Дар Форуми минтақавӣ оид ба рушди сайёҳӣ дар Душанбе беш аз 50 санади нави ҳамкорӣ ба имзо расиданд

Ноябрь 14, 2022 13:50

ДУШАНБЕ, 14.11.2022 /АМИТ «Ховар»/. Миёни ширкатҳои сайёҳӣ ва осоишгоҳҳои ҷумҳуриҳои Тоҷикистон, Узбекистон ва Эрон беш аз 50 санади нави ҳамкорӣ ба имзо расиданд. Дар ин хусус дар Форуми минтақавӣ оид ба рушди сайёҳӣ, ки 12 ноябри соли равон дар шаҳри Душанбе баргузор гардид, хабар дода шуд.

Тавре дар Кумитаи рушди сайёҳии назди Ҳукумати Ҷумҳурии Тоҷикистон ба АМИТ «Ховар» иттилоъ доданд, пеш аз оғози кори форум дар намоишгоҳ маҳсули дасти ҳунармандони тоҷик ва имконияти сайёҳию вазъи хизматрасонии ширкатҳои сайёҳии Тоҷикистон пешниҳод гардид.

Раиси Кумитаи рушди сайёҳӣ Тоҷиддин Ҷӯразода, Сафири Фавқулода ва Мухтори Ҷумҳурии Исломии Эрон дар Ҷумҳурии Тоҷикистон Муҳаммадтақии Собирӣ, Сафири Фавқулода ва Мухтори Ҷумҳурии Узбекистон дар Ҷумҳурии Тоҷикистон Эргаш Шоисматов ва ҳайатҳо аз намоишгоҳ дидан намуданд.

Ҷумҳурии Исломии Эрон ҳавасмандии кишварашро ҷиҳати тақвияти ҳамкорӣ дар рушди самтҳои гуногуни сайёҳӣ, аз ҷумла сайёҳии таърихию фарҳангӣ ва экологию солимгардонӣ изҳор намуд.

Ҷумҳурии Узбекистон аз лиҳози ташрифи сайёҳон ба даҳгонаи кишварҳое дохил мешавад, ки сайёҳонашон бештар ба Тоҷикистон ворид мешаванд.

Дар айни замон ҳамкорӣ миёни ширкатҳои сайёҳии Тоҷикистон ва Узбекистон дар сатҳи боло ба роҳ монда шуда, хатсайрҳои минтақавӣ ба роҳ монда шудаанд.

Меҳмонон таассуроти хешро аз мавзеъҳои сайёҳии кишвар иброз доштанд. Онҳо рушди инфрасохтори муосир ва пешниҳоди хизматрасониҳои сайёҳиро қонеъкунанда арзёбӣ намуда, муаррифии фарҳанги миллӣ, урфу одат, хӯрокҳо ва нӯшокиҳои миллӣ, таърих ва осори ғании фарҳангии халқи тоҷикро заминаи асосии рушди сайёҳӣ унвон карданд.

АКС: Кумитаи рушди сайёҳии назди ҲҶТ

Ноябрь 14, 2022 13:50

Хабарҳои дигари ин бахш

Дар вилояти Хатлон ҷараёни қабули пахта назорат карда мешавад
Ташаббусҳои Тоҷикистон дар соҳаи обу иқлим дар мулоқоти вазирони энергетикаи Тоҷикистон ва Эрон дар Теҳрон баррасӣ шуданд
Дар Душанбе Намоишгоҳи якуми байналмилалии сайёҳии Душанбе-2024 доир мегардад
Вобаста ба бақайдгирии ихтироот тавассути низоми Шартнома оид ба ҳамкории патентӣ машғулият доир шуд
Дар ноҳияи Ашт доир ба рушди хучпарварӣ ва моҳипарварӣ машғулияти ҷумҳуриявӣ баргузор шуд
Рушду пешрафти сиёсати дастрасии молиявӣ дар Тоҷикистон баррасӣ гардид
«ХАТЛОН ИНВЕСТ-2024». Дар Бохтар Форуми байналмилалии сармоягузорӣ баргузор мешавад
Бонки ҷаҳонӣ ба сохтмони марказҳои агрологистикӣ дар Тоҷикистон ҳавасмандӣ зоҳир намуд
Корхонаи «Атласи Хуҷанд» ғолиби Фестивали ҷумҳуриявии атлас ва адрас-2024 гардид
Дар Тоҷикистон ҳаҷми умумии истеҳсоли шир 5,4 фоиз афзудааст
«ТОЗАГИИ СОҲИЛ». Дар шафати рости дарёи Душанбе ҳашари экологӣ гузаронида шуд
ФЕСТИВАЛИ ҶУМҲУРИЯВИИ АТЛАС ВА АДРАС-2024. Дар номинатсияи «пиллапарварӣ» Ҷамъияти саҳомии кушодаи «Пиллаи тоҷик» ғолиб гардид