«РУБЕЖ-2022». Дар Тоҷикистон марҳилаи фаъоли машқҳои муштарак оғоз ёфт
ДУШАНБЕ, 18.10.2022 /АМИТ «Ховар»/. 17 октябр дар машқгоҳи «Ҳарбмайдон»-и Тоҷикистон марҳилаи фаъоли тамриноти муштараки «Рубеж-2022» оғоз шуд, ки то 21 октябр идома меёбад. Дар ин бора ба АМИТ «Ховар» дар Вазорати мудофиаи Ҷумҳурии Тоҷикистон хабар доданд.
Мавзӯи машқҳо «Омодагӣ ва гузаронидани амалиёти ҷангӣ аз ҷониби Неруҳои дастҷамъонаи зудамали минтақаи Осиёи Марказӣ (НДЗ МОМ) барои нест кардани гурӯҳҳои мусаллаҳи ғайриқонунӣ, ки ба қаламрави кишварҳои узви СААД ворид шудаанд», мебошад.
Дар маросими ифтитоҳи машқҳо Сардори Ситоди генералии Қувваҳои Мусаллаҳ — муовини аввали Вазири мудофиаи Ҷумҳурии Тоҷикистон Эмомалӣ Собирзода, сардори ситоди муштараки СААД Анатолий Сидоров, муовини Котиби генералии СААД Тоҳир Хайруллоев ва намояндагони неруҳои мусаллаҳи кишварҳои узви минтақаи Осиёи Марказӣ дар амнияти дастҷамъии СААД иштирок намуданд.
Дар тамринҳо ҳайати низомии кишварҳои узви минтақаи Осиёи Марказии СААД, гурӯҳҳои фаврии ситоди муштарак ва Котиботи СААД ширкат доранд.
Теъдоди умумии ширкаткунандагони тамринҳо дар Тоҷикистон ҳудуди 1000 нафарро ташкил дода, ба он беш аз 300 воҳиди техникаи низомӣ ва вижа, аз ҷумла ҳавопаймоҳо, чархболҳо ва ҳавопаймоҳои бесарнишин ҷалб карда шудаанд.
Зикр гардид, ки вазифаҳои асосии Неруҳои зудамали дастҷамъонаи минтақаи Осиёи Марказӣ ширкат дар рафъи таҷовузи ҳарбии берунӣ ва гузаронидани амалиёти муштараки зиддитеррористӣ маҳсуб мешаванд.
Иҷрои вазифаҳои мазкур дар шакли иҷрои нақшаи ягона ва амалиёти муштараки низомию махсус, амалиёти ҷангии Неруҳои зудамали дастҷамъонаи минтақаи Осиёи Марказӣ амалӣ карда мешавад.
АКС: Вазорати мудофиаи ҶТ
Натиҷаҳои даъвати шаҳрвандон ба сафи Қувваҳои Мусаллаҳи Тоҷикистон ҷамъбаст гардиданд
ФАРЗАНДОНИ ХУДРО БЕНАЗОРАТ НАГУЗОРЕД! Ҳангоми шиноварӣ қоидаҳои бехатариро бояд риоя намуд
Ҳайати Тоҷикистон дар ҷаласаи вазирони корҳои дохилии давлатҳои аъзои СҲШ дар Бишкек иштирок намуд
Тоҷикистон ва Эрон ҳамкориро дар самти мубориза бар зидди ҷиноятҳои муташаккили фаромиллӣ тақвият мебахшанд
Эмомалӣ Собирзода дар ҷаласаи Шурои вазирони мудофиаи кишварҳои аъзои Созмони Аҳдномаи амнияти дастҷамъӣ иштирок кард
РӮЗИ КОРМАНДОНИ МАҚОМОТИ НАЗОРАТИ МАВОДИ НАШЪАОВАР. Ба ин муносибат ҷаласаи тантанавӣ баргузор гардид
Таҳти унвони «Нақши зеҳни сунъӣ дар рушди Қувваҳои Мусаллаҳ» конференсияи ҷумҳуриявии илмӣ-ҳарбӣ доир шуд
Раёсати ВКД дар вилояти Хатлон: «Таътили тобистона бояд ба давраи тарбия, донишандӯзӣ ва истироҳати солим табдил ёбад»
Юсуф Раҳмон дар Форуми байналмилалии амният ва Вохӯрии байналмилалии намояндагони воломақом иштирок намуд
РӮЗИ ҚӮШУНҲОИ САРҲАДӢ. Афсарону сарбозони ин ниҳод рисолати фарзандии худро дар назди Ватан – Модар ва халқу давлат бо сарбаландӣ адо менамоянд
Котиби Шурои амнияти Тоҷикистон дар Вохӯрии котибони шуроҳои амният дар қолаби «Осиёи Марказӣ – Русия» иштирок намуд
Юсуф Раҳмон дар ҷаласаи Кумитаи котибони шуроҳои амнияти Созмони Аҳдномаи амнияти дастҷамъӣ иштирок намуд
