммадамин Камолов сохта шудааст.

Китобхонаи муассисаи таълимӣ бо адабиёти зиёди дарсӣ ва бадеӣ таъмин буда, хонандагон имкон доранд бо истифода аз чунин шароит барои иштироки фаъолона дар озмунҳои гуногун ҳамаҷониба омода шаванд.

Иншоот дорои маркази дохилии гармидиҳӣ буда, тамоми синфхонаҳо дар айёми сардиҳо бо гармӣ пурра таъмин мегарданд.

Пешвои миллат муҳтарам Эмомалӣ Раҳмон аснои шиносоӣ бо имконияту шароити донишомӯзӣ дар иншооти тозабунёд ба сифати корҳои сохтмонӣ баҳои баланд доданд ва масъулонро ҷиҳати равона намудани талоши бештар барои беҳтар намудани сифати таълиму тарбия ва таҳкими ғояҳои ватандӯстиву худшиносии насли наврас ҳидоят намуданд.

Ифтитоҳи бинои нави таълимӣ барои аҳолии 2500-нафараи деҳаи Янгибоғи деҳоти Ҷӯра Раҳмонови шаҳри Турсунзода, ки то имрӯз фарзандонашон дар мактаби деҳаи Заркамар таҳсил мекарданд, туҳфаи арзишманд маҳсуб мешавад.
Ифтитоҳи бинои нави Муассисаи таҳсилоти миёнаи умумии №92 дар шаҳри Турсунзода 03.10.2022

Октябрь 3, 2022 11:12

Хабарҳои дигари ин бахш

Президенти Ҷумҳурии Тоҷикистон Эмомалӣ Раҳмон дар шаҳри Бӯстон тарабхонаи “Кайҳон”-ро  ифтитоҳ намуданд
Сарвари давлат Эмомалӣ Раҳмон меҳмонхонаи панҷошёнаи “Кайҳон”-и ҶСК  “Фурудгоҳи байналмилалии Хуҷанд”-ро ба истифода доданд
Пешвои миллат Эмомалӣ Раҳмон дар шаҳри Бӯстон корхонаи истеҳсоли газаблоки “Хишти муосири аълосифат”-ро ифтитоҳ намуданд
Президенти Ҷумҳурии Тоҷикистон Эмомалӣ Раҳмон Мактаби санъати шаҳри Бӯстонро мавриди баҳрабардорӣ қарор доданд
Сарвари давлат Эмомалӣ Раҳмон дар шаҳри Хуҷанд якчанд корхонаю коргоҳҳои ҶДММ Сирдарёро ифтитоҳ намуданд
Пешвои миллат Эмомалӣ Раҳмон бинои Факултети №4-и Академияи Вазорати корҳои дохилиро дар шаҳри Хуҷанд ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар шаҳри Хуҷанд корхонаи коркарди меваю сабзавоти ҶДММ «ДороАртФуд»-ро ба истифода доданд
Сарвари давлат Эмомалӣ Раҳмон дар деҳаи Басманда хатти оби полезиро ифтитоҳ намуданд ва бо лоиҳаи заминҳои кишти картошкаи ноҳияҳои Деваштич, Кӯҳистони Мастчоҳ ва Шаҳристон шинос шуданд
Пешвои миллат Эмомалӣ Раҳмон дар деҳаи Басмандаи ноҳияи Деваштич муассисаи таҳсилоти томактабии №6-ро ба истифода доданд
Президенти Ҷумҳурии Тоҷикистон Эмомалӣ Раҳмон дар ноҳияи Деваштич 5 кӯдакистон, муассисаи таълимӣ, толори варзишӣ ва бинои маъмурии Кумитаи иҷроияи ноҳиявии ҲХДТ-ро ба таври фосилавӣ ифтитоҳ намуданд
Сарвари давлат Эмомалӣ Раҳмон дар ноҳияи Деваштич Коргоҳи дӯзандагӣ ва қолинбофии “Ёсуман”-ро ифтитоҳ намуданд
Пешвои миллат Эмомалӣ Раҳмон дар ноҳияи Деваштич Коргоҳи пойафзол ва маводи шустушӯии «Раҳматулло»-ро ифтитоҳ намуданд