Дар Қазоқистон панҷ нафар ҳангоми ихроҷи газ дар кон ба ҳалокат расиданд

ДУШАНБЕ, 04.11.2022 /АМИТ «Ховар»/. Ихроҷи газ рӯзи панҷшанбе, 3 ноябр дар кони вилояти Қарағандаи Қазоқистон рух дод, ки панҷ нафар қурбони ин ҳодиса гардиданд. Дар ин бора маркази матбуоти Вазорати ҳолатҳои фақулодаи ин ҷумҳурӣ хабар додааст, иттилоъ медиҳад АМИТ «Ховар».

«Тибқи маълумоти қаблӣ, 3 ноябр, тахминан соати сеи шаб (соати 00:00 ба вақти Москва) дар шаҳри Шахтинск, дар кони ба номи Ленин (ҶС «Арселор Миттал Темиртау») ҳангоми пармакунии чоҳҳои дренажии газӣ ихроҷи ногаҳонии газ ба вуқӯъ пайваст, ки боиси марги чаҳор коргар гардид. Ҷустуҷӯи як коргари дигар идома дошта, чаҳор нафари дигар дар беморхона бистарӣ шудаанд», — иттилоъ додааст агентии «Tengrinews».

Тибқи иттилои агентӣ, 106 корманд интиқол дода шуданд. Баъдан дар вазорат хабар доданд, ки наҷотдиҳандагон ҷасади конкани бедаракшударо пайдо кардаанд. Ҳамин тариқ, теъдоди қурбониёни фоҷиа ба 5 нафар расид.

«Дар робита ба ҳодисаи дар кони вилояти Қарағанда рухдода вазири ҳолатҳои фавқулода Юрий Илин ба ҷои ҳодиса рафт, ки роҳбарии комиссияро ба уҳда дорад», — гуфтанд дар маркази матбуотӣ.

АКС: РИА Новости Павел Лиситсин