Дар Агентии авиатсияи граждании Тоҷикистон ба ифтихори Иҷлосияи ХVI Шӯрои Олӣ маҷлиси тантанавӣ доир гардид
ДУШАНБЕ, 15.11.2022 /АМИТ «Ховар»/. Бо баргузории иҷлосияи ХVI Шӯрои Олии Ҷумҳурии Тоҷикистон, ки дар таърихи миллати тоҷик рӯйдоди муҳими сиёсист, дар кишвар сохти конститутсионӣ барқарор ва бо шарофати он пояҳои давлатдории миллӣ тақвият ёфтанд. Чунин зикр шуд дар маҷлиси тантанавие, ки ба ифтихори 30-солагии баргузории Иҷлосияи ХVI Шӯрои Олии Ҷумҳурии Тоҷикистон ва Рӯзи Президенти Ҷумҳурии Тоҷикистон дар Агентии авиатсияи граждании назди Ҳукумати Ҷумҳурии Тоҷикистон доир гардид, иттилоъ медиҳад АМИТ «Ховар» бо истинод ба Агентии мазкур.
Дар маҷлиси тантанавӣ Директори Агентии авиатсияи граждании назди Ҳукумати ҷумҳурӣ Дилшод Сафарзода, мудири кафедраи фалсафа, таърих ва гуманитарии Академияи идоракунии давлатии назди Президенти Ҷумҳурии Тоҷикистон Раҷабалӣ Ҷобиров ва дигар кормандони Агентӣ доир ба аҳамияти баргузории Иҷлосиияи ХVI Шӯрои Олии Ҷумҳурии Тоҷикистон дар ташаккули давлатдории муосир ва рушду пешрафти иқтисодиёти миллии кишвар маърӯза намуданд.
Зикр шуд, ки Иҷлосияи ХVI Шӯрои Олии Ҷумҳурии Тоҷикистон, ки 16 ноябри соли 1992 дар Қасри Арбоб доир гардид, рӯйдоди бузурги таърихӣ мебошад, зеро маҳз дар ин иҷлосия сарнавишти давлат ва миллати тоҷик муайян гардида, ба сӯи ҳадафҳои бузурги умумимиллӣ- сулҳу субот ва ваҳдати миллӣ қадамҳои нахустин гузошта шуданд. Бо шарофтаи иҷлосияи сарнавиштсоз ва бо гузашти 30 сол дар ҷумҳурӣ сулҳу суботи комил ҳукмфармо буда, таҳти сарварии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар кишвар раванди бунёдкорию созандагӣ бо суръат идома дорад. Ин бозгӯи рушди бемайлони соҳаҳои иқтисодиёти мамлакат ва таҳкими сулҳу салоҳ ва ваҳдат дар кишвар мебошад.
Таъкид гардид, ки барои ҳифзи арзишҳои миллӣ ва таҳкими пояҳои давлатдорӣ дар шароити кунунии ҷаҳонишавӣ ва вазъи зудтағйирёбандаи ҷаҳони мусоир ҳар сокини кишварро зарур аст, ки зиракии сиёсиро аз даст надода, дар ҳифзи марзу буми кишвар, таъмини суботи сиёсӣ, рушди соҳаҳои афзалиятноки иқтисодӣ ва муттаҳидию сарҷамъӣ бо эҳсоси баландӣ худшиносию ватандӯстӣ саҳми шоиста гузорад. Зеро сулҳу субот ва оромӣ омили пешрафту шукуфоии сарзаминамон мебошад.
АКС: Агентии авиатсияи граждании назди Ҳукумати Ҷумҳурии Тоҷикистон
ЗАХИРАҲОИ ГИДРОЭНЕРГЕТИКӢ. Дар ҳошияи Паёми Президенти Тоҷикистон ба Маҷлиси Олӣ
Соли 2025 дар ноҳияи Фирдавсӣ 25 ташкилоти Ҳизби Халқии Демократии Тоҷикистон таъсис дода шуд
Имрӯз дар ноҳияҳои кӯҳии Тоҷикистон барф меборад
«МАКТАБИ МОДАРОН». Дар Ёвон духтарон таҷриба омӯхта, ба ҳаёти мустақилона омода мешаванд
22 январ дар Тоҷикистон ҳарорати ҳаво паст шуда, бориши барф пешгӯӣ мешавад
ИСТИҚЛОЛИ ДАВЛАТӢ, СУБОТИ СИЁСӢ ВА АМНИЯТИ МИЛЛИИ ТОҶИКИСТОНРО ҲИФЗ БОЯД КАРД. Дар ҳошияи Паёми Президенти Тоҷикистон ба Маҷлиси Олӣ
Имрӯз дар Тоҷикистон ҳавои тағйирёбандаи бебориш пешгӯӣ мешавад
16 бинои муассисаи таҳсилоти ибтидоии касбӣ ва 4 муассисаи таҳсилоти миёнаи касбӣ таъмир гардид
Интернети бештар ва рақами қиматбаҳо: фоидаи тарофаҳои пешпардохтӣ дар чист?
Оид ба таъмини рушди устувори соҳаи кишоварзӣ дар шароити тағйирёбии иқлим машғулияти омӯзишӣ доир шуд
Имрӯз дар баъзе ноҳияҳои Тоҷикистон туман мефарояд
РУШДИ ҲУНАРҲОИ МАРДУМӢ. Дар Бадахшон беш аз 300 нафар ҳунарманд фаъолият мекунад
