Дар Брюссел мулоқоти ҳайати Иттиҳоди Аврупо бо cафирони кишварҳои Осиёи Марказӣ баргузор шуд

Ноябрь 28, 2022 15:00

ДУШАНБЕ, 28.11.2022 /АМИТ «Ховар»/. Ҳафтаи гузашта дар Брюссел мулоқоти ҳайати Иттиҳоди Аврупо бо сарварии Дабири кулли Хадамоти аврупоии амалиёти берунӣ Стефано Саннино бо cафирони кишварҳои Осиёи Марказӣ баргузор гардид, ки дар он Сафири Тоҷикистон дар Шоҳигарии Белгия Эркинхон Раҳматуллозода иштирок намуд. Дар ин бора ба АМИТ «Ховар» дар Вазорати корҳои хориҷии Ҷумҳурии Тоҷикистон хабар доданд.

Ҷонибҳо натиҷаҳои сафарҳои Президенти Шӯрои Аврупо Шарл Мишел, Намояндаи Олии Иттиҳоди Аврупо дар умури сиёсати хориҷӣ ва амният, Ноиб-Президенти Комиссияи Аврупо Жозеп Боррелро ба минтақа, инчунин бозёфту бардоштҳои иҷлосияи навбатии вазирони хориҷии кишварҳои Осиёи Марказӣ ва ИА, Конфронси ба наздикӣ дар Самарқанд баргузоргардидаи иттисолу ҳамбастагиро баррасӣ намуда, роҳу василаҳои татбиқи тасмимоти гирифтаро дар маркази таваҷҷуҳи хеш қарор доданд.

Ёдовар мешавем, ки 18 ноябр дар шаҳри Самарқанд нахустин Конфронси ҳамбастагӣ миёни Иттиҳоди Аврупо ва Осиёи Марказӣ: «Дарвозаҳои глобалӣ» барои рушди устувор баргузор гардид, ки дар кори он ҳайати Ҷумҳурии Тоҷикистон бо роҳбарии Вазири корҳои хориҷӣ Сироҷиддин Муҳриддин ширкат варзид.

Дар нишасти мазкур масоили марбут ба ҳамбастагии устувор, фароҳам овардани имконият барои тавсеа ва рушди робитаҳои байниминтақавӣ дар самтҳои рақамикунонӣ, таҳкими масирҳои нақлиётӣ, обу энергетика ва ҳифзи муҳити зист муҳокима гардид.

Зимни суханронӣ Вазири корҳои хориҷии Ҷумҳурии Тоҷикистон Сироҷиддин Муҳриддин дидгоҳи кишварро бобати рушди ҳамкории бисёрҷониба ва рушди устувор дар ҳошияи ин абзор баён намуд.

Акс: ВКХ ҶТ

Ноябрь 28, 2022 15:00

Хабарҳои дигари ин бахш

Намояндаи доимии Тоҷикистон дар ҷаласаи Шурои амнияти Созмони Милали Муттаҳид иштирок намуд
Масъалаи тағйирёбии иқлим ва обшавии босуръати пиряхҳо дар Созмони Милали Муттаҳид баррасӣ шуд
Дар Ню-Йорк тавсеаи ҳамкории Тоҷикистон бо ESCAP ва UNECE баррасӣ шуд
Сафири Тоҷикистон ба Императори Ҷопон эътимоднома супорид
Вазорати корҳои хориҷии Ҷумҳурии Тоҷикистон задухӯрди мусаллаҳонаро дар Умон қотеона маҳкум кард
Густариши ҳамкории Тоҷикистон ва Қатар дар самти бозомӯзӣ ва такмили ихтисоси дипломатҳои ҷавон баррасӣ гардид
Дар Риёз мулоқоти сафирони Тоҷикистон ва Чин дар Арабистони Саудӣ баргузор шуд
Сафири Тоҷикистон дар маросими кушодашавии XXXIII Фестивали байналмилалии санъат «Славянский базар» иштирок намуд
Сафири Тоҷикистон ба Президенти Ҷумҳурии Исломии Покистон эътимоднома супорид
Ҳамкории Тоҷикистон ва Барномаи рушди Созмони Милали Муттаҳид тақвият меёбад
Ҳоким Холиқзода дар Форуми сиёсии сатҳи баланд оид ба рушди устувор дар Созмони Милали Муттаҳид иштирок намуд
Шаҳри Магдебурги Олмон мизбони Мусобиқаи варзишӣ оид ба аспдавонӣ барои дарёфти ҷоми Ҷумҳурии Тоҷикистон гардид