Дар Душанбе пас аз навсозӣ осорхонаи зери муҷассамаи Исмоили Сомонӣ ифтитоҳ мешавад
ДУШАНБЕ, 29.11.2022 /АМИТ «Ховар»/. Осорхонаи Исмоили Сомонӣ дар зери муҷассамаи майдони «Дӯстӣ» пас аз навсозӣ дарҳои худро ба рӯи меҳмонон боз мекунад. Дар ин бора «Азия-Плюс» бо истинод ба намояндаи ҶДММ «Меъмор ва сохтмон» ва масъули ин сохтмон Носирҷон Абатов хабар додааст.
«Пас аз анҷоми таъмир ин иншоот ҳамчун осорхона барои меҳмонон боз мегардад. Дар он тамоми нигораҳои марбут ба аввалин амири давлати Сомониён — Исмоили Сомонӣ ҷамъоварӣ карда мешаванд», — зикр кард ҳамсуҳбат.
Ба гуфтаи ӯ, ҳоло дар дохили осорхона корҳои навсозии шабакаҳои обрасонӣ ва ҳавополоӣ анҷом дода шудаанд. Инчунин корҳо дар атрофи осорхона давом доранд.
Бояд гуфт, ки корҳои таъмирӣ то охири моҳи марти соли 2023 ба анҷом расонида мешаванд.
Маҷмааи ёдгории мусолиҳаи миллӣ ва эҳёи Тоҷикистон ва муҷассамаи Исмоили Сомонӣ соли 1999 дар майдони Дӯстии Душанбе ба ифтихори 1100-солагии давлати Сомониён ифтитоҳ шуда буданд.
АКС: АМИТ «Ховар»
Дар Намоишгоҳи байналмилалии сайёҳии Душанбе – 2026 зиёда аз 115 ширкату ташкилот иштирок доранд
Намоишгоҳи байналмилалии сайёҳии Душанбе-2026 оғоз гардид
ҲАМГИРОИИ ШАҲРҲО ДАР ТАТБИҚИ ИМКОНОТИ САЙЁҲИИ УСТУВОР. Дар Душанбе форуми байналмилалӣ доир гардид
Дар Душанбе форум ва намоишгоҳи байналмилалии сайёҳӣ доир мегардад
ДУШАНБЕ — ҚАЛБИ ТОҶИКИСТОН. Таҳти ин унвон конференсияи ҷумҳуриявии илмӣ – амалӣ баргузор шуд
35 ШОҲКОРӢ ДАР ДУШАНБЕ. Дар даврони соҳибистиқлолӣ пойтахти Тоҷикистон ба яке аз шаҳрҳои зеботарини минтақа табдил ёфт
«БУРҶИ ДУШАНБЕ» — 77 ОШЁНА ВА 340 МЕТР БАЛАНДӢ. Сохтмони баландтарин иншоот дар пойтахти Тоҷикистон оғоз гардид
Раиси шаҳри Душанбе Рустами Эмомалӣ бинои нави Кумитаи дин ва танзими ҷашну маросимро ифтитоҳ намуданд
Имсол кӯчаи Абдулаҳад Қаҳҳоров мавриди истифода қарор дода мешавад
Шумораи воситаҳои нақлиёти мусофирбар дар шаҳри Душанбе 20 фоиз зиёд карда шуд
ДУШАНБЕИ ИДОНА. Дар пойтахти Тоҷикистон ба истиқболи 35-солагии Истиқлоли давлатӣ омодагӣ мегиранд
Дар ноҳияи Синои пойтахт Муассисаи таҳсилоти томактабии хусусии «Нури миллат» ба истифода дода шуд
