Ҳайатҳои кишварҳои рӯ ба тараққӣ дар КС-27 «адолати иқлимӣ» талаб мекунанд
ДУШАНБЕ, 09.11.2022 /АМИТ «Ховар»/. Дирӯз, 8 ноябр дар конфронси СММ оид ба иқлим ҳайатҳои кишварҳои рӯ ба тараққӣ ба таъсиси «адолати иқлимӣ», яъне фондҳои мутобиқшавӣ ва ҷуброни талафот ва хисороте, ки дар натиҷаи офатҳои табиӣ ба амал омадаанд, даъват намуданд. Дар ин бора АМИТ «Ховар» бо истинод ба хадамоти матбуоти Созмони Милали Муттаҳид хабар медиҳад.
Тибқи иттилои Гурӯҳи байниҳукуматии коршиносон, то соли 2030 тақрибан нисфи аҳолии Замин зери хатари ҷиддии тағйирёбии иқлим қарор хоҳанд гирифт, ҳатто агар гармшавии глобалӣ ҳамагӣ 1,5 дараҷа тибқи ҷадвали Селсия шавад.
Рӯзномаи конфронси СММ оид ба тағйирёбии иқлим дар Шарм-уш-Шайх баррасии чораҳоеро дар бар мегирад, ки ҳадафи он ҳифзи чор миллиард нафар сокинонест, ки дар минтақаҳои осебпазир ба тағйирёбии иқлим зиндагӣ менамоянд. Ин аввалин нақшаи мукаммали мутобиқсозии ҷаҳоние мебошад, ки ҳукуматҳо ва субъектҳои ғайридавлатиро ҷамъ меорад. Дар он тадбирҳо дар самти қавӣ намудани амнияти озуқаворӣ, инчунин муҳофизати заминҳои кишоварзӣ, захираҳои обӣ ва олами ҳайвонот пешбинӣ карда шудаанд.
«Рӯзномаи нишасти мо муттаҳид кардани саъю кӯшишҳои тамоми қишрҳои ҷомеаро дар бар мегирад»,-зикр намуд Котиби иҷроияи Конвенсияи қолабии СММ оид ба тағйирёбии иқлим Саймон Стилл. – Бо саъю талошҳоямон мо бояд ба ҳалли мушкилоте, ки мардум дучори он ҳастанд, таваҷҷуҳ намоем».
Шаҳлои САДРИДДИН,
АМИТ «Ховар»,
Акс: СММ
«ОТАШИ ҶАШНИ САДА ОТАШИ МЕҲРИ ВАТАН АСТ». Дар Душанбе ҷашни Сада ва намоиши тухмии зироати кишоварзӣ баргузор шуд
ҲАРОРАТИ ГЛОБАЛИИ ҲАВО БА 1,5 ДАРАҶА РАСИДААСТ. Ин ба уҳдадории давлатҳо дар доираи Созишномаи Париж мухолифат мекунад
Президенти Тоҷикистон: «Кишоварзони мамлакат бояд ба масъалаи парваришу захираи тухмиҳои беҳтарин ва ниҳолҳои серҳосил таваҷҷуҳи махсус зоҳир намоянд»
Эмомалӣ Раҳмон: «Се ҷашни миллии мо – Наврӯз, Сада ва Меҳргон аз ҷониби мардуми фарҳангпарвари ҷаҳон пазируфта шудаанд»
«ОЛАМИ ГУЛДӮЗИИ ТОҶИКОН». Ин китоб мероси пурарзиши тоҷиконро ба ҷаҳониён муаррифӣ менамояд
Вобаста ба омодагӣ ба баргузории Конфронси байналмилалии сатҳи баланд оид ба Cоли байналмилалии ҳифзи пиряхҳо ҳамоиш доир шуд
ТАШАББУСИ ТОҶИКИСТОН. Созмони Милали Муттаҳид ба таҷлили Соли байналмилалии ҳифзи пиряхҳо оғоз намуд
Дар Созмони Милали Муттаҳид Соли байналмилалии ҳифзи пиряхҳо оғоз гардид
Масъуд Пизишкиён: «Дар Тоҷикистон эҳсоси ғурбат намекунам»
Эмомалӣ Раҳмон Масъуд Пизишкиёнро ба ҷашни Наврӯз даъват намуданд
НАЗАРИ КОРШИНОС. Робитаҳои Ҷумҳурии Тоҷикистон бо Ҷумҳурии Исломии Эрон бар пояи пайвандҳои таърихӣ асос ёфтаанд
САДА, ИН ПАРТАВИ ХУРШЕДИИ ИСТИҚЛОЛ АСТ! Имсол ин ҷашни бостониро дар Тоҷикистон 25-26 январ ҷашн мегиранд
