Дар Тоҷикистон Анҷумани 7-уми акушер-гинекологҳо доир шуд
ДУШАНБЕ, 26.11.2022 /АМИТ «Ховар»/. Имрӯз дар Китобхонаи миллии Тоҷикистон Анҷумани 7-уми акушер-гинекологҳои Ҷумҳурии Тоҷикистон баргузор гардид, иттилоъ доданд ба АМИТ «Ховар» дар маркази матботи Вазорати тандурустӣ ва ҳифзи иҷтимоии аҳолии мамлакат.
Дар кори анҷуман Вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода, намояндагони Парлумони кишвар, ҲХДТ, шарикон оид ба рушд, роҳбарони таваллудхонаҳо ва дигар мутахассисони соҳа иштирок намуданд.
Гуфта шуд, ки соҳаи тандурустӣ дар маркази таваҷҷуҳи давлат ва Ҳукумати Тоҷикистон қарор гирифта, дар ин замина ҷиҳати беҳтар намудани хизматрасонии тиббӣ ба шаҳрвандони мамлакат якчанд корҳои муҳим ва назаррас ба анҷом расонида шуданд. Махсусан дар ин давра дар тамоми гӯшаву канори мамлакат муассисаҳои зиёди тандурустӣ сохта, бо таҷҳизоти замонавӣ муҷаҳҳаз гардонида шуданд, ки имрӯз мавриди истифода қарор доранд.
Дар Тоҷикистон Пажӯҳишгоҳи илмию тадқиқотии акушерӣ, гинекологӣ ва перинатологӣ фаъолият мекунад, ки доир ба масъалаҳои ташкил ва расонидани кумаки тиббӣ ба модарону кӯдакон дар тамоми қаламрави ҷумҳӯрӣ ба ҳисоб меравад.
Муассисаи мазкур дар мамлакат муассисаи пешбар оид ба хизматрасонии тиббӣ ба модар ва кӯдак ба шумор меравад. Вазифаи он омода намудан ва гузаронидани тадқиқоти имлӣ оид ба масъалаҳои мубрами акушерӣ, гинекологӣ ва перинталогӣ, омӯзиши омилҳои беморшавии модарон ва кӯдакон, омода сохтани заминаи асосии нигоҳдорӣ ва мустаҳкам кардани солимии модарон ва тифлон, тайёр кардани барномаҳои миллӣ, минтақавӣ ва соҳавӣ оид ба пешгирии беморшавии модарон ва кӯдакон бо дарназардошти омилҳои иҷтимоӣ, иқтисодӣ, тиббӣ, биологӣ ва экологӣ, гузаронидани чорабиниҳои ташкиливу методӣ дар муассисаҳои тандурустӣ, иштирок дар кумитаҳо ва комиссияҳо, иштироки олимони пажӯҳишгоҳ дар гурӯҳҳои корӣ оид ба мутобиқ сохтани санадҳои меъёрӣ-ҳуқуқӣ, тавсияҳои методӣ, модулҳои омӯзишии аз тарафи Созмони Умумиҷаҳонии Тандурустӣ тавсияшаванда иборат аст.
АКС: Вазорати тандурустӣ ва ҳифзи иҷтимоии аҳолии ҶТ
Оид ба дастовардҳои соҳаи меҳнат, муҳоҷират ва шуғли аҳолӣ дар даврони Истиқлолияти давлатӣ конференсияи илмӣ–амалӣ доир гардид
Самтҳои афзалиятноки рушди таҳсилоти касбӣ бо намояндагони Бонки Осиёии Рушд баррасӣ гардид
ОГОҲӢ! Аз 21 то 24 август дар баъзе минтақаҳои Тоҷикистон омадани сел пешгӯӣ мешавад
Натиҷаҳои амалишавии Лоиҳаи «Беҳтарсозии малакаҳои касбӣ ва имконияти бокортаъминшавӣ» баррасӣ гардид
Дар Тоҷикистон беш аз 5 ҳазор муассисаи тандурустӣ фаъолият мекунад
Умед Бобозода ва Муҳаммад Рошид Ал-Амирӣ масоили ҳифзи ҳуқуқи инсонро баррасӣ намуданд
Бахшида ба ҷашни 35-солагии Истиқлоли давлатӣ дар шаҳри Душанбе барномаи фарҳангӣ доир шуд
Дар Душанбе ба муносибати Рӯзи кормандони соҳаи тиб ҳамоиши тантанавӣ баргузор гардид
Дар ноҳияи Восеъ бо иштироки Сарвазири Тоҷикистон иншооти иҷтимоӣ ва роҳҳои нав ба истифода дода шуданд
Эмомалӣ Раҳмон: «Ному осори Абуалӣ ибни Сино боиси сарфарозии тамоми инсоният гардидааст»
Эмомалӣ Раҳмон: «Саломатии аҳолӣ сарвати асосии давлат мебошад»
Бо дастури Пешвои миллат ба оилаи аз офати табиӣ зарардида дар Кӯлоб хонаи нави истиқоматӣ тақдим гардид
