Прокурори генералии Тоҷикистон Юсуф Раҳмон бо Прокурори генералии Беларус Андрей Швед мулоқот намуд
ДУШАНБЕ, 14.10.2022 /АМИТ «Ховар»/. 12 октябр дар Прокуратураи генералии Ҷумҳурии Тоҷикистон мулоқоти Прокурори генералии Ҷумҳурии Тоҷикистон Юсуф Раҳмон бо Прокурори генералии Ҷумҳурии Беларус Андрей Швед баргузор гардид, ки зимни он паҳлӯҳои мухталифи ҳамкорӣ доир ба пешгирии ҷиноятҳои муташаккили фаромиллӣ, муқовимат бо терроризм ва экстремизм баррасӣ карда шуданд.
Тавре ба АМИТ «Ховар» дар Прокуратураи генералӣ хабар доданд, зимни мулоқоти дуҷонибаи муштарак миёни прокурорҳои генералии ду кишвар робитаҳои зич ва муҳими мақомоти прокуратураи кишварҳо ва ҳамкории дуҷониба махсус таъкид карда шуд.
Ҷонибҳо зимни мулоқот паҳлӯҳои мухталифи ҳамкориро дар самти пешгирии ҷиноятҳои муташаккили фаромиллӣ, муқовимат бо терроризм ва экстремизм, таъмини амнияти миллию минтақавӣ, пешгирии фаъолияти созмонҳои ифротгароиву террористӣ миёни аҳолӣ, бахусус миёни муҳоҷирони корӣ, аз байн бурдани хатарҳои мавҷудаи дохилӣ, мубодилаи таҷрибаи тарафайн, инчунин ба роҳ мондани ҳамкории дуҷонибаи ҳуқуқӣ ва фарҳангӣ баррасӣ намуданд.
Дар ҷараёни вохӯрӣ ҳамчунин ҳамкории мақомоти прокуратураҳои кишварҳо дар самти тафтиши муштараки парвандаҳои ҷиноятӣ, андешидани тадбирҳои фаврӣ-ҷустуҷӯӣ, эътирофи ташкилоти хатарзо ҳамчун террористӣ дар қаламрави якдигар ва инчунин дигар масъалаҳои муҳими соҳа мавриди баррасӣ қарор гирифтанд.
Мулоқоти дуҷонибаи Прокурори генералии Ҷумҳурии Тоҷикистон Юсуф Раҳмон бо Прокурори генералии Ҷумҳурии Беларус Андрей Швед дар рӯҳияи дӯстона, ҳусни тафоҳум ва ҳамдигарфаҳмӣ анҷом ёфт.
АКС: Прокуратураи генералии Ҷумҳурии Тоҷикистон
Терроризм ва экстремизм хатари минтақавию байналмилалӣ дорад
ТАҒЙИРУ ИЛОВАҲО БА КОДЕКСИ ҲУҚУҚВАЙРОНКУНИИ МАЪМУРӢ. Дар ду соли охир дар садамаҳои роҳу нақлиёт зиёда аз ҳазор нафар ба ҳалокат расидааст
Прокурори генералии Тоҷикистон бо Сафири Иттиҳоди Аврупо масоили марбут ба ҳамкорӣ дар соҳаи амниятро баррасӣ намуд
Дар Бадахшон мусобиқаи варзишӣ аз намуди футбол байни сохторҳои қудратӣ ҷамъбаст гардид
Дар Вазорати мудофиаи Тоҷикистон Рӯзи Қувваҳои Мусаллаҳро бо шаҳомати хосса таҷлил намуданд
Дар Вазорати корҳои дохилӣ ба муносибати Рӯзи таъсиси Қувваҳои Мусаллаҳи Тоҷикистон ҳамоиш доир шуд
Бахшида ба Рӯзи Қувваҳои Мусаллаҳ дар Раёсати Вазорати корҳои дохилӣ дар шаҳри Душанбе ҳамоиш доир шуд
Дар Душанбе Рӯзи Қувваҳои Мусаллаҳи Тоҷикистон бошукуҳ таҷлил гардид
Қувваҳои Мусаллаҳ — сипари боэътимоди давлату миллат ва ҳифзи амнияту субот
Бахшида ба Рӯзи таъсиси Қувваҳои Мусаллаҳи Тоҷикистон дар Душанбе ҳамоиши тантанавӣ доир шуд
ҚУВВАҲОИ МУСАЛЛАҲИ ҶУМҲУРИИ ТОҶИКИСТОН. Он на танҳо сохтори низомӣ, балки рамзи мавҷудияту бақои давлат аст
Президенти Тоҷикистон: «Фидокорию ҷонбозиҳои афсарону сарбозони шуҷои Ватан ҳаргиз фаромӯш намешавад»
