Ҳайати Тоҷикистон дар иҷлосияи 25-уми Ассамблеяи генералии Созмони байналмилалии мудофиаи гражданӣ иштирок намуд
ДУШАНБЕ, 30.11.2022 /АМИТ «Ховар»/. Ҳайати Тоҷикистон таҳти роҳбарии Раиси Кумитаи ҳолатҳои фавқулода ва мудофиаи гражданӣ Рустам Назарзода дар иҷлосияи 25-уми Ассамблеяи генералии Созмони байналмилалии мудофиаи гражданӣ, ки дар шаҳри Абузабии Амороти Муттаҳидаи Араб баргузор гардид, ширкат намуд. Дар ин бора ба АМИТ «Ховар» дар кумитаи мазкур хабар доданд.
Дар ин ҷаласа намояндагони 54 кишвари ҷаҳон иштирок намуданд.
Зимни иҷлосия масъалаҳои зиёд ва муҳими фаъолияти Созмони байналмилалии мудофиаи гражданӣ ва дастовардҳо дар солҳои охир, аз ҷумла дар самти коҳиши хатари офатҳо ва фалокатҳои техногенӣ, мудофиаи гражданӣ ва ҳифзи аҳолӣ дар шароити ҳолатҳои фавқулода баррасӣ шуданд. Аз ҷониби кишварҳои ширкаткунанда низ ҳисобот дар бораи таҷрибаи кории мамолики узв дар самти пешгирии ҳолатҳои фавқулода, истифодаи технологияи муосир, системаи огоҳсозии бармаҳал, дастовардҳо дар коҳиши хатари офатҳои табиӣ, масъалаҳои ҳамкории дуҷониба ва бисёрҷониба дар ҳолатҳои фавқулода ироа гардиданд.
Ҳамчунин дар ин ҳамоиш масъалаҳои интихоби раис ва ҷонишини раиси Созмони байналмилалии мудофиаи гражданӣ баррасӣ шуданд.
Дар доираи сафар Рустам Назарзода ва роҳбари Идораи миллии ҳолатҳои фавқулода, буҳронӣ ва рафъи офатҳои табиии Шӯрои олии амнияти миллии Амороти Муттаҳидаи Араб Алӣ Сайид Матар ал-Ниёдӣ Ёддошти ҳусни тафоҳуми ҳамкорӣ доир ба идораи ҳолатҳои фавқулода ва вокуниш ба онҳоро имзо намуданд.
Илова бар ин, Ёддошти ҳусни тафоҳум миёни Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон ва Департаменти ҳолатҳои фавқулода ва офатҳои табиии Ҷумҳурии Туркия ба имзо расид. Ин санадро Раиси Кумитаи ҳолатҳои фавқулода ва мудофиаи граждании Тоҷикистон Рустам Назарзода ва сардори Раёсати ҳолатҳои фавқулода ва офатҳои табиии Туркия Юнус Сезер имзо карданд.
Раиси Кумита пас аз маросими имзои Ёддошти тафоҳум ба вилояти Дюзджи Ҷумҳурии Туркия сафар карда, бо ҷараёни корҳои рафъи оқибатҳои заминларзаи 7-баллӣ, ки 23 ноябри имсол рух дода буд, шинос шуд.
АКС: КҲФ ва МГ
Ноҳияи Шоҳмансури шаҳри Душанбе нақшаи даъвати ҳарбиро 100 фоиз иҷро намуд
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Хуҷанд 100 фоиз иҷро гардид
Машварати понздаҳуми Шурои марказии Ҷамъияти ихтиёрии мусоидат ба артиш, авиатсия ва флоти ИДМ доир шуд
Бонки миллии Тоҷикистон ҳушдор медиҳад, ки ҳангоми истифодаи хизматрасонии бонкии рақамӣ эҳтиёткор бошед
Ҷавонони шаҳри Турсунзода бо гирифтани шаҳодатномаи ронандагӣ ба хизмати ҳарбӣ рафтанд
Хадамоти ҳифзи давлатии объектҳо оид ба муҳофизати шаҳраки Ғарми ноҳияи Рашт бо нақлиёти махсуси оташнишонӣ таъмин гардид
ДАЪВАТИ ТИРАМОҲӢ. Дар Муъминобод ба 20 ҷавон шаҳодатномаи ронандагӣ супорида шуд
Ҳабибулло Воҳидзода бо Котиби иҷроияи Шурои ҳамоҳангсозии прокурорҳои генералии давлатҳои аъзои ИДМ Александр Баженов вохӯрӣ намуд
Ҳабибулло Воҳидзода бо Прокурори генералии Ҷумҳурии Беларус Дмитрий Гора мулоқот намуд
Ҳабибулло Воҳидзода бо прокурорҳои генералии Қирғизистон ва Қазоқистон мулоқот намуд
Ҳабибулло Воҳидзода бо Прокурори генералии Ҷумҳурии Озарбойҷон Камран Алиев мулоқот намуд
Дар Тоҷикистон нақшаи даъвати тирамоҳӣ ба сафи Қувваҳои Мусаллаҳ 55 фоиз иҷро шуд
