Роҳбари ТУТ: Барои хотима додан ба пандемияи COVID-19 ҳадди ақалл 70 фисади аҳолӣ бояд эм карда шавад
ДУШАНБЕ, 11.10.2022 /АМИТ «Ховар»/. Кишварҳо бояд талош ба он дошта бошанд, ки 70 фоизи аҳолии худро бо ваксинаҳои зидди сирояти коронавирус фаро гиранд. Дар ин бора директори генералии Ташкилоти умумиҷаҳонии Тандурустӣ Тедрос Аданом Гебрейесус дирӯз, 10 октябр дар нишасти 69-уми Кумитаи ТУТ барои кишварҳои Шарқи Миёназамин изҳор намуд, хабар медиҳад АМИТ «Ховар» бо истинод ба хадамоти матбуоти ташкилоти умумиҷаҳонӣ.
«Барои пурра бартараф кардани пандемия мо бояд ҳадди ақалл 70 фоизи аҳолии ҷаҳонро эм кунем ва ин раванд бояд то замони вохӯрии навбатӣ, ки соли оянда дар Олмон доир мегардад, анҷом дода шавад. Инро метавон бо кумаки «ҳафтгонаи бузург» ва «бистгонаи бузург» амалӣ намуд. Барои ин ба мо 11 миллиард вояи ваксина зарур аст»,-гуфт ӯ.
«Мо ваъдаҳои саховатмандонаи шуморо оид ба таъмини ваксинаҳо истиқбол мекунем. Сипос. Аммо ба мо бештар ва ҳарчӣ зудтар заруранд»,-иброз дошт Тедрос. Ӯ афзуд, ки амалан ваксинаҳо бояд тавассути ташаббуси COVAX тақсим карда шаванд. Вале ҳамчунин, ба гуфтаи ӯ, зарур аст баҳри истеҳсоли васеи онҳо аз ҳисоби интиқоли технологӣ ба кишварҳои фақир талош кард ва аз ҳуқуқи моликияти зеҳнӣ даст кашид.
Ба гуфтаи ӯ, ҷаҳон ҳоло дар ҳолати хубе барои хотима додан ба пандемияи COVID-19 қарор дорад. «Вале мо ҳанӯз ҳам ба интиҳои он нарасидаем, ҳоло мо дар нақб ҳастему ҳанӯз монеаҳои бисёре мавҷуданд, ки агар боэҳтиёт амал накунем, роҳи моро душвор мегардонанд»,-хулоса кард директори генералӣ.
Роҳбари ТУТ даъват кард, ки барои аз пандемияҳои навбатӣ наҷот додани ҷаҳон бояд аз буҳрони кунунӣ сабақ гирифта шавад. Вай гуфт, ки ҳоло муҳим- ноил шудан ба ҳамбастагӣ ва ба роҳ мондани табодули маълумот, иттилоот, захираҳо, технологияҳо ва тамоми таҷҳизоте мебошад, ки барои ҳар кишвар ҷиҳати таъмини амнияти мардуми худ заруранд.
Роҳбари Ташкилоти умумиҷаҳонии тандурустӣ пешниҳод кард, ки барои баланд бардоштани омодагӣ ба чунин пандемияҳо ва таҳкими ҳамкорӣ дар ошкор кардани манбаъҳои ангезандаҳои нав «созишномаи байналмилалӣ — шартнома ё конвенсия» баста шаванд.
То 7 октябр ба ТУТ оид ба 617 597 680 ҳолати гирифторӣ ба коронавирус аз оғози пандемия ва 6 532 705 ҳолати фавт маълумот расидааст. Аз 26 сентябр то 2 октябр дар ҷаҳон шумораи сироятёбӣ нисбат ба ҳафтаи гузашта 6 фоиз ва фавтидагон 12 фоиз кам шудааст.
АКС: СММ/ Э.Шнейдер
Президенти Ҷумҳурии Тоҷикистон Эмомалӣ Раҳмон бо медали «Барои хизматҳо дар рушди ҳамкории башардӯстона» сарфароз гардонида шуданд
ТОҶИКИСТОН — МИЗБОНИ ЧОРАБИНИҲОИ МУҲИМИ БАЙНАЛМИЛАЛӢ. Интихоби Душанбе чун макони баргузории ин чорабиниҳои муҳим ба таҷриба, эътибор ва нуфузи байналмилалии мамлакат асос ёфтааст
Вуруди Резервати биосферии «Ромит» ба Шабакаи ҷаҳонии мамнуъгоҳҳои ЮНЕСКО — рӯйдоди муҳим дар соҳаи экологии Тоҷикистон
ДИПЛОМАТИЯИ ТОҶИКИСТОН: АЗ СУХАНРОНИИ ТАЪРИХӢ ТО ТАШАББУСҲОИ ГЛОБАЛӢ. Эҳдо ба Рӯзи кормандони хизмати дипломатии Тоҷикистон
Президенти Тоҷикистон: «Таъсиси Маркази минтақавии зеҳни сунъиро дар шаҳри Душанбе салоҳи кор мешуморем»
Пиряхҳо ва дигар манбаъҳои обии Тоҷикистон то 60 фоизи захираҳои оби Осиёи Марказиро ташкил медиҳанд
Тоҷикистон дар соҳаи дипломатияи об мавқеи фаъол дорад
Тоҷикистон аз пайомадҳои манфии раванди тағйирёбии иқлим нигарон мебошад
Эмомалӣ Раҳмон: «Қатъномаи махсуси СММ оид ба эълон кардани «Даҳсолаи таҳкими сулҳ ба хотири наслҳои оянда» мавриди баррасӣ қарор дода шавад»
Президенти Тоҷикистон: «Маҷмаи Умумии СММ имконияти эълон намудани Соли байналмилалии маърифати ҳуқуқиро мавриди баррасӣ қарор диҳад»
Муҳаммадҷаъфари Ёҳаққӣ: «Мо раҳбари хирадмандеро меситоем, ки дасти як миллатро бар «Шоҳнома»-и устоди Тӯс кушода кард»
Бо пешниҳоди Тоҷикистон 14 қатъномаи Маҷмаи Умумии СММ оид ба масъалаҳои обу иқлим қабул гардид
