Ҳайати меҳмонон барои иштирок дар тантанаҳои идона ба муносибати 30-солагии Иҷлосияи XVI Шӯрои Олӣ вориди вилояти Суғд гардид
ДУШАНБЕ, 11.11.2022 /АМИТ «Ховар»/. 11 ноябр гурӯҳи калони меҳмонон аз гӯшаву канори Тоҷикистон ҷиҳати иштирок дар тантанаҳои идона ба муносибати 30-солагии Иҷлосияи шанздаҳуми Шӯрои Олӣ ба вилояти Суғд омад. Дар ин бора ба АМИТ «Ховар» дар Хадмоти матбуоти Раиси вилояти Суғд хабар доданд.
Ба ҳайат ходимони давлативу ҷамъиятӣ, вакилони Иҷлосияи тақдирсози XVI Шӯрои Олӣ, аҳли зиё, адибону олимон, шоирону сиёсатмадорон шомил буда, меҳмононро дар Фурудгоҳи байналмилалии Хуҷанд Раиси вилояти Суғд Раҷаббой Аҳмадзода ва дигар масъулин истиқбол гирифтанд.
Меҳмонон нахуст дар пояи маҷмааи «Дуои Модар» чун рамзи эҳтиром гулдастаҳо гузошта, аз гулгаштҳои зебои фурудгоҳ, ки тайи чанд соли охир ба макони зебову назаррабо табдил ёфтаанд, боздид намуданд.
Ёдовар мешавем, ки тантанаҳои идона бахшида ба 30-солагии Иҷлосияи XVI Шӯрои Олии Ҷумҳурии Тоҷикистон дар Қасри Арбоб доир мешаванд. Қасри таърихии Арбоб макони баргузории иҷлосия буда, 30 сол пеш вакилони халқ маҳз дар толори он муҳтарам Эмомалӣ Раҳмонро Раиси Шӯрои Олии Ҷумҳурии Тоҷикистон интихоб намуда буданд.
АКС: Хадамоти матбуоти Раиси вилояти Суғд
Файзалӣ Идизода бо муовини раиси Маҷлиси миллии Ҷумҳурии Корея вохӯрӣ намуд
Файзалӣ Идизода бо Сафири Ҷумҳурии Корея дар Тоҷикистон мулоқот намуд
Намояндаи Тоҷикистон дар ҷаласаи солонаи Ассамблеяи парлумонии САҲА иштирок намуд
Раиси Маҷлиси миллии Маҷлиси Олии Ҷумҳурии Тоҷикистон бо Раиси Агентии Чин оид ба ҳамкории рушди байналмилалӣ мулоқот намуданд
Мулоқоти Раиси Маҷлиси намояндагон бо Раиси Кумитаи миллӣ оид ба ҳуқуқи инсони Давлати Қатар доир гардид
Файзалӣ Идизода бо Раиси Маҷлиси Шурои Подшоҳии Арабистони Саудӣ вохӯрӣ намуд
Раиси Маҷлиси миллии Маҷлиси Олии Ҷумҳурии Тоҷикистон бо Раиси Маҷлиси Шурои Подшоҳии Арабистони Саудӣ мулоқот намуданд
Дар Душанбе тавсеаи робитаҳои парлумонии Тоҷикистон ва Русия баррасӣ гардид
Раиси Маҷлис-аш-Шурои Подшоҳии Арабистони Саудӣ бо сафари расмӣ ба Ҷумҳурии Тоҷикистон ташриф меорад
Қабули қатъномаи Даҳсолаи байналмилалӣ оид ба таҳкими сулҳ барои наслҳои оянда рӯйдоди воқеан таърихӣ ва мояи ифтихори ҳар як шаҳрванди Тоҷикистон мебошад
Дар ҷаласаи навбатии иҷлосияи дуюми Маҷлиси намояндагони Маҷлиси Олӣ созишномаи сармоягузорӣ ба тасвиб расид
Ҷаласаи навбатии Шурои Маҷлиси намояндагон баргузор гардид
