ЧҶ-2022: Бразилия ва Португалия пеш аз муҳлат ба марҳилаи 1/8-финал роҳ ёфтанд

Ноябрь 29, 2022 13:53

ДУШАНБЕ, 29.11.2022 /АМИТ «Ховар»/. Дар Чемпионати ҷаҳон оид ба футбол дар Қатар даври дуюми гурӯҳӣ ба анҷом расид. Дар гурӯҳи G роҳхатро ба марҳилаи 1/8-финал Бразилия ба даст овард. Панҷкарат чемпионҳо бо мушкилӣ бо ҳисоби 1 бар 0 бар дастаи мунтахаби Швейтсария ғолиб омаданд. Дар ҳисоби футболбозони Бразилия шаш хол аст, швейтсариягиҳо бо се хол дар ҷойи дуюм қарор гирифтаанд, хабар медиҳад мухбири АМИТ «Ховар».

Камерун ва Сербия бозии ҷолиб нишон доданд, ки дар натиҷа ҳисоби мусовии 3:3 ба қайд гирифта шуд. Ҳарду дастаи мунтахаб бо 1-холӣ дар мақоми 3 ва 4 қарор доранд.

Дар гурӯҳи «H» дастаи мунтахаби Португалия низ пеш аз муҳлат ба даври плей-офф роҳ ёфт. «Бразилияҳои авропоӣ» Уругвайро бо ҳисоби 2:0 мағлуб карданд. Ду голро нимҳимоятгар Бруно Фернандес ба нишон расонид. Дастаи мунтахаби Португалия дар ҳаштумин бозии паиҳам дар чемпионати ҷаҳон гол мезанад.

Дастаи мунтахаби Гана бар Кореяи Ҷанубӣ бо ҳисоби 3:2 пирӯз шуд. Дастаи Африқо се хол дорад, дар ҳоле ки тими Осиё як хол дорад, мисли дастаи мунтахаби Уругвай. Португалиҳо бо шаш имтиёз дар садри ҷадвал ҳастанд.

Ҷадвали бозиҳои рӯзи нуҳуми бозӣ, ки имрӯз, 29 ноябр баргузор мешаванд:

29 ноябр, 20:00 – «Гурӯҳи A»: Нидерланд – Қатар

29 ноябр, 20:00 – «Гурӯҳи А»: Эквадор – Сенегал

30 ноябр, 00:00 – «Гурӯҳи В»: Эрон – ИМА

30 ноябр, 00:00 – «Гурӯҳи В»: Уэлс – Англия.

ДАР АКС: дастаи мунтахаби Бразилия пеш аз муҳлат ба 1/8-финал роҳ ёфт. Акс аз манбаъҳои боз

 

Ноябрь 29, 2022 13:53

Хабарҳои дигари ин бахш

Варзишгарони тоҷик дар Чемпионати Осиё оид ба варзиши сабук иштирок мекунанд
ДЗЮДО. Дар Душанбе Чемпионати Тоҷикистон байни калонсолон баргузор мешавад
ФУТБОЛ. Дастаи мунтахаби ҷавонони Тоҷикистон бозиро бо дастаи ЛКС-и Лаҳистон мусовӣ кард
ҶОМИ ОСИЁ-2023. Футболбозони ҷавони тоҷик имрӯз бо дастаи ЛКС-и Лаҳистон бозии санҷишӣ анҷом медиҳанд
РАМЗИ УМЕДВОРӢ. Федератсияи дзюдои Тоҷикистон нишони нави худро пешниҳод кард
ЧЕМПИОНАТИ CAFA-2023. Дастаи мунтахаби занонаи футзали Тоҷикистон бар дастаи Қирғизистон пирӯз шуда, мақоми сеюмро гирифт
ЧЕМПИОНАТ ОИД БА ГӮШТИН БАЙНИ КАЛОНСОЛОН. Ғолибони он ба дастаи миллии Тоҷикистон шомил мешаванд
Дар Тоҷикистон барои рушди гӯштини миллӣ барнома ва санадҳои дахлдор таҳия мегарданд
Федератсияи байналмилалии гӯштингирии Тоҷикистон дар Русия, Эрон ва Ҳиндустон намояндагиҳояшро ифтитоҳ намуд
Имрӯз дар Душанбе Чемпионати Тоҷикистон оид ба гӯштин оғоз мегардад
ҶОМИ ФФТ-2023: бозиҳои даври аввали марҳилаи муқаддамотӣ дар минтақаи Душанбе баргузор шуданд
ФУТБОЛ. Мунтахаби ҷавонони Тоҷикистон (U-20) дар Туркия бо дастаи «Бухоро» бозии санҷишӣ анҷом дод