Дар Австрия ҳамоиши олимони соҳаи физикаи атмосфера ва сифати ҳаво баргузор мешавад
ДУШАНБЕ, 18.11.2022 /АМИТ «Ховар»/. 21-25 ноябр дар шаҳри Венаи Австрия дар доираи лоиҳаи Агентии байналмилалии неруи атомӣ ҳамоиши олимони соҳаи физикаи атмосфера ва сифати ҳаво баргузор мешавад, хабар доданд ба АМИТ «Ховар» дар Институти физикаю техникаи ба номи С.У.Умарови Академияи миллии илмҳои Тоҷикистон.
Дар ҳамоиш натиҷаи бадастомадаи тадқиқоти иштирокчиёни лоиҳаи Агентии байналмилалии неруи атомӣ баррасӣ мешавад.
Аз Тоҷикистон дар ин ҳамоиш мудири озмоишгоҳи физикаи атмосфераи Институти физикаю техникаи ба номи С.У.Умаров, доктори илмҳои физикаю математика, профессор Сабур Абдуллоев иштирок менамояд.
Тибқи маълумоти расмии Созмони Милали Муттаҳид (СММ), дар ҷаҳони имрӯза беш аз 90 дарсади мардуми ҷаҳон аз ҳавое нафас мегиранд, ки дараҷаи чангу ғубори он аз меъёрҳои қобили қабул зиёд мебошад. Ифлосшавии ҳаво аз ҷониби СММ ҳамчун яке аз таҳдидҳои асосӣ ба саломатии инсон ва сайёра эътироф шудааст.
Институти физикаю техникаи ба номи С.У.Умарови Академияи миллии илмҳои Тоҷикистон бо мақсади роҳандозӣ намудани таҳқиқот дар ин самт дар доираи лоиҳаи Агентии байналмилалии неруи атомӣ (АБНА), омӯзиши экологияи муҳити зист ва сифати ҳаво бо назардошти таҳқиқоти аэрозоли андозаашон то 2.5 мкм дар ҳамкорӣ бо Маркази байналмилалии шаҳри Вена (Австрия) таҳқиқоти муштаракро бо 16 давлати Иттиҳоди Аврупо ба роҳ мондааст.
АКС: Институти физикаю техникаи ба номи С.Умаров
Доир ба муаммо ва дурнамои илми методикаи таълим дар раванди ҷаҳонишавӣ конференсия баргузор шуд
Дар Тоҷикистон Маркази омодагӣ ва имтиҳони HSK таъсис дода мешавад
Дар Донишгоҳи давлатии Кӯлоб оид ба маърифати молиявии аҳолӣ конференсияи байналмилалӣ баргузор шуд
Густариши ҳамкорӣ байни Донишгоҳи технологии Тоҷикистон ва Донишгоҳи Ҳериот-Ватти Шотландия баррасӣ гардид
Вазири маориф ва илм дар конференсияи байналмилалӣ оид ба масъалаҳои мубрами таҳсилоти фарогир иштирок намуд
Дар муассисаҳои таҳсилоти олии Федератсияи Русия зиёда аз 27 ҳазор донишҷӯёни тоҷик таҳсил доранд
Донишгоҳи байналмилалии сайёҳӣ ва соҳибкории Тоҷикистон дар баҳогузории ҷаҳонии «Донишгоҳҳои сабз» иштирок намуд
Вазири маориф ва илм дар ҷаласаи навбатии Шурои директорони Шарикии глобалӣ дар соҳаи маориф иштирок намуд
Корманди Донишгоҳи давлатии ҳуқуқ, бизнес ва сиёсати Тоҷикистон дар озмуни «Фурӯғи субҳи доноӣ китоб аст» ҷойи якумро соҳиб шуд
Дар Озмуни ҷумҳуриявии «Фурӯғи субҳи доноӣ китоб аст» 4 довталаб соҳиби Шоҳҷоиза шуд
«ФУРӮҒИ СУБҲИ ДОНОӢ КИТОБ АСТ». Дар даври ниҳоии озмуни ҷумҳуриявӣ 94 нафар ғолиб гардид
Пагоҳ маросими ҷоизасупории Озмуни ҷумҳуриявии «Фурӯғи субҳи доноӣ китоб аст» баргузор мегардад
