Бахшида ба Рӯзи Президент ва 30-солагии Донишгоҳи давлатии Хоруғ конференсияи байналмилалӣ доир шуд

Ноябрь 15, 2022 16:30

ДУШАНБЕ, 15.11.2022 /АМИТ «Ховар»/. Яке аз рамзҳои нахустин ва муҳимтарини тараққиёти Вилояти Мухтори Кӯҳистони Бадахшон ва дурнамои рушди он дар солҳои аввали соҳибистиқлолӣ ташкили муассисаи олии таълимии касбӣ- Донишгоҳи давлатии Хоруғ дар маркази вилоят мебошад, ки он дар арафаи таҷлили яксолагии истиқлолияти давлатӣ таъсис дода шуд. Ин боргоҳи илмию маърифатӣ ва фарҳангӣ сабаби пешрафти ҳаёти иқтисодӣ ва иҷтимоии минтақаи кӯҳистон гардида, барои тарбияи ахлоқӣ, ташаккули худшиносии миллӣ, тақвияти маънавиёт ва маърифати аҳли ҷомеа заминаи устувор фароҳам овард. Ин нуктаро имрӯз Ректори Донишгоҳи давлатии Хоруғ ба номи Моёншо Назаршоев Амид Комилбек зимни Конференсияи байналмилалии илмӣ – назариявӣ иброз намуд, хабар доданд ба АМИТ «Ховар» дар Донишгоҳи мазкур.

Имрӯз таҳти унвони «Рушди илм ва маориф дар шароити ҷаҳонишавӣ дар мисоли шароити кӯҳистон: мушкилот, равишҳои нав ва тадқиқоти дахлдор» бахшида ба 30 – солагии Иҷлосияи XVI Шӯрои Олии Ҷумҳурии Тоҷикистон, Рӯзи Президенти Тоҷикистон ва 30-солагии Донишгоҳи давлатии Хоруғ Конференсияи байналмилалии илмӣ – назариявӣ доир гардид.

Дар кори он муовини Раиси Вилояти Мухтори Кӯҳистони Бадахшон Нилуфар Асламшоева, Раиси шаҳри Хоруғ Ризо Назарзода, Ректори Донишгоҳи Русеи Булғористон Христо Белоев, Директори Маркази технологияҳои инноватсионии Донишгоҳи Русеи Булғористон Ангел Смрикаров, Директори Маркази таълимии туризм ва меҳмондории Академияи байналмилалии Балтия Марина Гунаре, ҳайати профессорон ва омӯзгорони муассисаҳои таҳсилоти олии ҷумҳурӣ, роҳбарони ҳифзи ҳуқуқи шаҳру вилоят ва муассисаҳои давлатӣ иштирок намуданд.

Дар даромадгоҳи донишгоҳ намоиши китобҳои Пешвои миллат, мавод оид ба Иҷлосияи тақдирсоз, дастовардҳои ҳайати профессорон ва омӯзгорони донишгоҳ, ҳунарҳои мардумӣ ташкил ва ба маърази тамошои иштирокдорон гузошта шуд.

Ректори донишгоҳ Амид Комилбек Иҷлосияи XVI Шӯрои Олиро санаи муҳимтарини таърихи муосири тоҷик ном буда, зикр кард, ки тамоми пешравӣ, созандагию бунёдкорӣ ва аз ҳама муҳим, сулҳу суботи Ватан аз ҳамин иҷлосияи тақдирсоз оғоз ёфтанд.

Нилуфар Асламшоева иброз намуд, ки бо талошҳои хастагинопазири Пешвои муаззами миллат муҳтарам Эмомалӣ Раҳмон вазъи соҳаи маориф рӯ ба беҳбудӣ ниҳода, омӯзгорони тарки касбкарда дубора ба мактаб баргаштанд, сатҳу сифати таълим низ беҳтар гардид. Бар замми ин маблағгузории соҳа низ афзуда, муассисаҳои наву замонавӣ дар шаҳру ноҳияҳои мамлакат мавриди истифода қарор дода шуданд.

Ризо Назарзода оид ба дастовардҳои иҷлосияи XVI Шурои Олӣ ва саҳми Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар пешрафти шаҳри Хоруғ, махсусан дар ҷодаи таълиму тарбия ибрози назар намуд.

Дар охири ҷаласа барномаи фарҳангӣ пешкаши ҳозирин гардонида шуд.

Акс: ДДХ

 

Ноябрь 15, 2022 16:30

Хабарҳои дигари ин бахш

Донишкадаи кӯҳию металлургии Тоҷикистон бо 75 корхонаи саноатӣ ҳамкорӣ дорад
Ҳамкории Донишгоҳи байналмилалии сайёҳӣ ва соҳибкории Тоҷикистон бо Донишгоҳи иқтисод ва хизматрасонии Тирмиз тақвият меёбад
НИШАСТИ МАТБУОТӢ. Дар ноҳияи Рӯдакӣ 79 синфхона ба маблағи беш аз 7 миллион сомонӣ аз ҳисоби аҳолӣ сохта шуд
НИШАСТИ МАТБУОТӢ. Дар Донишгоҳи давлатии тиббии Тоҷикистон 13 лоиҳаи илмӣ татбиқ гардид
Ҷиҳати дарёфти Ҷоизаи ба номи Исмоили Сомонӣ барои олимони ҷавон дар соли 2025 озмун эълон гардид
НИШАСТИ МАТБУОТӢ. Филиали Донишгоҳи давлатии Москва дар Душанбе барои корҳои илмии омӯзгорон аз 20 то 40 ҳазор сомонӣ мукофотпулӣ муқаррар намудааст
НИШАСТИ МАТБУОТӢ. Дар Донишкадаи тиббӣ-иҷтимоии Тоҷикистон 126 донишҷӯи хориҷӣ таҳсил мекунад
Комиссияи олии аттестатсионии Тоҷикистон ба 68 шаҳрванди хориҷӣ дараҷаи илмӣ додааст
Донишгоҳи технологии Тоҷикистон бо муассисаҳои таълимию илмии Фаронса ҳамкориро густариш медиҳад
НИШАСТИ МАТБУОТӢ. Дар Тоҷикистон 6250 нафар дорои дараҷаи илмӣ мебошанд
«ФУРӮҒИ СУБҲИ ДОНОӢ КИТОБ АСТ». Дар Суғд барои дар сатҳи баланд гузаронидани озмун 896 ҳазор сомонӣ ҷудо гардид
Соли 2024 дар вилояти Суғд 73 иншооти соҳаи маориф ба истифода дода шуд

Маводҳои таҳлилӣ