«16 РӮЗИ МУБОРИЗА БАР ЗИДДИ ХУШУНАТ». Дар Донишгоҳи давлатии ҳуқуқ, бизнес ва сиёсати Тоҷикистон ҳамоиш доир шуд

Ноябрь 30, 2022 13:12

ДУШАНБЕ, 30.11.2022 /АМИТ «Ховар»/. 29 ноябр дар Донишгоҳи давлатии ҳуқуқ, бизнес ва сиёсати Тоҷикистон бо мақсади пешгирии пошхӯрии оилаҳо ва мубориза бар зидди хушунати оилавӣ дар доираи маъракаи иттилоотии «16 рӯзи мубориза бар зидди хушунат» ҳамоиш доир гардид. Дар ин бора ба АМИТ «Ховар» дар шуъбаи таҳлил ва робита бо ҷомеаи Донишгоҳи мазкур хабар доданд.

Роҳбарону намояндагони идораву ташкилоти дахлдор дар мавриди сабабу омилҳои ба хушунат гирифтор шудани занону бонувон ва роҳҳои пешгирии он ибрози андеша карданд.

Зикр шуд, ки маъракаи иттилоотии «16 рӯзи мубориза бар зидди хушунат» дар тамоми кишварҳо бо қарори махсуси СММ 25 ноябр оғоз гардида, 10 декабр анҷом меёбад. Ҳамзамон 1 декабр ҳамчун Рӯзи умумиҷаҳонии мубориза бо ВНМО шинохта шуда, бо мақсади мубориза бо он чорабиниҳои мухталиф роҳандозӣ карда мешаванд.

Директори Ташкилоти тарзи ҳаёти солим дар вилояти Суғд Зуфнуна Хоҷаева перомуни ВНМО, сабабу омилҳои гирифторӣ ба ин беморӣ, роҳҳои гузариш ва пешгирии бемориии мазкур ибрози андеша кард.

Ҳадафи ҳамоиш баланд бардоштани маърифати оиладорӣ, пешгирии ҷудошавии оилаҳои ҷавон, мубориза бо хушунати хонаводагӣ ва тарғиби тарзи ҳаёти солим арзёбӣ карда шуд.

Дар ҳамоиш сармутахассиси Раёсати кор бо занон ва оилаи Мақомоти иҷроияи ҳокимияти давлатии вилояти Суғд Нафисахон Нурматова, сармутахассиси шуъбаи кор бо занон ва оилаи Мақомоти иҷроияи ҳокимияти давлатии шаҳри Хуҷанд Зайнура Шарипова, Директори Ташкилоти тарзи ҳаёти солим дар вилоят Зуфнуна Хоҷаева, Директори фонди «Рушди ҷомеа» Бахтиёр Абдуҷабборов ва намояндаи Ташкилоти ҷамъиятии «Чашмаи меҳр» иштирок намуданд.

АКС: Шуъбаи таҳлил ва робита бо ҷомеаи Донишгоҳ

 

Ноябрь 30, 2022 13:12

Хабарҳои дигари ин бахш

«БАЧА АЗИЗ, ОДОБАШ АЗ ОН АЗИЗТАР…». Ба таълиму тарбияи фарзандон набояд бетарафӣ зоҳир намуд
Маркази тадқиқоти стратегии Тоҷикистон ва Институти байналмилалии Осиёи Марказӣ масоили ҳамкории илмию таҳлилиро баррасӣ намуданд
35-СОЛАГИИ ИСТИҚЛОЛИ ДАВЛАТӢ. Беморхонаи марказии ноҳияи Темурмалик пурра навсозӣ гардид
ЗАБОН ДОНӢ-ҶАҲОН ДОНӢ. Аз 1 апрел кормандони мақомоти давлатӣ, худидоракунии маҳаллӣ ва ташкилотҳои давлатӣ ба омӯзиши ҳатмии забонҳои хориҷӣ фаро гирифта мешаванд
Дар ноҳияи Айнӣ сеюмин ҳамоиши гирандагони стипендияи президентӣ баргузор шуд
НАВРӮЗИ ХУҶАСТАПАЙ МУЖДАИ НЕКИ БАҲОРИ ХУРРАМ. Дар Суғд Ҷашни байналмилалии Наврӯз бо шукуҳи хоса таҷлил шуд
Тоҷикистон терроризму ифротгароиро қотеона маҳкум менамояд
24 МАРТ — РӮЗИ ҶАҲОНИИ МУБОРИЗА БО БЕМОРИИ СИЛ. Ҳадаф аз он огоҳӣ, пешгирӣ ва мубориза бар зидди ин беморӣ мебошад
ИМРӮЗ ДАР ТОҶИКИСТОН — РӮЗИ ГУЛ ВА НИҲОЛШИНОНӢ. Соли 2023 дар ҷумҳурӣ беш аз 1 миллион бех ниҳоли дарахтони гуногун шинонида шуд
МАСЛИҲАТИ МУТАХАССИС. Истеъмоли гулкарам масунияти инсонро боло мебардорад
МАСЛИҲАТИ МУТАХАССИС. Истеъмоли ғизои солим беҳтарин роҳи ҳифзи солимии шахс мебошад
Кормандони Вазорати меҳнат, муҳоҷират ва шуғли аҳолӣ ҷашни Наврӯзро бо тантана таҷлил намуданд