ТАСС: Душанбе ва Минск дар бахшҳои соҳибкорӣ ва маориф 48 созишнома ба имзо расониданд
ДУШАНБЕ, 12.10.2022 /АМИТ «Ховар»/. Тоҷикистон ва Беларус дар бахши соҳибкорӣ ва маориф 48 санади ҳамкорӣ ба имзо расониданд. Маросими имзои созишномаҳо аз рӯи натиҷаҳои форуми тиҷоратии муштараки намояндагони ду кишвар, ки рӯзи сешанбе дар Душанбе баргузор шуд, сурат гирифт, иттилоъ медиҳад хабарнигори ТАСС.
Форуми соҳибкории Тоҷикистон ва Беларус, ки фарогири намояндагони доираҳои соҳибкорӣ, бахшҳои дахлдор, роҳбарони донишгоҳҳои Тоҷикистону Беларус буда, ҷиҳати иштирок дар он аз Беларус ҳайати иборат аз 150 нафар омада буд, дар шаҳри Душанбе доир гардид. Аз рӯи натиҷаҳои форум роҳбарони корхонаҳо ва ширкатҳои мухталифи Тоҷикистон ва Беларус 20 созишномаи ҳамкорӣ, аз ҷумла дар бораи таъсиси корхонаҳои муштарак, воридоти трактору дигар мошинҳо барои кишоварзӣ, коммуналӣ ва истеҳсоли маҳсулоти ғизоӣ ба имзо расониданд.
Тавре Президенти Беларус Александр Лукашенко баъдан ба хабарнигорон гуфт, ҳаҷми созишномаю қарордодҳои басташуда қариб 50 миллион долларро ташкил додааст. Илова бар ин, ректорон ва намояндагони муассисаҳои таҳсилоти олии ду кишвар 28 созишнома дар бораи ҳамкорӣ дар соҳаи маориф ва илм ба имзо расониданд.
Иштирокчиёни форум масъалаҳои ҳамкории тиҷоративу иқтисодии ду кишварро баррасӣ карданд. Аз ҷониби Тоҷикистон самтҳои асосии рушди иқтисоди кишвар, иқтидори сармоягузории он, имконияти фаъолият дар минтақаҳои озоди иқтисодӣ, ки роҳбарони идораҳои дахлдор оид ба онҳо ибрози назар карданд, муаррифӣ гардид.
Намояндагони ҳайати Беларус инчунин оид ба дурнамои ҳамкории ҷонибҳо дар соҳаҳои гуногун, аз ҷумла, иқтисоди рақамӣ, технологияҳои IT, кишоварзӣ ва бонкдорӣ мубодилаи афкор намуданд. Дар доираи форум намоишгоҳи «Made in Belarus» доир гашт, ки дар он маҳсулоти истеҳсолкунандагони Беларус, ҳамчунин имконияти таълимӣ дар донишкадаҳои олии Беларус намоиш дода шуданд. Соҳибкорони тоҷик дар формати B2B бо намояндагони беш аз 30 ширкати иштирокчии намоишгоҳ мулоқоту музокирот анҷом доданд.
Созмондиҳандагони чорабинӣ Палатаи савдо ва саноати Тоҷикистон ва Беларус, Кумитаи давлатии сармоягузорӣ ва идораи амволи давлатии Ҷумҳурии Тоҷикистон буданд. Намоишгоҳи истеҳсолкунандагони беларусӣ рӯзи чоршанбе корашро идома медиҳад.
АКС: «БелТА»
Дар Душанбе ҷашни Тиргон бо баргузории иди зардолу ва намоиши «Хушкмеваҳои Тоҷикистон» таҷлил карда шуд
Ҷашни Тиргон асоси илмиву таърихӣ ва фарҳангиву маънавӣ дорад
Имрӯз дар «Боғи Ирам» ҷашни Тиргон, иди зардолу ва намоиши «Хушкмеваҳои Тоҷикистон» баргузор мешаванд
Дар Тоҷикистон боғи зардолу чанд гектарро ташкил медиҳад?
Дар Агентии назорати давлатии молиявӣ ва мубориза бо коррупсия Рӯзи Ваҳдати миллиро ботантана ҷашн гирифтанд
Пагоҳ дар Душанбе ҷашни Тиргон бо баргузории иди зардолу ва намоиши «Хушкмеваҳои Тоҷикистон» таҷлил мегардад
Дар Бизнес-форуми Бонки Авруосиёии рушд афзалиятҳои сармоягузории Тоҷикистон муаррифӣ карда шуд
Вилояти Хатлон дар шаҳри Алмаатои Қазоқистон намоиш-фурӯши маҳсулоти кишоварзӣ ва ҳунарҳои мардумӣ баргузор менамояд
Дар Намоишгоҳи байналмилалии ЭКСПО-и «Чин — Авруосиё» гӯшаи Тоҷикистон ташкил карда шуд
Дар «Саноатсодиротбонк» Рӯзи Ваҳдати миллиро таҷлил намуданд
Дар Агентии авиатсияи гражданӣ бахшида ба Рӯзи Ваҳдати миллӣ ҳамоиши идона баргузор гардид
Ба ифтихори Рӯзи Ваҳдати миллӣ дар Кумитаи ҳифзи муҳити зист ҳамоиши тантанавӣ баргузор шуд
